រដ្ឋសភាបានអនុម័តវិសោធនកម្មច្បាប់បោះឆ្នោត នៅព្រឹកថ្ងៃទី២៣ ខែមិថុនា ដែលច្បាប់នេះ​តម្រូវ​ឱ្យបុគ្គលម្នាក់មានកាតព្វកិច្ចបោះឆ្នោតពីរលើកជាប់គ្នា ដើម្បីមានសិទ្ធិឈរ​ជា​បេក្ខជន ដែលចំណាត់ការមួយនេះហាក់ដូចជាប្រតិកម្ម​ទៅនឹងការអំពាវនាវ​ឱ្យធ្វើពហិកា​ការ​បោះ​ឆ្នោត​ខែកក្កដា។

គណបក្សភ្លើងទៀននឹងដាក់ពាក្យបណ្តឹងទៅក្រុមប្រឹក្សាធម្មនុញ្ញក្នុងរយៈពេលពីរបីថ្ងៃទៀត គឺយ៉ាង​យូរ​នៅថ្ងៃ​ទី២០ ខែឧសភា ឆ្នាំ២០២៣ បន្ទាប់ពី គ.ជ.ប បានបដិសេធការចុះបញ្ជី​ឈរឈ្មោះ​បោះឆ្នោត​កាល​ពីថ្ងៃពីចន្ទ។

គណៈកម្មាធិការជាតិរៀបចំការបោះឆ្នោតបានសម្រេចបដិសេធការចុះបញ្ជីឈរឈ្មោះបោះឆ្នោត​របស់គណបក្ស​ភ្លើងទៀន ដើម្បីចូលរួមប្រកួតប្រជែងក្នុងការបោះឆ្នោតខែកក្កដាខាងមុខ ដែល​ គជប អះអាងថា គណបក្ស​នេះ​មិនមានឯកសារគ្រប់គ្រាន់។ ការ​សម្រេច​នេះ​ធ្វើ​ឡើង​បន្ទាប់​ពី គ.ជ.ប មាន​កិច្ច​ប្រជុំ​នៅ​ព្រឹក​ថ្ងៃ​ច័ន្ទទី១៥ ខែឧសភា។ មានគណបក្សនយោបាយ​ចំនួន១៨ ត្រូវបានអនុម័ត ប៉ុន្តែ​លើក​លែងតែគណបក្សភ្លើងទៀនមួយប៉ុណ្ណោះ។