- បរិស្ថាន -
យុទ្ធនាការបង្ក្រាបបទល្មើសធនធានធម្មជាតិទ្រង់ទ្រាយធំនៅខេត្តពោធិ៍សាត់ដកហូតដីធ្លី និងឃាត់ខ្លួនមនុស្ស១៦នាក់
យុទ្ធនាការចុះបង្ក្រាបបទល្មើសទន្ទ្រានដីរដ្ឋនៅខេត្តពោធិ៍សាត់មានការចូលរួមពីក្រុមការងារចំនួន១០ ក្នុងនោះមានកម្លាំងអគ្គស្នងការដ្ឋាននគរបាលជាតិ កងរាជអាវុធហត្ថលើផ្ទៃប្រទេស និងអាជ្ញាធរខេត្តពោធិ៍សាត់។ ក្នុងប្រតិបត្តិការនេះសមត្ថកិច្ចបានឃាត់ខ្លួនជនសង្ស័យចំនួន១៦រូប ដែលពេលនេះកំពុងស្ថិតនៅក្រោមការស៊ើបអង្កេតដើម្បីអនុវត្តនីតិវិធីបន្ត។ ជនសង្ស័យម្នាក់ត្រូវបានចោទប្រកាន់ថាបានចូលកាន់កាប់ដីរដ្ឋខុសច្បាប់។ ការឃាត់ខ្លួន និងការចោទប្រកាន់នេះធ្វើឡើងក្នុងយុទ្ធនាការប្រឆាំងនឹងបទល្មើសធនធានធម្មជាតិដែលត្រូវអនុវត្តក្នុងរយៈពេលមួយខែ។
