ក្រុមអ្នកបោសសម្អាតក្នុងទីក្រុងភ្នំពេញមួយចំនួនត្អូញត្អែរថា ការងាររបស់ពួកគាត់ប្រឈមនឹងបញ្ហាជាច្រើនយ៉ាង ដូចជាពេលខ្លះត្រូវស្ថិតនៅក្រោមមេឃភ្លៀង ពេលខ្លះនៅក្រោមកម្ដៅថ្ងៃដែលក្តៅខ្លាំង គ្រោះថ្នាក់ចរាចរណ៍ដែលអាចនឹងត្រូវឡានម៉ូតូបុកឬប៉ះពារ ព្រមទាំងការឆ្លងមេរោគគ្រប់ពេល ប្រសិនបើពុំបានប្រយ័ត្ននិងការពារជាប្រចាំនោះទេ ។
ទោះបីយ៉ាងណា ពួកគាត់ថា ដោយសារតែការងារនេះអាចផ្តល់ប្រាក់ចំណូលសម្រាប់ផ្គត់ផ្គង់ជីវភាពដែលកំពុងខ្វះខាត ពួកគាត់គ្មានជម្រើសអ្វីក្រៅពីការបន្តធ្វើការងារនេះឡើយ ។
31 views
