អ្នកជំនាញគុណភាពសាច់ និងប្រជាពលរដ្ឋបារម្ភពីគ្រោះថ្នាក់ដល់សុខភាព និង​អាយុជីវិត​អ្នកប្រើ​ប្រាស់ ដែលបណ្តាលពីសាច់បង្កក ខណៈសមត្ថកិច្ចរកឃើញទីតាំងស្តុកថ្មីមួយកន្លែងទៀតនៅ​រាជធានីភ្នំពេញ មានលាក់សាច់បង្កកខុសច្បាប់ជិត៤រយតោន។

ប្រជាពលរដ្ឋមួយចំនួនបានធ្លាក់ខ្លួនជាប់បំណុលកាន់តែធ្ងន់ក្រោយពេលខ្ចីលុយពីបុគ្គលឯកជនក្នុងអត្រាការប្រាក់ខ្ពស់ចន្លោះពី១០ទៅ ដល់៣០ភាគរយ ដើម្បីយកទៅបង្គ្រប់ចំនួនបង់​សង​ធនាគារ ប្រចាំ​​ខែនាំឱ្យអ្នកភូមិមួយចំនួន​លក់ដី និងផ្ទះរត់ចោលស្រុកកំណើត។​

ក្រុមប្រឹក្សាចម្រុះបក្សនៅឃុំសាគ្រាម តែងមានការជជែកគ្នាតឹងតែងលើការប្រើប្រាស់ថវិកាអភិវឌ្ឍន៍ នានា ដើម្បីធានាថា ប្រើចំតម្រូវការជាក់ស្តែងរបស់ប្រជាពលរដ្ឋ ដែលពេលខ្លះ​ឈានដល់ការ​ប្រើ​សម្តី​ខ្លាំងៗ និងចង្អុលមុខគ្នាក៏មាន។ នេះបើតាមការឱ្យដឹងពីមន្ត្រីសាលាឃុំ។

អាជ្ញាធរឃុំសាគ្រាម ស្រុកប្រាសាទបល្ល័ង្គ ខេត្តកំពង់ធំ បានរឹតបន្តឹងការធ្វើលិខិតផ្សេងៗពាក់ព័ន្ធនឹង​​ការខ្ចីលុយពីធនាគារ ឬគ្រឹះស្ថានមីក្រូហិរញ្ញវត្ថុ លើពលរដ្ឋនៅក្នុងភូមិមួយដែលភាគច្រើនមាន​ជីវភាព​ក្រលំបាកមិនមានលទ្ធភាពសងបំណុល។