សមាគមសម្ព័ន្ធអ្នកសារព័ត៌មានកម្ពុជា

នយោបាយ

សមាជិកបណ្ដាញយុវជនកម្ពុជា កញ្ញា ដាំ សុស្រីនាង និយាយជាមួយអ្នកសារព័ត៌មាន ខេមបូចា ក្នុងអំឡុងពេលនៃកិច្ចសម្ភាសន៍មួយនៅរាជធានភ្នំពេញ នាថ្ងៃទី៧ ខែមិថុនា ឆ្នាំ២០២៤ ។ (ខេមបូចា/ព្រីង សំរាំង)

ការគំរាមកំហែង​ដោយវិធានការផ្លូវច្បាប់​ជាឧបសគ្គរារាំង​ដល់​ការចូលរួមរបស់​យុវជន​ក្នុង​កិច្ចការនយោបាយ​និង​បញ្ហា​សង្គម

រយៈពេលប៉ុន្មានឆ្នាំចុងក្រោយនេះ ការចោទប្រកាន់ពីបទញុះញង់​បានត្រូវគេប្រើជា​ឧបករណ៍​ដើម្បី​គំរាម​កំហែង​មក​លើ​សកម្មភាពរបស់​យុវជន ក្នុងនោះរាប់ទាំង​សកម្មជន​នយោបាយ បន្ថែមពីលើ​ការចោទប្រកាន់ពីបទ​រួមគំនិតក្បត់ ដែលមានទោសទណ្ឌកាន់តែ​ធ្ងន់ធ្ងរ​ជាងបទចោទប្រកាន់ញុះញង់ទៅទៀត ។ នេះជា​ការ​លើកឡើង​របស់សកម្មជន​បរិស្ថានវ័យ២៤ឆ្នាំ លោក លី ចាន់ដារ៉ាវុធ ។
លោក ស៊ុន ចន្ធី ប្រធានគណបក្សកម្លាំងជាតិ ថ្លែងទៅកាន់សមាជិកបក្សក្នុងកិច្ចប្រជុំមួយនៅប្រទេសជប៉ុនក្នុងខែឧសភា ឆ្នាំ២០២៤ (រូបថតហ្វេសប៊ុក)។

លោក ស៊ុន ចន្ធី ​ប្រធានគណបក្ស​កម្លាំង​ជាតិត្រូវបានចាប់ខ្លួន​នៅព្រលានយន្តហោះ​​ភ្នំពេញ ពេលត្រឡប់មកពីប្រទេសជប៉ុន

កាល​ពី​ព្រឹក​ថ្ងៃ​ព្រហស្បតិ៍ កងកម្លាំងអាជ្ញាធរ​រាជធានី​ភ្នំពេញបាន​ចាប់​ខ្លួន​លោក ស៊ុន ចន្ធី ប្រ​ធាន​គណបក្ស​កម្លាំង​​ជាតិ (NPP) នៅ​អាកាសយានដ្ឋាន​អន្តរជាតិ​ភ្នំពេញ ខណៈ​​​លោក​ត្រឡប់​មក​ពី​ប្រទេស​ជប៉ុន។ សមាជិក​គណបក្ស​របស់​លោក​បាន​ឃើញ​ការ​ចាប់​ខ្លួន​នេះដោយ​ផ្ទាល់ភ្នែក​។​​
លោក ទាវ វណ្ណុល ប្រធានគណបក្សភ្លើងទៀនចូលមកបំភ្លឺនៅសាលាដំបូងរាជធានីភ្នំពេញ នៅថ្ងៃទី២៥ ខែមេសា ឆ្នាំ២០២៤។ (ខេមបូចា/ ព្រីង សំរាំង)

សាលាដំបូងរាជធានីភ្នំពេញសាកសួរលោក ទាវ វណ្ណុល ប្រធានគណបក្សភ្លើងទៀន

សាលាដំបូងរាជធានីភ្នំពេញបានសាកសួរលោក ទាវ វណ្ណុល​ ប្រធានគណបក្សភ្លើងទៀន ជុំវិញ​​ការអត្ថាធិប្បាយរបស់លោកជាមួយ​បណ្តាញសារព័ត៌មានបរ​ទេស​មួយថា លទ្ធិ​ប្រជាធិបតេយ្យ​នៅកម្ពុជាកំពុងដើរថយក្រោយ​ក្រោមការដឹកនាំ​របស់​លោកនាយករដ្ឋមន្ត្រី ហ៊ុន ម៉ាណែត ដោយ​មាន​ការធ្វើទុក្ខបុកម្នេញលើមន្ត្រីនយោបាយ។
លោក ជា ប៉ូច អតីតតំណាងរាស្ត្រគណបក្សសង្គ្រោះជាតិ ថ្លែងអំឡុងបទសម្ភាសន៍ជាមួយខេមបូចានៅភ្នំពេញ។ រូបភាពថតនៅថ្ងៃទី២៩ ខែវិច្ឆិកា ឆ្នាំ ២០២២។ (ខេមបូចា/ ព្រីង សំរាំង)

លោក ជា ប៉ូច មេដឹកនាំជាន់ខ្ពស់បក្សប្រឆាំង សុំការអភ័យទោសពី​រដ្ឋាភិបាល ហើយចង់វិលត្រឡប់មកកម្ពុជាវិញ

លោក ហ៊ុន សែន ប្រធានព្រឹទ្ធសភា បានយល់ព្រមដក​​ពាក្យ​បណ្តឹងប្រ​ឆាំងលោក ជា ប៉ូច មេដឹកនាំជាន់ខ្ពស់​គណបក្សភ្លើងទៀន បន្ទាប់ពីលោកបានប្រ​កាសផ្តាច់ខ្លួនពីលោក សម រង្ស៊ី អតីតមេដឹកនាំគណបក្សប្រឆាំង ដែលគាំទ្រលទ្ធិប្រ​ជាធិបតេយ្យ។
ឧបនាយករដ្ឋមន្ត្រី ស៊ុន ចាន់ថុល អនុប្រធានទី១នៃក្រុមប្រឹក្សាអភិវឌ្ឍន៍កម្ពុជា (រូបឈរទីពីរពីខាងស្ដាំដៃ) និងលោក វ៉ាង យី រដ្ឋមន្ត្រីការបរទេសចិន (រូបឈរទីពីរពីខាងឆ្វេងដៃ) ធ្វើជាសាក្សីពិធីចុះហត្ថលេខាលើកិច្ចព្រមព្រៀង នៅរាជធានីភ្នំពេញ នាថ្ងៃទី២២ ខែមេសា ឆ្នាំ២០២៤។ (រូបភាពពីទំព័រហ្វេសប៊ុករបស់ CDC)

ចិននឹងផ្ដល់ជំនួយសម្រាប់ការផ្គត់ផ្គង់ទឹកស្អាតនៅជនបទ និងវិស័យកសិកម្ម អំឡុងដំណើរទស្សនកិច្ចរបស់លោក វ៉ាង យី

ប្រទេសចិន​នឹង​ផ្ដល់ជំនួយដល់​ការអភិវឌ្ឍ​ដំណាក់កាលទីពីរ​នៃ​គម្រោង​ផ្គត់ផ្គង់ទឹក​ស្អាត​​នៅជន​បទ​និង​ផែនការ​មេ​វិស័យកសិកម្ម​របស់​ប្រទេស​កម្ពុជា នៅក្រោយ​ការចុះ​ហត្ថលេខា​​លើ​កិច្ច​ព្រមព្រៀង​​ក្នុងអំឡុង​ដំណើរទស្សនកិច្ច​បីថ្ងៃរបស់​រដ្ឋមន្ត្រី​ការបរទេស​ចិន​ លោក វ៉ាង យី ។
លោក ហ៊ុន សែន ប្រធានព្រឹទ្ធសភា ជួបជាមួយសមាជិកព្រឹទ្ធសភាបីរូបមកពីគណបក្សឆន្ទៈខ្មែរ នៅរាជធានីភ្នំពេញ ថ្ងៃទី១៨ ខែមេសា ឆ្នាំ២០២៤។ (រូបភាពពីទំព័រហ្វេសប៊ុករបស់លោក ហ៊ុន សែន)

សមាជិកព្រឹទ្ធសភាបក្សប្រឆាំងជួបពិភាក្សាជាមួយលោក ហ៊ុន សែន ស្របពេលអំពាវនាវឱ្យស្តារលទ្ធិប្រជាធិបតេយ្យឡើងវិញ

សមាជិកព្រឹទ្ធសភាបក្សប្រឆាំងបីរូបបានទទូច​ឱ្យរដ្ឋាភិបាលស្តារលទ្ធិប្រជាធិបតេយ្យ​ដែល​កំពុង​​ដើរ​ថយ​ក្រោយ ​​​និង​សិទ្ធិចូល​រួម​ក្នុងសកម្មភាពនយោបាយឡើង​វិញ​ ខណៈ​ដែល​សមាជិកគណបក្សរបស់ពួកគេប្រឈមនឹងការចាប់ខ្លួនពាក់ព័ន្ធនឹងការបោះឆ្នោតនាពេលខាងមុខ។
លោក សេង ម៉ារឌី សមាជិកព្រឹទ្ធសភាមកពីបក្សប្រឆាំងថ្លែងក្នុងពិធីរម្លឹកខួបលើកទី៤៩នៃរបបវាលពិឃាត ស្ថិតនៅទីតាំងសារៈមន្ទីរប្រល័យពូជសាសន៍បឹងជើងឯក ខណ្ឌដង្កោ រាជធានីភ្នំពេញ កាលពីព្រឹកថ្ងៃទី១៧ ខែមេសា ឆ្នាំ២០២៤។ (ខេមបូចា/ ឃាង សុខមាន)

សមាជិកព្រឹទ្ធសភាបក្សជំទាស់អំពាវនាវឱ្យដោះលែងសកម្មជននយោបាយ និងសកម្មជនសង្គម កំឡុងពេលប្រារព្ធ​ខួប​នៃរបបវាលពិឃាត

សមាជិកព្រឹទ្ធសភាបក្សជំទាស់អំពាវនាវឱ្យតុលាការដោះលែងសកម្មជននយោបាយ និង​សកម្មជន​​សង្គម កំឡុងប្រារព្ធខួបនៃរបបវាលពិឃាតលើកទី៤៩ ឱ្យមានសេរីភាព ក្រោយ​ពី​ពួកគេ​ត្រូវបានចាប់​ខ្លួន​កន្លងមក។
លោក កើត សារ៉ាយ យកញត្តិទៅដាក់នៅព្រះបរមរាជវាំង កាលពីថ្ងៃទី២៩ ខែមីនា ឆ្នាំ២០២៣។ (ខេមបូចា/ ព្រីង សំរាំង)

តុលាការក្រុងភ្នំពេញសម្រេចឃុំខ្លួនមន្រ្តីបក្សប្រឆាំង៣រូបនិងប្រធានសមាគមម្នាក់ជាបណ្ដោះ​អាសន្ន

សាលាដំបូងរាជធានីភ្នំពេញសម្រេចឃុំខ្លួនសមាជិកគណបក្សប្រឆាំងចំនួន៣នាក់ និង​ប្រធាន​សមាគមមួយរូប ជាបណ្ដោះអាសន្ន កាលពីថ្ងៃអាទិត្យ ក្រោមបទចោទផ្សេងៗគ្នា ខណៈបក្ស​ប្រឆាំង និងអង្គការសង្គមស៊ីវិលអំពាវនាវឱ្យរដ្ឋាភិបាល​បើកលម្ហសិទ្ធិសេរីភាព​ជាមូលដ្ឋាន និង​ដោះលែងអ្នកទាំងបួន។
ប្រធានគណបក្សភ្លើងទៀន លោក ទាវ វណ្ណុល ថ្លែងក្នុងពេលសមាជគណបក្ស នៅរាជធានីភ្នំពេញ ថ្ងៃទី១៥ ខែមិថុនា ឆ្នាំ២០២២។ (ខេមបូចា/ព្រីង សំរាំង)

មេធាវីរដ្ឋាភិបាលប្ដឹងប្រធានបក្សប្រឆាំង ខណៈមន្ត្រីបក្សប្រឆាំងពីររូបនិងប្រធានសមាគមម្នាក់ត្រូវចាប់ខ្លួន

មេធាវីតំណាងរាជរដ្ឋាភិបាលកម្ពុជា បានដាក់ពាក្យប្ដឹងប្រធានគណបក្សភ្លើងទៀន លោក ទាវ វណ្ណុល ពាក់ព័ន្ធនឹងបទសម្ភាសន៍របស់លោកជាមួយសារព័ត៌មាន កាលពីដើមខែកុម្ភៈពីបទ​ធ្វើ​ឱ្យប៉ះពាល់ដល់កិត្តិយសរាជរដ្ឋាភិបាល។

ព័ត៌មានថ្មីៗ

អត្ថបទពេញនិយម