សមាគមសម្ព័ន្ធអ្នកសារព័ត៌មានកម្ពុជា

បន្ទាប់ពីក្រុមហ៊ុនដឹកអ្នកដំណើរមិនគោរពពាក្យសន្យា សហជីពមួយបន្តការតវ៉ាទាំងគ្មានសង្ឃឹម

បុគ្គលិកប្រមាណជាង១០នាក់ដែលត្រូវបានក្រុមហ៊ុន Giant Ibis បញ្ឈប់ពីការងារ នាំគ្នាតវ៉ានៅមុខស្ថានីយរថយន្តក្រុងនៅខណ្ឌសែនសុខរបស់ក្រុមហ៊ុន នាថ្ងៃទី១៤ ខែសីហា ឆ្នាំ២០២៣ នៅរាជធានីភ្នំពេញ (រូបភាពផ្ដល់ឱ្យ)
បុគ្គលិកប្រមាណជាង១០នាក់ដែលត្រូវបានក្រុមហ៊ុន Giant Ibis បញ្ឈប់ពីការងារ នាំគ្នាតវ៉ានៅមុខស្ថានីយរថយន្តក្រុងនៅខណ្ឌសែនសុខរបស់ក្រុមហ៊ុន នាថ្ងៃទី១៤ ខែសីហា ឆ្នាំ២០២៣ នៅរាជធានីភ្នំពេញ (រូបភាពផ្ដល់ឱ្យ)

បន្ទាប់ពីក្រុមហ៊ុនដឹកអ្នកដំណើរ​ Giant Ibis Transport បាន​ពន្យារពេល​​ការចរចា​ចុងក្រោយ​ជាមួយ​បុគ្គលិកសហជីព​ ៣០នាក់ដែលត្រូវបានឱ្យឈប់​ពីការងារ ពួកគេបាន​នាំគ្នាបន្តការតវ៉ា​ជា​ថ្មី​ឡើងវិញ​នៅឯ​ស្ថានីយ​ចំណត​រថយន្តរបស់ក្រុមហ៊ុន​នៅក្នុង​ខណ្ឌ​សែនសុខ រាជធានីភ្នំពេញ កាលពីថ្ងៃចន្ទ ។

កាលពី​ថ្ងៃចន្ទ កម្មករនិយោជិត​​បាន​នាំគ្នាបន្តការតវ៉ា​ជា​ថ្មី​ឡើងវិញ​នៅឯ​ស្ថានីយ​ចំណត​រថយន្តរបស់ក្រុមហ៊ុន​នៅក្នុង​ខណ្ឌ​សែនសុខ រាជធានីភ្នំពេញ ។

បន្ទាប់ពីក្រុមហ៊ុនដឹកអ្នកដំណើរ​ Giant Ibis Transport បាន​ពន្យារពេល​​ការចរចា​ចុងក្រោយ​ជាមួយ​បុគ្គលិកសហជីព​ ៣០នាក់ដែលត្រូវបានឱ្យឈប់​ពីការងារ កាលពី​ថ្ងៃចន្ទ កម្មករនិយោជិត​​បាន​នាំគ្នាបន្តការតវ៉ា​ជា​ថ្មី​ឡើងវិញ​នៅឯ​ស្ថានីយ​ចំណត​រថយន្តរបស់ក្រុមហ៊ុន​នៅក្នុង​ខណ្ឌ​សែនសុខ រាជធានីភ្នំពេញ ។

ក្រុមហ៊ុនដឹកអ្នកដំណើរ Giant Ibis បាន​ពន្យារម្ដងហើយម្ដងទៀត​នូវ​ពេលកំណត់​ដើម្បី​បញ្ចប់​ការចរចា​ ដែល​ដើមឡើយ​ត្រូវបាន​កំណត់ថា​នឹងត្រូវ​ធ្វើឡើង​នៅ​ចុង​ខែ​ឧសភា ។

សមាជិក​សហជីព​បាន​ប៉ាន់ស្មានថា ក្រុមហ៊ុន​បានជំពាក់ប្រាក់ពួកគេ​ទាំងអស់គ្នា​ចំនួន​ជាង ១០០.០០០ដុល្លារ​សហរដ្ឋ​អាមេរិក បើយោងតាមច្បាប់​ការងារ ឬ​ប្រហែល​ ៧.០០០ដុល្លារ ទៅ ៨.០០០ដុល្លារ​ក្នុង​មួយនាក់ ។ នេះ​បើ​តាម​ការ​ឱ្យដឹង​របស់​ប្រធានសហជីព​លោក សៀម ម៉ូរ៉ាឌី ។

លោក ម៉ារ៉ាឌី និយាយថា ក្រុមហ៊ុនបានពន្យារពេល​ការចរចា​ ៣ដង​រួចមកហើយ គិតចាប់តាំងពីថ្ងៃកំណត់​ដែលបានព្រមព្រៀងគ្នា​ថា​នឹងធ្វើឡើង​នៅ​ចុង​ខែឧសភាមក ដែល​ជំរុញ​ឱ្យ​សហជីព​​បន្ត​ការតវ៉ា​របស់ខ្លួន​ជាថ្មី​ឡើងវិញ ដើម្បីទាមទារ​ផលប្រយោជន៍​ដែល​ក្រុមហ៊ុន​មិនទាន់បាន​សងដល់​ពួកគេ បន្ទាប់ពីពួកគេ​ត្រូវបាន​ព្យួរពីការងារ​កាលពីខែមេសា ឆ្នាំ២០២០មក ។

លោក ម៉ូរ៉ាឌី បានប្រាប់​ ខេមបូចា យ៉ាងដូច្នេះថា៖ «យើងនាំគ្នាមកទីនេះដើម្បី​រក្សា​ជំហរ​របស់​យើង​ ដើម្បី​ស្នើឱ្យ​ក្រុមហ៊ុន​ទទួលយកពួកយើង​​ចូលធ្វើការវិញ ដោះស្រាយ​ការទូទាត់ពេញលេញ​នូវ​ប្រាក់​បំណាច់ការងារនិង​ផល​ប្រយោជន៍អតីតភាពការងារ​ដែល​ក្រុមហ៊ុន​មិនទាន់​បាន​ផ្ដល់​ជាសំណង​ដល់​ពួកយើង។ ហើយ​យើង​ទាមទារ​ឱ្យ​ក្រុមហ៊ុនបញ្ឈប់​ការ​បំភិតបំភ័យ​មកលើសហជីពរបស់​ពួកយើង» ។

លោក ម៉ូរ៉ាឌី ក៏បានអំពាវនាវ​ទៅ​ដល់​អ្នកឧកញ៉ា គិត ម៉េង ផងដែរ ដែល​ជា​ម្ចាស់ក្រុមហ៊ុន Royal Group ដែលបាន​បើកឱ្យដំណើរការ​នូវ​ក្រុមហ៊ុនដឹកអ្នកដំណើរ​ Giant Ibis Transport នេះ ដោយ​ពុំ​មាន​ការបង្ហាញពីការ​លក់ ឬការផ្លាស់ប្ដូរ​ណាមួយ​នៅក្នុង​ស្ថានភាពជាម្ចាស់​នៅឡើយ ។ នេះ​បើយោងតាម​គេហ​ទំព័រ​របស់​ក្រុមហ៊ុន Royal Group ។ ​​

អ្នកឧកញ៉ា គិត ម៉េង និង​ក្រុមហ៊ុន​ Royal Group ពុំ​បាន​ឆ្លើយតប​នឹង​សំណើ​សុំ​ការអធិប្បាយឡើយ ។

លោក ម៉ូរ៉ាឌី និយាយថា ក្នុងអំឡុងពេលនៃការតវ៉ា តំណាងក្រុមហ៊ុនដឹកអ្នកដំណើរ Giant Ibis Transport ឈ្មោះ អ៊ូ ផានី ដែល​បានចុះហត្ថលេខាលើ​កិច្ច​ព្រមព្រៀងនានា​ក្នុងនាមជាតំណាង​របស់​ក្រុមហ៊ុននៅ​ឯជំនួប​ចរចាគ្នា​នៅ​ក្រសួងការងារ ត្រូវបាន​ចោទប្រកាន់ថា បាន​ស្រែកសម្លុត​និងប្រព្រឹត្ត​អាកប្បកិរិយាបែបបំពាន​មក​លើ​សមាជិក​សហជីព ។

លោក ម៉ូរ៉ាឌី និយាយថា៖ «គាត់ស្រែកឡូឡាដោយប្រើពាក្យ​សម្ដី​មិនសមរម្យ​មក​លើ​សមាជិក​សហជីពរបស់​ពួកយើង ។ គាត់​ហួសព្រំដែនហ្មង ធ្វើបែបនឹង» ។

ក្រុមហ៊ុន Giant Ibis Transport និង​លោក អ៊ូ ផាន់នី ដែលជាតំណាងក្រុមហ៊ុន​នៅក្នុងការចរចា ពុំ​បាន​ឆ្លើយតបនឹង​សំណើ​សុំអត្ថាធិប្បាយ​លើរឿងនេះ ឡើយ ។

លោក ម៉ូរ៉ាឌី និយាយថា ក្រសួងការងារ​ដែលជាអ្នកសម្របសម្រួល​ការចរចា កាលពីខែ​មិថុនា បានស្នើសុំ​ឱ្យ​សហជីព​រង់ចាំ​រហូតដល់​ក្រោយការបោះឆ្នោតជាតិ ថ្ងៃទី២៣ ខែកក្កដា ដើម្បីដោះស្រាយ​ការចរចា​ ប៉ុន្តែ ចាប់តាំងពីពេលនោះមក ពុំមាន​ដំណោះស្រាយអ្វី​ឡើយ ។

លោក ម៉ូរ៉ាឌី លើកឡើង​ថា៖ «បុគ្គលដែល​ធ្វើជាតំណាង​របស់​ក្រុមហ៊ុន​ពុំមានសមត្ថកិច្ច​ក្នុង​ការ​ធ្វើការដោះស្រាយជាក់លាក់ណាមួយ​ដល់ពួកយើង​ឡើយ» ។ លោកបានបន្ត​ថា លោក​កាន់តែសង្ស័យថា នេះអាចជាអ្វីដែល​លោកចាត់ទុកថា​ជា​ល្បិចរបស់​ក្រុមហ៊ុន​ដើម្បី​ពន្យារពេល​ការចរចា​ដោយគ្មាន​ពេលវេលាកំណត់ច្បាស់លាស់ ។

លោកបានបន្ថែមថា៖ «យើងមិនមានលទ្ធភាពផ្សេងពីនេះ​ដើម្បី​ប្រឈមមុខនឹងក្រុមហ៊ុននោះទេ ដោយសារតែកន្លងមក យើងបានធ្វើអ្វីៗដោយឈរលើ​ច្បាប់ ។ យើងអាចត្រឹមតែ​បន្ត​ការតវ៉ា​​ដោយ​ទាំងដែរអស់សង្ឃឹមប៉ុណ្ណោះ» ។

សហជីព​បាន​ធ្វើការតវ៉ា​ជាហូរហែចាប់តាំងពីខែមេសាមក ប៉ុន្តែ បានជួបការលំបាកក្នុងការស្វែងរក​ថវិកា​គាំទ្រ​ដល់​ការជួបជុំ​គ្នាដោយសារកម្មករជាច្រើននាក់​មិនអាច​ស្នាក់នៅក្នុងទីក្រុងបាន និង​កំពុង​ធ្វើការងារ​សំណង់​និងការងារស៊ីឈ្នួលគេ​បណ្ដោះអាសន្ន​នៅឯស្រុកកំណើត​ដើម្បី​ទ្រទ្រង់ជីវភាព ។ អ្នក​ខ្លះ​ចែកអាហារគ្នាហូប ឬស្នាក់នៅ​បណ្ដោះអាសន្ន​នៅផ្ទះតូចមួយ​របស់​លោក ម៉ូរ៉ាឌី នៅក្នុងរាជធានី​ភ្នំពេញ ។

លោក ម៉ូរ៉ាឌី បាននិយាយថា៖ «គ្រប់គ្នា​ធ្វើការងារនាយអាយតិចតួចដើម្បីរស់ ដូច្នេះ ការតវ៉ាអាចធ្វើឡើង​តែនៅចុងសប្ដាហ៍ប៉ុណ្ណោះ» ។

លោក អាត់ ធន់ ប្រធានសហភាព​ការងារ​កម្ពុជា ដែល​ជួយបង្កើត​សហជីព​ឱ្យ​កម្មករ​និយោជិត​នៅក្នុង​ក្រុមហ៊ុនដឹកអ្នកដំណើរ Giant Ibis កាលពីឆ្នាំ២០២០ បាន​និយាយថា ការអះអាង​ម្ដងហើយម្ដងទៀត​​របស់​ក្រុមហ៊ុន​អំពីការគណនាមិនត្រឹមត្រូវ​នូវ​​ប្រាក់​បំណាច់​ការងារនិងប្រាក់​អតីតភាព​ការងារ​សម្រាប់​កម្មករ​និយោជិត​ដែលត្រូវបានបញ្ឈប់​ការងារបានក្លាយជា​លេស​ដោះសារដ៏គួរ​ឱ្យធុញទ្រាន់ ។ លោក​និយាយថា បញ្ហា​នេះ​«មិនពិបាកដោះស្រាយ»ទេ ។

លោកនិយាយយ៉ាងដូច្នេះ៖ «ក្រសួងការងារ​ត្រូវតែ​ធ្វើការងារដើម្បីពង្រឹង​ការអនុវត្ត​ច្បាប់​ ហើយប្រសិនបើ​ក្រុមហ៊ុនយកលេស​ដោះសារគេចវេះពី​ការដោះស្រាយ ក្រសួង​មានសមត្ថភាព​ដើម្បី​ចាប់​ឱ្យក្រុមហ៊ុនទទួលខុសត្រូវបាន» ។ លោកបានបន្ថែមថា៖ «បើមិនដូច្នេះទេ វាបង្ហាញថា ច្បាប់ការងារធូររលុង» ។

អ្នកនាំពាក្យក្រសួងការងារ លោក ហេង សួរ ពុំ​បាន​ឆ្លើយតបនឹង​សំណើ​សុំ​ការអត្ថាធិប្បាយ​លើ​បញ្ហា​នេះ​ឡើយ ៕

ប្រែសម្រួលពីអត្ថបទភាសាអង់គ្លេស៖​​​ After Bus Company Reneges on Promises, A Desperate Union Resumes Protests

252 views

ព័ត៌មានទាក់ទង

ព័ត៌មានថ្មីៗ

អត្ថបទពេញនិយម