សមាគមសម្ព័ន្ធអ្នកសារព័ត៌មានកម្ពុជា

មន្ទីរអប់រំដាក់វិធានការអប់រំដើម្បីបង្ការជំងឺកូវីដ-១៩បំប្លែងថ្មីអូមីក្រុងនៅតាមសាលា

មន្ត្រីមន្ទីរអប់រំខេត្តបាត់ដំបង ចូលរួមក្នុងកម្មវិធីសន្ទនាមតិរបស់វិទ្យុជាតិចំការចេក កាលពីខែមីនាកន្លងមក។ រូបថត៖ មុន្នីនាថ
មន្ត្រីមន្ទីរអប់រំខេត្តបាត់ដំបង ចូលរួមក្នុងកម្មវិធីសន្ទនាមតិរបស់វិទ្យុជាតិចំការចេក កាលពីខែមីនាកន្លងមក។ រូបថត៖ មុន្នីនាថ
Share on facebook
Share on twitter
Share on linkedin
Share on telegram
Share on whatsapp

មន្រ្តីនៃមន្ទីរអប់រំ យុវជន និងកីឡាខេត្តបាត់ដំបង បាន​ដាក់បទបញ្ជា​តាមសាលារៀននានា ក្នុងខេត្ត​បាត់​ដំបង ដោយតម្រូវឲ្យអនុវត្តន៍ វិធានការសុខាភិបាលបីកុំបីការពារជាប្រចាំ បន្ទាប់​ពី​សង្កេត​ឃើញថាការរីករាលដាលនៃជំងឺកូវិដ១៩ដែលបំប្លែងខ្លួនថ្មីអូមីក្រុង មានការឆ្លងរាលដាលជារៀងរាល់ថ្ងៃ។

ថ្លែងក្នុងកម្មវីធីសន្ទនាមតិរបស់រិទ្យុជាតិចម្ការចេកបាត់ដំបង នៅក្នុង​ខែមីនា ឆ្នាំ២០២២ លោក សេង រ៉ាស៊ីន អនុប្រធានការិយាល័យបុគ្គលិកនិងបណ្តុះបណ្តាលនៃមន្ទីរអប់រំយុវជននិងកីឡាខេត្តបាត់ដំបង បានលើកឡើងថា ក្រសួងអប់រំយុវជននិងកីឡាបានដាក់ឲ្យដំណើរការសិក្សាចាប់តាំងពីថ្នាក់មត្តេយ្យរហូតដល់វិទ្យាល័យ ទាំងរដ្ឋនិងឯកជន ក្នុងខេត្តបាត់ដំបង។

លោកបន្តទៀតថា ទន្ទឹមនឹងការបើកឲ្យដំណើរការសាលាវិញនោះ គឺ​កុមារថ្នាក់មត្តេយ្យដែលមានអាយុចាប់ពី ៣ឆ្នាំទៅដល់បឋមសិក្សា សាលារៀបចំយន្តការសុខភាព ក្នុង​ការទប់ស្កាត់ការរីករាយដាលនៃការឆ្លងជំងឺកូវីដ១៩។

លោកបានថ្លែង​ឲ្យដឹង​ទៀត​ថា៖ «នៅតាម​សាលានីមួយៗ តម្រូវឲ្យមានវិធានការ ដូចជា មានកន្លែងលាងដៃ មានទឹកអាល់កុលជាប្រចាំ ដាក់តាមគ្រប់ច្រកផ្លូវចូលសាលា និងមានម៉ាស៊ីនវាស់កម្តៅ សិស្សត្រូវ​ពាក់ ម៉ាស់ជាប្រចាំ និង រក្សាគម្លាត»

ជា​ការ​ឆ្លើយតប​ទៅនឹង​វិធានការរបស់​មន្ទីរអប់រំខេត្ត​ លោក យឹង សំអុន នាយករងវិទ្យាល័យនេតយ៉ងខេត្តបាត់ដំបង បានឲ្យដឹងថា ខាងសាលារបស់លោកបានរៀបចំវិធាននៃការបង្ការជំងឺដោយរៀបចំកន្លែងវ៉ាស់កម្តៅ កន្លែងលាងដៃ និងច្រកចេញចូលក្នុងសាលាឲ្យ​វាសស់កម្តៅ និង​បាញ់អាកុលជូនសិស្សានុសិស្ស។

លោកបានបន្តទៀតថា៖ «ពួកយើងបានណែនាំ សិស្សជារៀងរាល់ព្រឹក គឺ​ឲ្យ​សិស្សានុសិស្សទាំងអស់ចូលរួមការការពារទាំងអស់គ្នាដូចជា ពាក់ម៉ាស លាងដៃនិងសាប៊ូឲបានញឹកញាប់ មានដបអាល់កុលដាក់តាមខ្លួនម្នាក់មួយជានិច្ច និងតាមថ្នាក់នីមួយៗគឺត្រូវតែមានដបទឹកអាល់កុលនៅខាងមុខថ្នាក់តែម្តង»

លោកបន្ថែមទៀតថា បើខាងសាលាទទួល​ព័ត៌មាន សង្ស័យថាមានសិស្សណាដែលគាត់ក្តៅខ្លួនខុសពីធម្មតាគឺតម្រូវ​ឲ្យ​គាត់ធ្វើតេស្តភ្លាមៗតែម្តង ហើយឲ្យ​គាត់ទៅសម្រាកនៅផ្ទះ នៅបន្ទប់ដាច់ដោយឡែកពីគេ។

សូមបញ្ជាក់ថា ខេត្តបាត់ដំបង សាលាដែលបើកបវេសនកាល ចូលរៀនរួមមាន សាលាបឋមសិក្សាចំនួន៦៤៩សាលា អនុវិទ្យាល័យចំនួន ៩៦ និងវិទ្យាល័យ២៩សាលា បូកទាំងវិទ្យាល័យអប់រំពិសេស សាលាគរថ្លង់ផងដែរ៕

32 views
Share on facebook
Share on twitter
Share on linkedin
Share on telegram
Share on whatsapp
កំណត់សម្គាល់៖ អត្ថបទនេះត្រូវបានផលិត និងកែសម្រួលដោយក្រុមការងាររបស់ Internews។ ខេមបូចា ពុំទទួលខុសត្រូវចំពោះអត្ថន័យ និងខ្លឹមសារ ក្នុងអត្ថបទដែលផលិតដោយពលរដ្ឋសារព័ត៌មាននោះទេ។