អាជ្ញាធរខណ្ឌច្បារអំពៅស្នើពលរដ្ឋរស់នៅតាមបណ្តោយប្រឡាយព្រែកប្រាប្តូរទៅទីតាំងថ្មី

អាជ្ញាធរខណ្ឌច្បារអំពៅបានស្នើឱ្យប្រជាពលរដ្ឋជាង ២០០គ្រួសារ ដែលរស់នៅតាមបណ្តោយប្រឡាយព្រែកប្រា ស្ថិតនៅភូមិចំពុះក្អែក១ និងភូមិអូរអណ្តូង សង្កាត់ព្រែកថ្មី ចាកចេញពីលំដ្ឋានដើម្បីយកដីនោះជីកស្តារធ្វើជាប្រឡាយសម្រាប់រំដោះទឹក ដោយប្តូរពួកគេទៅរស់នៅទីតាំងថ្មីនៅចំណុចភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ ដែលមានចម្ងាយប្រមាណជាង៦គីឡូម៉ែត្រពីទីតាំងចាស់។

ប្រជាពលរដ្ឋមួយចំនួនមិនទាន់យល់ព្រមរុះរើនោះទេ ដោយសារដីទីតាំងថ្មីមានទំហំតូចជាង។ ទោះជាយ៉ាងណា ប្រជាពលរដ្ឋមួយចំនួនក៏បានបង្ខំចិត្តទទួលយកដោយសារគ្មានជំរើស។