សមាគមសម្ព័ន្ធអ្នកសារព័ត៌មានកម្ពុជា

បរិស្ថាន

សកម្មភាពមន្ត្រីកំពុងពិនិត្យឈើខុសច្បាប់ដែលជាកម្មសិទ្ធិរបស់លោក កោះ សំភី ហៅតាហយ នៅក្នុងខេត្តពោធិ៍សាត់។ (រូបភាពផ្តល់ឱ្យ)

សមត្ថកិច្ចរកជនសង្ស័យជាមេឧក្រិដ្ឋកម្មព្រៃឈើនៅខេត្តពោធិ៍សាត់មិនទាន់ឃើញ

មន្ត្រីពាក់ព័ន្ធអះអាងថា មិនទាន់អាចរកឃើញជនសង្ស័យជាមេឧក្រិដ្ឋកម្មព្រៃឈើទ្រង់ទ្រាយធំនៅខេត្តពោធិ៍សាត់នៅឡើយ ដែលករណីនេះសកម្មជនបរិស្ថានសង្ស័យថា មានជាប់ពាក់ព័ន្ធមន្ត្រីមានតួនាទីសំខាន់​ៗ​​មួយចំនួនទើបជនសង្ស័យអាចធ្វើសកម្មភាពបានជាង២០ឆ្នាំមកនេះ។​
លោក ឌី្រសម៉ាន់ អ៊ីហ្គោរ៍ (Igor Driesmans) ឯកអគ្គរដ្ឋទូតសហភាពអឺរ៉ុបប្រចាំប្រទេសកម្ពុជា និងអ្នកចូលរួមបានថតរូបជុំគ្នាក្នុងទិវាអឺរ៉ុប(Europe Day) កាលពីថ្ងៃទី៩ ខែឧសភា ឆ្នាំ២០២។ (ខេមបូចា/ ពក ពន្លឺ)

យុវជនអំពាវនាវឱ្យរដ្ឋាភិបាលបើកលម្ហសេរីភាព និងសុវត្ថិភាពដល់ពួកគេដើម្បីចូលរួមការពារបរិស្ថាន

យុវជនប្រមាណជាងមួយរយនាក់ចូលរួមក្នុងទិវាអឺរ៉ុប (Europe Day) ដែលជជែកលើ​ប្រធាន​បទតួនាទី​ដ៏​សំខាន់​របស់យុវជនអំពីនិរន្តរភាពបរិស្ថាន និងការអប់រំ ពួកគេក៏បានអំពាវនាវឱ្យរដ្ឋាភិបាល​បើកលម្ហ​សេរីភាព​​​ឱ្យទូលាយ ហើយបង្កលក្ខណៈឱ្យពួកគេយល់ថា មានសុវត្ថិភាព និងមានការគាំទ្រក្នុងការ​ចូល​រួមការពារបរិស្ថាន។
ក្រុមការងារបច្ចេកទេស អាជ្ញាធរទន្លេសាប ចុះផ្ទៀងផ្ទាត់និយាមកា កំណត់ដែនព្រៃលិចទឹកតំបន់៣ ស្ថិតក្នុងភូមិសាស្រ្តខេត្តបន្ទាយមានជ័យ និងខេត្តសៀមរាប នៅដើមខែឧសភានេះ។ (រូបថត៖ អាជ្ញាធរទន្លេសាប)

ប្រជាសហគមន៍នៅបឹងទន្លេសាបបារម្ភ​ពីការបាត់បង់ព្រៃលិចទឹកដោយ​សារ​តែភ្លើងឆេះព្រៃ និងការកាប់ទន្ទ្រានដោយខុសច្បាប់

បើ​ទោះ​បីជាអាជ្ញាធរ​បាន​អះអាង​ពីការ​ទប់ស្កាត់​បាន​​នូវ​ការកាប់​រុករាន​ដីព្រៃ​លិច​ទឹក​ ហើយ​អាជ្ញាធរ​ទន្លេ​សាប​ក៏​កំពុង​បន្ត​ចុះ​ផ្ទៀង​ផ្ទាត់​និយាម​កាកំណត់​ដែន​ព្រៃលិច​ទឹក​តំបន់​​៣ក្តី​ ក៏ប្រជា​សហគមន៍​នៅតែ​មាន​ការ​បារម្ភ​ពីការ​បាត់បង់​ព្រៃលិច​ទឹក​ដោយ​សារ​តែ​មាន​ករណី​ភ្លើង​ឆេះព្រៃ និងការកាប់ទន្ទ្រានដីព្រៃលិចទឹក​នៅតែ​កើត​ឡើង​ជាបន្ត​បន្ទាប់​។
យុវជនបរិស្ថានចាប់ផ្ដើមជិះកង់របស់ពួកគេក្នុងយុទ្ធនាការ១ ០០០គីឡូម៉ែត្រដើម្បីពង្រឹងការយល់ដឹងពីកិច្ចការពារបរិស្ថាន។ (រូបភាព៖ហ្វេសប៊ុកអង្គការបណ្ដាញយុវជនកម្ពុជា)

ក្រុម​យុវជន​ជិះកង់​១ ០០០​គីឡូម៉ែត្រ​ពី​ខេត្ត​រតនគិរីទៅ​ខេត្ត​កែប ដើម្បីចូលរួម​លើកកម្ពស់ការការពារបរិស្ថាន

យុវជន​ចំនូន​២៥​រូប​​ បាន​ចាប់​ផ្ដើម​ធ្វើយុទ្ធនាការ​របស់​ខ្លួន​ក្នុង​ការ​ជិះកង់​ចម្ងាយ​១ ០០០​គីឡូម៉ែត្រ ដើម្បី​ចូល​រួម​ក្នុង​ទិវា​បរិស្ថាន​ពិភព​លោក​ដែល​ត្រូវ​នឹង​ថ្ងៃទី​៥ ខែមិថុនា ក្នុង​ន័យ​លើក​កម្ពស់​ការ​យល់​ដឹង​ពី​ការ​ការពារ​ធនធានធម្មជាតិ និង​ការ​ពារ​ការ​កាប់​បំផ្លាញ​ព្រៃ​ឈើ​។​ យុទ្ធនាការ​ជិះ​កង់​នេះ​មាន​រយៈពេល​២០​ថ្ងៃ ដោយ​ចាប់​ផ្ដើម​ពី​ថ្ងៃទី​៦ ខែឧសភា និង​គ្រោងបញ្ចប់​នៅ​ថ្ងៃទី​២៤ ខែឧសភា។ យុទ្ធនាការ​នេះ ក្រុ​ម​យុវជន​​ផ្ដើមជិះកង់​​ចេញ​ពី​ខេត្ត​រតនគិរី និង​បញ្ចប់​នៅ​ខេត្ត​កែប ក្នុង​គោល​បំណង​ជំរុញ​ដល់​សាធារណជន​ឲ្យ​ចូល​រួម​សកម្ម​ថែម​ទៀត​ក្នុង​កិច្ច​ការ​ពារ​បរិស្ថាន និង​ការ​យល់​ដឹង​ពី​ការ​ប្រែ​ប្រួល​អាកាសធាតុ​។​ យុទ្ធនាការ​នេះ​នឹង​មាន​រៀប​ចំ​ជា​សកម្មភាព​មួយ​ចំនួន​ដូច​ជា​ការ​ដាំ​កូន​កោង​កាង​ ការ​ជួប​ជុំ​ជា​មួយ​សហគមន៍​នានា និង​ការ​រៀប​ចំ​វេទិកា​មួយ​​នៅ​ទី​ក្រុង​ភ្នំពេញ​​​។​ វេទិកាសាធារណៈនេះ​នឹង​រៀប​ចំ​នៅ​ទីលាន​ប្រជា​ធិបតេយ្យ ព្រមទាំងការ​ជិះ​រថយន្ត​ក្រុង​សាធារណៈ​ដើម្បី​បង្កើន​ការ​យល់​ដឹង​អំពី​បរិស្ថាន​ ហើយ​យុទ្ធនាការ​នេះ​នឹង​រៀប​ចំ​បន្ទាប់​ពី​យុទ្ធការជិះ​កង់​បន្ត​រហូត​ដល់​ថ្ងៃទី​៥ ខែមិថុនា​។​ អ្នក​ជិះ​កង់​បាន​ស្រែកសារ​មាន​ន័យ​អប់​រំ​រយៈពេល​ពី​ប្រាំទៅ​១០ននាទី​ដើម្បី​ដាស់​ស្មារតី​សាធារណជន​​អំពីកិច្ច​ការ​ពារ​ធនធាន​ធម្មជាតិ​ពេល​បាន​មក​ដល់​តំបន់​ប្រជុំជន​នានា​ក្នុង​ខេត្ត​រតនគិរី​។…
ទំនប់វារីអគ្គិសនីដនសាហុង មានចម្ងាយ២គ.ម.ពីព្រំដែនកម្ពុជានៅថ្ងៃទី១០ ខែមីនា ឆ្នាំ២០២៤។ (សុវណ្ណ ស្រីពេជ្រ)

ទំនប់វារីអគ្គិសនី និងការប្រែប្រួលអាកាសធាតុធ្វើឱ្យរាំងស្ទះទន្លេមេគង្គ៖ ជីវភាព និងប្រព័ន្ធអេកូឡូស៊ីកំពុងរងគ្រោះ

ខេត្តស្ទឹងត្រែង និងក្រចេះ ប្រទេសកម្ពុជា៖ ទន្លេមេគង្គ ដែលជាទន្លេដ៏សំខាន់​ដែល​មនុស្ស​រាប់​លាន​នាក់ពឹង​អាស្រ័យ​លើ​នៅអាស៊ីអាគ្នេយ៍ កំពុងប្រឈមនឹងវិបត្តិអេកូឡូស៊ី។ កម្រិតទឹក​ដែល​​មិនអាចទាយទុក​បានជាមុន ការថយចុះនៃបរិមាណត្រី និងការបាត់បង់សត្វផ្សោត គឺ​គំរាម​កំហែងដល់ការរស់នៅ និងប្រពៃណីរបស់​ប្រជាពលរដ្ឋនៅតាមដង​ទន្លេ។
ព្រះសង្ឃ និងសកម្មជនបរិស្ថានដាក់ញត្តិជូនក្រសួងយុត្តិធម៌ស្ដីពីករណី ឈុត វុទ្ធី នៅរាជធានីភ្នំពេញ នាថ្ងៃទី២៦ ខែមេសា ឆ្នាំ២០២៤ ។ (ខេមបូចា / ព្រីង សំរាំង)

អង្គការមិនមែនរដ្ឋាភិបាលនិងសកម្មជន​អំពាវនាវឱ្យស៊ើបអង្កេតឡើងវិញលើ​ករណី​ឃាតកម្មលើអ្នកប្រយុទ្ធប្រឆាំងការកាប់បំផ្លាញព្រៃឈើ ឈុត វុទ្ធី

អង្គការមិនមែនរដ្ឋាភិបាល និងសកម្មជន​បានអំពាវនាវ​ឱ្យរដ្ឋាភិបាល​បើកការស៊ើប​អង្កេត​​​ឡើង​វិញ​ទៅលើសំណុំ​រឿង​របស់​សកម្មជនប្រឆាំងការកាប់បំផ្លាញព្រៃឈើ លោក ឈុត វុទ្ធី ដែលត្រូវបានគេបាញ់ស្លាប់​កាលពីថ្ងៃទី២៦ ខែ​មេសា ឆ្នាំ២០១២។
លោក ជួន គន្ធា (បុរសមានសក់វែង ពាក់អាវធំ)កំពុងនៅទីតាំងចែកដីឡូតិ៍ដែលប្រកាសចែកឱ្យពលរដ្ឋមុននឹងការឃាត់ខ្លួន ស្ថិតនៅភូមិរោងម៉ាស៊ីន ឃុំតាសាល ស្រុកឱរ៉ាល់ ខេត្តកំពង់ស្ពឺ កាលពីថ្ងៃទី២២ ខែមេសា ឆ្នាំ២០២៤។ (រូបភាពផ្ដល់ឱ្យ)

សមត្ថកិច្ចខេត្ដកំពង់ស្ពឺឃាត់ខ្លួនលោក ជួន គន្ធា ពាក់ព័ន្ធករណីទន្ទ្រានយកដីជម្រកសត្វព្រៃភ្នំឱរ៉ាល់

សមត្ថកិច្ចខេត្ដកំពង់ស្ពឺឃាត់ខ្លួនលោក ជួន គន្ធា ក្រោយពីតុលាការចេញដីកាបញ្ជាឱ្យចូលខ្លួន​ពាក់ព័ន្ធនឹងករណី«ប៉ុនប៉ងឆបោក និងញុះញុងឱ្យមានការប្រព្រឹត្ដបទឧក្រឹដ្ឋជាអាទិ៍»​ដោយ​បានទន្រ្ទានដី ជម្រសត្វព្រៃភ្នំឱរ៉ាល់៤២០ហិកតា ពុះឡូតិ៍ចែកដី ឱ្យពលរដ្ឋដែលជាដីតំបន់ការ​ពារដោយអនុក្រឹត្យ។
ដីដែលទើបនឹងត្រូវកាប់ឆ្ការថ្មីៗដែលជនជាតិដើមភាគតិចពូនងនឹងប្រើប្រាស់សម្រាប់ធ្វើចម្ការនៅក្នុងព្រៃសហគមន៍ពូត្រែង ក្នុងឃុំដាក់ដាំ កាលពីថ្ងៃទី២០ ខែមីនា ឆ្នាំ២០២៤។ (ខេមបូចា/ ម៉េង គ្រុយពន្លក)

ព្រៃសហគមន៍រងការកាប់បំផ្លាញដោយសារគ្មានជំនួយពីអង្គការក្រៅរដ្ឋាភិបាល និងបាត់ឱកាសការងារសម្រាប់អ្នកភូមិ

ការ​​ប្រទះ​ឃើញ​ស​ត្វខ្លាហាក់​ដូចជា​​រឿ​ធម្មតា​​​​ចំពោះ​ដូន​តា​របស់លោក ព្យាន ច្រេន ប៉ុន្តែមិន​ទំនង​​ជា​​អាច​កើត​ឡើង​ទេ​នៅក្នុង​ជំនាន់​របស់​លោក​។ ប៉ុន្តែ​​កសិករ​​ជន​ជាតិ​ពូនង​អាយុ៥៧ឆ្នាំ​​រូប​នេះ​​ចង​ចាំ​ពី​គ្រា​​មួយ​ដែល​​អ្នក​ភូមិ​របស់​លោក​​​អាច​ប្រទះ​ឃើញ​សត្វ​​រ​មាស និង​​ក្ងោក​​ក្នុង​ព្រៃ​​សហគមន៍​​ពូ​ត្រែង ដែល​​ជា​តំបន់​ព្រៃ​តូច​​មួយ​នៃ​​ដែន​ជម្រក​សត្វ​ព្រៃ​ភ្នំ​ណាំលៀរ ក្នុង​​ខេត្ត​មណ្ឌលគិរី។
កម្លាំងប្រដាប់អាវុធមួយក្រុមបានឃាត់រថយន្តដែលបើកឆ្លងកាត់តំបន់ការពារ ខណៈមន្ត្រីមួយរូបទៀតកំពុងថតរូបអ្នកទាំងនោះ។ (រូបភាព៖ ទំព័រហ្វេសប៊ុកមន្ទីរបរិស្ថានខេត្តពោធិ៍សាត់)

បញ្ចប់ប្រតិបត្តិការចុះបង្ក្រាបបទល្មើសធនធានធម្មជាតិក្នុងខេត្តពោធិ៍សាត់ មនុស្ស២៣នាក់ត្រូវឃុំខ្លួន

ប្រតិបត្តិការ​បង្ក្រាប​បទល្មើស​ធនធានធម្មជាតិ​ក្នុង​ខេត្ត​ពោធិ៍សាត់​ ដែល​មាន​រយៈពេល​មួយ​ខែ​មក​ហើយ​នោះ​បាន​បិទ​បញ្ចប់​ក្នុង​សប្ដាហ៍​នេះ។ ជា​លទ្ធ​ផល​មាន​មនុស្ស​១៨​នាក់​ត្រូវបាន​ចោទ​ប្រកាន់ និង​ឃុំ​ខ្លួន​បណ្ដោះ​អាសន្ន ចំណែក​មនុស្ស​ប្រាំ​នាក់​ផ្សេង​ទៀត​ថ្វីបើ​មិន​ទាន់​រង​បទ​ចោទ​ណា​មួយ ក៏​ត្រូវ​ឃុំ​ខ្លួន​​នៅ​ពន្ធនាគារ​ខេត្ត​ដោយត្រូវ​រង់ចាំ​ការ​សាក​សួរ​ និង​បន្ត​នីតិវិធី​តុលាការ​។​

ព័ត៌មានថ្មីៗ

អត្ថបទពេញនិយម