រដ្ឋមន្ត្រីការបរទេសចិនប្រគល់ពហុកីឡាដ្ឋានតម្លៃ១៥០លានដុល្លារដល់កម្ពុជា ហើយសន្យាផ្ដល់ជំនួយបន្ថែម២៧០លានដុល្លារ
រដ្ឋមន្ត្រីការបរទេសចិន លោក វ៉ាង យី កាលពីថ្ងៃអាទិត្យ បានសន្យាផ្ដល់ជំនួយ២៧០លានដុល្លារ និងវ៉ាក់សាំងបង្ការកូវីដ-១៩ ចំនួនបីលានដូស បន្ថែមទៀតដល់កម្ពុជា។ លោក ក៏បានចូលរួមប្រគល់ពហុកីឡាដ្ឋានជាតិមរតកតេជោ ទើបសាងសង់រួច មានតម្លៃប្រមាណ១៥០លានដុល្លារ ដែលនេះជាជំនួយផ្នែកហេដ្ឋារចនាសម្ព័ន្ធធំបំផុតរបស់ចិនសម្រាប់កម្ពុជា។