សមាគមសម្ព័ន្ធអ្នកសារព័ត៌មានកម្ពុជា

ក្រុមប្រឹក្សាធម្មនុញ្ញ៖ គណបក្សភ្លើងទៀនត្រូវបានហាមចូលរួមក្នុងការបោះឆ្នោតជាតិ

ក្រុមប្រឹក្សាធម្មនុញ្ញបើកសវនាការជំនុំជម្រះលើបណ្តឹងរបស់គណបក្សភ្លើងទៀនពាក់ព័ន្ធនឹងដំណើរចុះបញ្ជីគណបក្សនយោបាយឈរឈ្មោះបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។ រូបថតនៅថ្ងៃទី២៥ ខែឧសភា ឆ្នាំ២០២៣។ ខេមបូចា/ ឃួន ណារីម
ក្រុមប្រឹក្សាធម្មនុញ្ញបើកសវនាការជំនុំជម្រះលើបណ្តឹងរបស់គណបក្សភ្លើងទៀនពាក់ព័ន្ធនឹងដំណើរចុះបញ្ជីគណបក្សនយោបាយឈរឈ្មោះបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។ រូបថតនៅថ្ងៃទី២៥ ខែឧសភា ឆ្នាំ២០២៣។ ខេមបូចា/ ឃួន ណារីម

ក្រុមប្រឹក្សាធម្មនុញ្ញកម្ពុជាបានសម្រេចនៅថ្ងៃព្រហស្បតិ៍ដោយមិនអនុញ្ញាតឱ្យ​គណបក្សភ្លើងទៀនចូលរួមក្នុងការបោះឆ្នោតជាតិនោះនៅថ្ងៃទី២៣ ខែកក្កដា ខាងមុខ​នោះទេ។

គេហទំព័ររបស់ គ.ជ.ប បង្ហាញថា ខ្លួនបានអនុម័តលើការចុះឈ្មោះ​គណបក្សនយោបាយ​ចំនួន១៨ ផ្សេងទៀត រួមទាំងគណបក្សកាន់អំណាចផងដែរ សម្រាប់ការបោះឆ្នោត​ជាតិនៅ​ថ្ងៃទី២៣ ខែកក្កដា។

យោងតាមសេចក្តីប្រកាសព័ត៌មានរបស់ គជប នៅថ្ងៃទី១៥ ខែឧសភា ឆ្នាំ២០២៣ បានបញ្ជាក់​ថា គជប បដិសេធការចុះបញ្ជីគណបក្សនយោបាយឈរឈ្មោះបោះឆ្នោត​ជ្រើសតាំង​តំណាង​រាស្ត្រ នីតិកាលទី៧ ឆ្នាំ២០២៣ របស់ គណបក្សភ្លើងទៀន ដែលមាន ២៥ (ម្ភៃប្រាំ) មណ្ឌល​រាជធានី ខេត្ត ដោយមូលហេតុ គណបក្សភ្លើងទៀន មិនបានភ្ជា​ប់មកជាមួយនូវប្រកាសស្តីពី ការចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃ​ដែលមានបញ្ជាក់​នីត្យានុកូលកម្ម។

ប៉ុន្តែគណបក្សភ្លើងទៀន​បានចូលរួមដោយជោគជ័យក្នុងការបោះឆ្នោតឃុំសង្កាត់​កាលពី​ឆ្នាំ​មុន ដោយទទួលបាន២២.២៥ភាគរយ​ នៃសំឡេងឆ្នោតធៀប​នឹង​គណបក្ស​ប្រជា​ជន​កម្ពុជា​ដែល​ទទួល​បាន​សំឡេងឆ្នោត​៧៤.៣២ភាគរយដោយប្រើប្រាស់​លិខិតចុះបញ្ជីថ្មី​ពី​ក្រសួងមហាផ្ទៃ​ដែលបញ្ជាក់ថា គណបក្សនេះ​ត្រូវ​បាន​ទទួល​ស្គាល់​ជានីតិបុគ្គល។

គណបក្ស​ភ្លើង​ទៀន​ក៏​បាន​ដាក់​ច្បាប់​ចម្លង​នៃ​ការ​ចុះ​បញ្ជី​ឆ្នាំ១៩៩៨ របស់​ខ្លួន​ផង​ដែរ ដែល​កាល​ពី​មុន​ជាគណបក្ស​ សម រង្ស៊ី។ ឯកសារដើមត្រូវបានបាត់បង់​អំឡុងពេលការឆ្មក់ចូល​របស់ប៉ូលិសកាល​ពី​ឆ្នាំ២០១៧​ ទៅលើទីស្នាក់ការកណ្តាល​របស់គណបក្សសង្រ្គោះជាតិ ដែលត្រូវបានតុលាការកំពូល​រំលាយ ដែលជាគណបក្ស​មុនបក្សភ្លើង​ទៀន​និងជាបក្សដែល​កើត​ចេញ​ពីគណបក្ស សម រង្ស៊ី៕

194 views

ព័ត៌មានទាក់ទង

ព័ត៌មានថ្មីៗ

អត្ថបទពេញនិយម