ព្យុះថ្មីអាចនឹងធ្វើឲ្យស្ថានភាពទឹកជំនន់កាន់តែអាក្រក់ ខណៈពលរដ្ឋរាប់ពាន់គ្រួសារត្រូវបានជម្លៀសទៅទីទួលសុវត្ថិភាព
គេរំពឹងថា នឹងមានភ្លៀងធ្លាក់ច្រើនទៀតនៅចុងសប្តាហ៍នេះនៅពេលដែលព្យុះត្រូពិចមកដល់ប្រទេសកម្ពុជា ហើយវានឹងធ្វើឲ្យស្ថានភាពទឹកជំនន់កាន់តែអាក្រក់ជាងនេះ បន្ទាប់ពីជំនន់ទឹកភ្លៀងបានសម្លាប់មនុស្ស្១៨នាក់និងបង្ខំឲ្យពលរដ្ឋជាងពីរម៉ឺនប្រាំពាន់នាក់ផ្សេងទៀតជម្លៀសទៅរកទីទួលសុវត្ថិភាពក្នុង១៩ខេត្ត ចាប់តាំងពីដើមខែតុលា។ នេះបើតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ (NCDM) ។
