Update: តំណាងអយ្យការអមសាលាដំបូងរាជធានីភ្នំពេញ បានបង្គាប់ឱ្យលោក រ៉ុង ឈុន ទីប្រឹក្សា​គណបក្ស​កម្លាំងជាតិ បង់ប្រាក់ពិន័យចំនួន​២លានរៀលពាក់ព័ន្ធនឹងបទញុះញង់ ហើយ​ព្រមាន​ថា ប្រសិនបើលោកមិនអនុវត្តតាមការបង្គាប់នេះតុលាការនឹងចេញដីកាឃុំខ្លួន។

សាលាឧទ្ធរណ៍ភ្នំពេញនៅព្រឹកថ្ងៃអង្គារ ទី២៧ ខែកុម្ភៈ បានសម្រេចតម្កល់សាលាក្រមលើ លោក ថាច់ សេដ្ឋា អនុប្រធានគណបក្សភ្លើងទៀន ពាក់ព័ន្ធនឹងបទចោទញុះញង់បង្កឱ្យមាន​ភាពវឹកវរដល់​សន្តិសុខសង្គម។

សភាស៊ើបសួរសាលា​ឧទ្ធរណ៍ភ្នំពេញ កាលពីរសៀលថ្ងៃទី១៥ ខែកុម្ភៈ ​បានបង្គាប់ឱ្យបន្តការ​ឃុំ​ខ្លួន​​ចៅសង្កាត់​រងទី២ កូតាបក្សភ្លើងទៀន បណ្ដោះអាសន្ននៅពន្ធនាគារដដែល ដោយច្រាន​ចោល​បណ្ដឹងជំទាស់នឹងការឃុំខ្លួនរបស់តុលាការជាន់ទាប ពាក់ព័ន្ធនឹងបទចោទ«ក្លែងបន្លំ និង​ប្រើ​ប្រាស់​លិខិតក្លែង»។