សមាគមសម្ព័ន្ធអ្នកសារព័ត៌មានកម្ពុជា

នយោបាយ

មន្ត្រីគណៈកម្មាធិការជាតិរៀបចំការបោះឆ្នោតរាប់សន្លឹកឆ្នោតនៅមណ្ឌលបោះឆ្នោតមួយក្នុងរាជធានីភ្នំពេញ ថ្ងៃទី២៥ ខែកុម្ភៈ ឆ្នាំ២០២៤។ (ខេមបូចា/ព្រីង សំរាំ)

គ.ជ.ប ប្រកាសទទួលស្គាល់បេក្ខជនជាប់ឆ្នោត៥៨រូបជាសមាជិកព្រឹទ្ធសភា ក្នុងនោះមាន៣រូបមកពីបក្សប្រឆាំង

គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសទទួលស្គាល់បេក្ខជនចំនួន៥៨រូបដែលបានជាប់ឆ្នោត ជាសមាជិកព្រឹទ្ធសភានីតិកាលទី៥ ក្នុងនោះមាន៣រូបមកពីគណបក្សឆន្ទៈខ្មែរ និង៥៥រូបទៀតមកពីគណបក្សប្រជាជនកម្ពុជា ។
អតីតក្រុមប្រឹក្សាឃុំសង្កាត់ពីគណបក្សសង្រ្គោះជាតិមកដល់សាលាដំបូងរាជធានីភ្នំពេញកាលពីថ្ងៃទី២៦ ខែវិច្ឆិកា ខណៈមន្រ្តី និងអ្នកគាំទ្រគណបក្សនេះជាង ១៣០នាក់ត្រូវប្រឈមនឹងសវនាការពីបទ«ញុះញង់បង្កភាពវឹកវរដល់សន្តិសុខសង្គម» និងបទ «រួមគំនិតក្បត់»។ បញ្ញា ឆព័ណ្ណ

អតីតមេដឹកនាំគណបក្សសង្រ្គោះជាតិ កំពុងនិរទេសខ្លួន ព្យាយាមវិលត្រឡប់សាជាថ្មី ដើម្បីចូលរួមសវនាការ

អតីតថ្នាក់ដឹកនាំជាន់ខ្ពស់គណបក្សប្រឆាំងនិយាយថា ពួកគេនឹងវិលត្រឡប់មកកម្ពុជាវិញនៅថ្ងៃទី០៤ ខែមករា ឆ្នាំ២០២១ ដើម្បីចូលរួមនៅក្នុងសវនាការជុំវិញការចោទប្រកាន់បទឧក្រិដ្ឋប្រឆំាងពួកគេ។ នេះជាការព្យាយាមចូលក្នុងប្រទេសកម្ពុជាជាលើកទីពីរពីសំណាក់សមាជិកជាន់ខ្ពស់គណបក្សសង្រ្គោះជាតិ បន្ទាប់ពីបរាជ័យកាលពីខែវិច្ឆិកា ឆ្នាំ២០១៩។
មេធាវី និងសកម្មជនសិទ្ធិមនុស្ស កញ្ញា សេង ធារី មកដល់សាលាដំបូងរាជធានីភ្នំពេញ កាលពីថ្ងៃព្រហស្បតិ៍ ទីដែលចុងបណ្តឹងចំនួន ១៣០នាក់ដែលជាប់ពាក់ព័ន្ធនឹងអតីតគណបក្សសង្រ្គោះជាតិត្រូវបានកោះហៅចូលសវនាការពីបទសមគំនិត និងបទញុះញង់។ បញ្ញ ឆព័ណ្ណ

ជនជាប់ចោទបដិសេធបទសមគំនិតក្បត់ក្នុងសំណុំរឿងធំបំផុតប្រឆាំងនឹងមន្ត្រី និងអ្នកគាំទ្រអតីតគណបក្សសង្គ្រោះជាតិ

សាលាដំបូងរាជធានីភ្នំពេញកាលពីថ្ងៃព្រហស្បតិ៍កន្លងទៅនេះបានចាប់ផ្ដើមដំណើរការសវនាការលើសមាជិកនិងអ្នកគាំទ្រអតីតគណបក្សសង្គ្រោះជាតិជាង ១៣០នាក់ ពីបទ«ញុះញង់ឲ្យមានភាពវឹកវរធ្ងន់ធ្ងរ» និងបទ«រួមគំនិតក្បត់» ដែលករណីនេះទាក់ទិននឹងការគាំទ្ររបស់ជនជាប់ចោទចំពោះការប៉ុនប៉ងវិលត្រឡប់មកមាតុភូមិ របស់លោក សម រង្ស៊ី កាលពីឆ្នាំ ២០១៩។
លោក រ៉ុង ឈុន មេដឹកនាំសហជីពមកដល់តុលាការកំពូលក្នុងរាជធានីភ្នំពេញនៅថ្ងៃទី ២៥ ខែវិច្ឆិកា ទីដែលបណ្តឹងសុំនៅក្រៅឃុំរបស់លោក ត្រូវបានបដិសេធ។ បញ្ញា ឆព័ណ្ណ

តុលាការកំពូលបដិសេធបណ្តឹងសុំនៅក្រៅឃុំរបស់ លោក រ៉ុង ឈុន

តុលាការកំពូល​បានបដិសេធ​បណ្តឹងសុំនៅក្រៅឃុំ​របស់លោក រ៉ុង ឈុន កាលពីថ្ងៃពុធ ខណៈតុលាការ​ជាន់ទាប​បានប្រកាស​កាលបរិច្ឆេទ​ជំនុំជម្រះក្តីមេដឹកនាំ​សហជីពដ៏លេចធ្លោរូបនេះ ដែលប្រឈមនឹងការចោទ​ប្រកាន់ពីបទញុះញង់ ដោយសារការបញ្ចេញមតិ​របស់លោក​ទាក់ទង​នឹងការបោះបង្គោល​ព្រំដែន​រវាងប្រទេស​វៀតណាមនិងកម្ពុជា។
គណបក្សមេដឹកនាំគណបក្សលោក ញឹក ប៊ុនឆៃ លោក ម៉ម សូណង់ដូ និង លោក កែម រិទ្ធិសិត បានបង្កើតជាសម្ព័ន្ធគណបក្សរួមគ្នាមួយមុនការបោះឆ្នោតឆ្នាំ ២០២២ និង២០២៣។

គណបក្សតូចបីចងសម្ព័ន្ធគ្នា ដោយរំពឹងថា នឹងក្លាយជាសំឡេងប្រឆាំងចម្បងមួយ

គណបក្សនយោបាយតូចចំនួនបី ដែលមិនបានឈ្នះកៅអីសភាក្នុងការបោះឆ្នោតកាលពីឆ្នាំ២០១៨ បានបង្កើតជាសម្ព័ន្ធមួយមុនការបោះឆ្នោតឆ្នាំ ២០២២ និង២០២៣ ខាងមុខ ដោយរំពឹងថា សេចក្តីសម្រេចនេះនឹងជួយជំរុញដល់លទ្ធភាពទទួលបានកៅអីនៅរដ្ឋសភា។
អតីតសមាជិកសភាគណបក្សសង្គ្រោះជាតិលោក ហូ វ៉ាន់ ដឹកនាំអ្នកគាំទ្រទៅកាន់ព្រះបរមរាជវាំងកាលពីខែឧសភា ឆ្នាំ ២០១៦ ដើម្បីដាក់ញត្តិអំពាវនាវឲ្យមានការដោះលែងអ្នកទោសនយោបាយ។ បញ្ញា ឆព័ណ្ណ

លោក ហ៊ុន សែន គំរាមក្រុមគ្រួសារអតីតសមាជិកសភា CNRP ពាក់ព័ន្ធការរៀបចំតវ៉ានៅមុខស្ថានទូតចិន

លោកនាយករដ្ឋមន្រ្តីហ៊ុនសែនបានព្រមានចំៗទៅលើអតីតសមាជិកសភាគណបក្សសង្គ្រោះជាតិលោក ហូ វ៉ាន់ និងក្រុមគ្រួសាររបស់លោក និងបានគំរាមសុវត្ថិភាពរបស់ពួកគេដោយសារតាមចោទថាបានសម្របសម្រួលឲ្យមានការតវ៉ានៅខាងក្រៅស្ថានទូតចិនកាលពីថ្ងៃសុក្រ។
កងសន្តិសុខខណ្ឌចាប់លើកអ្នកតវ៉ាម្នាក់ចេញពីកន្លែងបាតុកម្មក្នុងការប្រារព្ធទិវាកិច្ចព្រមព្រៀងសន្តិភាពក្រុងប៉ារីស នៅខាងក្រៅស្ថានទូតចិនក្នុងក្រុងភ្នំពេញ កាលពីថ្ងៃទី២៣ ខែតុលា ឆ្នាំ២០២០។ បញ្ញា ឆព័ណ្ណ

សកម្មជនអតីតគណបក្សសង្រ្គោះជាតិបីនាក់ត្រូវបានចាប់ខ្លួន ពេលព្យាយាមដាក់ញត្តិនៅស្ថានទូតចិន

សកម្មជន​អតីត​គណបក្ស​សង្រ្គោះជាតិ​ចំនួន​បី​រូប​ត្រូវ​បាន​ចាប់​ខ្លួន​នៅ​ខាង​ក្រៅ​ស្ថានទូត​ចិន​ប្រចាំ​កម្ពុជា នៅ​ពេល​ពួកគេ​ព្យាយាម​ដាក់​ញត្តិ​ ដើម្បីប្រឆាំង​វត្តមានកងទ័ពចិន​នៅលើកទឹកដីកម្ពុជា ​ ជាមួយ​នឹង​អ្នក​ចូលរួម​ ១០០​នាក់​ផ្សេង​ទៀត ដោយ​អំពាវនាវ​​ឲ្យ​រដ្ឋាភិបាល​កម្ពុជា​គោរព​តាម​កិច្ចព្រមព្រៀង​សន្តិភាព​​ក្រុង​ប៉ារីស​ អំឡុង​ថ្ងៃ​​ខួប​លើក​ទី២៩ នៃ​ការ​ចុះ​កិច្ចព្រមព្រៀង​នេះ។

តុលាការ​​​​បន្ត​​និតីវីធី​​ប្រឆាំង​អតីត​សមាជិក​ CNRP ​ជិត ​៧០​នាក់​ក្រោម​បទចោទ​រួម​គំនិត​ក្បត់​

តុលា​ការ​កម្ពុជា​ពេលនេះ​កំពុង​ដំណើរការ​បណ្តឹង​​ប្រឆាំង​នឹង​អតីត​សមាជិក​គណបក្សសង្រ្គោះជាតិ​ជិត៧០នាក់​ក្រោមបទរួមគំនិតក្បត់ ដែលក្នុងនោះ​១២នាក់​ត្រូវបាន​កាត់​ទោស​ហើយ​នៅឆ្នាំនេះក្រោម​បទចោទថា​បាន​ជាប់ពាក់​ព័ន្ធ​នឹង​គម្រោង​វិល​ចូល​ប្រទេស​វិញ​របស់លោក សម ​ រង្ស៊ី ដែល​ប្រធានស្តីទីរបស់គណបក្សនេះកាលពី​ខែវិច្ឆិកា ឆ្នាំ២០១៩។​

លោក កឹម សុខា ទាមទារ​សិទ្ធិធ្វើនយោបាយឡើងវិញ

អតីត​មេ​ដឹកនាំ​គណបក្ស​ប្រឆាំង​ លោក​ កឹម ​សុខា ​នៅ​ថ្ងៃ​ទី​ ២ ​ខែកញ្ញា​ បាន​បង្ហោះ​សារ​តាម​បណ្តាញ​សង្គម​ដើម្បី​ទាមទារ​ឱ្យ​លោក​ទទួល​បាន​ការ​អនុញ្ញាត​ចូល​ធ្វើ​នយោបាយ​ឡើង​វិញ​ និង​អំពាវនាវ​ជា​ថ្មី​ឱ្យ​តុលាការ​ទម្លាក់​ការ​ចោទ​ប្រកាន់​ក្នុង​សំណុំ​រឿង​ក្បត់​ជាតិ​ប្រឆាំង​រូប​លោក​ ខណៈ​ដែល​អតីត​មន្រ្តី​ជាន់​ខ្ពស់​គណបក្ស​សង្គ្រោះ​ជាតិ​ ៣ រូប​ផ្សេង​ទៀត​ ក៏​បាន​ស្នើ​សុំ​សិទ្ធិ​ធ្វើ​នយោបាយ​របស់​ពួកគេ​ឡើង​វិញ​ផង​ដែរ​។​

ព័ត៌មានថ្មីៗ

អត្ថបទពេញនិយម