ពលរដ្ឋជិត២០០នាក់នៅភូមិខ្ជាយ ឃុំជាំក្រវៀន ស្រុកមេមត់ បានតវ៉ាទាមទារឱ្យដាក់មេភូមិ អនុភូមិចាស់ចូលកាន់តំណែងវិញ ដោយអះអាងថា ពួកគាត់មិនបានសាងកំហុសអ្វីកំឡុងពេលដែលពួកគាត់ដឹកនាំជិត២០ឆ្នាំ ប៉ុន្តែបែរជាត្រូវបានក្រុមប្រឹក្សាឃុំដក ខណៈក្រសួងមហាផ្ទៃថា នឹងតាមដានរឿងនេះដើម្បីស្វែងរកយុត្ដធម៌។

សាលាដំបូងខេត្ដសៀមរាបសម្រេចឃុំខ្លួនពលរដ្ឋម្នាក់បណ្ដោះអាសន្ននៅថ្ងៃទី៦ ខែកក្កដា ក្រោយពីក្រុមទាហានភាគភូមិ៤ និងមន្ត្រីបរិស្ថានបានចាប់ខ្លួនកាលពីថ្ងៃទី៥ ខែកក្កដា ឆ្នាំ២០២៤ ដោយចោទប្រកាន់ថា រុករាន កាប់ឆ្ការ ឈូសឆាយដីព្រៃដើម្បីយកដីធ្វើជាកម្មសិទ្ធិស្ថិតនៅភូមិឃុំកន្ទួត ស្រុកស្វាយលើ ខណៈសង្គមស៊ីវិល និងក្រុមគ្រួសារថា​ ការប្រើប្រព័ន្ធតុលាការមិនអាចដោះស្រាយវិវាទដីធ្លីបាននោះទេ។

ពលរដ្ឋ៥ភូមិស្ថិតនៅស្រុកជុំគីរី ខេត្ដកំពត បារម្ភបាត់បង់ផ្ទៃបឹងអាស្រ័យផលជិត២០០ហិកតាដោយសារគ្រឿងចក្រចូលទៅកាយព្រំដីទោះបីជាអាជ្ញាធរមូលដ្ឋានហាមឃាត់ ប៉ុន្ដែសកម្មភាពនៅតែបន្ដ ខណៈពលរដ្ឋស្នើឱ្យអាជ្ញាធរថ្នាក់ជាតិជួយទប់ស្កាត់សកម្មភាពនេះ។

ពលរដ្ឋ៤៨នាក់តំណាងឱ្យពលរដ្ឋ ១ ៣១៨គ្រួសារនាំគ្នាដាក់ញត្ដិស្នើឱ្យស្ថាប័នថ្នាក់ជាតិមួយចំនួននៅថ្ងៃទី១៩ ខែមិថុនា ឱ្យអន្ដរាគមន៍កាត់ឆ្វៀលដីចំនួន​៥០០ហិកតាមកវិញ ព្រោះពួកគេបានអាស្រ័យផលតាំងពីឆ្នាំ២០០៨ ដោយពួកគេអះអាងថា ក្រុមហ៊ុនពីរបានហ៊ុំព័ទ្ធ​យក ខណៈអ្នកឃ្លាំមើលបញ្ហានេះយល់ថា រដ្ឋាភិបាលត្រូវពិនិត្យ ឱ្យបានច្បាស់លាស់មុននឹងផ្ដល់ឱ្យក្រុមហ៊ុនឯកជន​វិនិយោគ​។