ក្រសួង​អភិវឌ្ឍន៍​ជនបទ​​បាន​ចេញប្រកាសស្តីពី​ការ​«កំណត់​​លក្ខណៈ​សម្បត្តិភូមិគំរូ»​ ជាភូមិ​ដែល​មាន​វិបុលភាព ​បរិយាបន្ន នវានុវត្តន៍ ឌីជីថល និងមាន​​ភាព​ធន់​ទាំង​ផ្នែក​សេដ្ឋកិច្ច​​សង្គម​ដោយ​ក្នុង​១ឆ្នាំ​ត្រូវបង្កើតឱ្យបាន​៥០​ភូមិ​​ បន្ទាប់ពីបានបង្កើតភូមិគំរូចំនួន​៣០​។​សមា​គមសម្ព័ន្ធ​សហគមន៍កសិករ​កម្ពុជា​​ស្វាគមន៍​ចំពោះការ​បន្តបង្កើតភូមិគំរូ ប៉ុន្តែ​លើកទឹក​ចិត្ត​ឱ្យ​មានការ​បង្កើតភូមិគំរូនៅ​តំបន់​តាម​ព្រំដែន​ដើម្បី​លើកកម្ពស់​ការ​ការពារ​បូរណភាព​ទឹកដី​។​

អស់រយៈពេលជាង ៧ឆ្នាំបន្ទាប់​ពី​ត្រូវបានបង្ខំចិត្ត​ចាកចោលផ្ទះសម្បែង​ដោយសារអាងទឹកដ៏ធំមួយនៃ​ទំនប់វារីអគ្គិសនី សហគមន៍ជនជាតិដើមភាគតិច​ពូនង​នៃខេត្តស្ទឹងត្រែង​ភាគខាងជើង​របស់​ប្រទេស​កម្ពុជា​នៅតែ​ប្ដេជ្ញាចិត្តក្រាញននៀល​នៅលើ​ដីសេសសល់នៃភូមិកំណើតរបស់ពួកគេ​ដែលត្រូវទឹកជន់លិច​ ។

ការកាត់បន្ថយការប្រើប្រាស់គ្រឿងសង្ហារិមធ្វើពីឈើប្រណិត និងប្រភេទឈើកម្រ អាចជួយការពារបរិស្ថាន និងអភិរក្សព្រៃឈើនៅកម្ពុជា ដែលបញ្ហានេះត្រូវបានគេលើកមកនិយាយជារឿយៗផងដែរ។ ប៉ុន្តែប្រជាជនភាគច្រើនមិនបានផ្តោតលើការប្រើប្រាស់ផលិតផលគ្រឿងសង្ហារិមកែច្នៃ វត្ថុធាតុដើម ឬឈើសិប្បនិម្មិតនោះទេ ខណៈបញ្ហាទាំងនេះអាចបណ្តាលមកពីកង្វះនូវការលើកទឹកចិត្ត និងការយល់ដឹង។