ខណៈវិស័យទេសចរណ៍នៅតែមិនទាន់មានភាពល្អប្រសើរ អាជីវករនៅសៀមរាបបារម្ភភ្ញៀវតិចតួចមកលេងពេលចូលឆ្នាំខ្មែរ
ខេត្តសៀមរាប៖ មុនពេលផ្ទុះជំងឺរាតត្បាតកូវីដ១៩ អ្នកស្រី តាន់ អង អាចរកប្រាក់ចំណូលបាន ១០០ ដុល្លារ នៅរាល់ចុងសប្តាហ៍ ពីការលក់នំអាកោត្នោត នៅភូមិព្រះដាក់ ក្នុងខេត្តសៀមរាប។ ឥឡូវនេះ ប្រាក់ចំណូលរបស់អ្នកស្រី គឺរកបានស្ទើរតែមិនដល់ ៥០ ដុល្លារផង ហើយសម្រាប់ពិធីបុណ្យចូលឆ្នាំខ្មែរដែលនឹងឈានចូលមកដល់ក្នុងខែនេះ អ្នកស្រីមានការរំពឹងទុកតិចតួចថានឹងមានទេសចរច្រើន។