សហជីពស្នើឲ្យផ្អាកដំណើរការរោងចក្រមួយកន្លែង បន្ទាប់ពីមានកម្មករម្នាក់តេស្តវិជ្ជមានកូវីដ១៩

កម្មករជិះរ៉ឺម៉កត្រឡប់ទៅផ្ទះវិញ ដោយផ្ទុកមនុស្សជាច្រើន នៅឯរោងចក្រជាយក្រុងមួយកន្លែង ថ្ងៃទី២ ខែមីនា ឆ្នាំ២០២១។ បញ្ញា ឆព័ណ្ណ
កម្មករជិះរ៉ឺម៉កត្រឡប់ទៅផ្ទះវិញ ដោយផ្ទុកមនុស្សជាច្រើន នៅឯរោងចក្រជាយក្រុងមួយកន្លែង ថ្ងៃទី២ ខែមីនា ឆ្នាំ២០២១។ បញ្ញា ឆព័ណ្ណ
Share on facebook
Share on twitter
Share on linkedin
Share on telegram
Share on whatsapp

មន្ត្រីបាន​ឲ្យ​ដឹងកាលពី​ថ្ងៃអង្គារ​ថា កម្មករ​រាប់រយ​នាក់​នៅ​រោងចក្រ​កាត់​ដេរ​មួយ​កន្លែង​ក្នុងរាជធានី​ភ្នំពេញ ត្រូវ​បាន​ធ្វើ​តេស្ត​កូវីដ១៩ បន្ទាប់​ពី​មាន​កម្មករ​ម្នាក់​ត្រូវ​រកឃើញ​ថា​វិជ្ជមាន​វីរុសនេះ ខណៈ​ចំនួន​អ្នក​ឆ្លង​ទាក់ទង​នឹង​ព្រឹត្តិការណ៍សហគមន៍​២០ កុម្ភៈ ឡើង​ដល់​៣៤០​ករណី​។

រដ្ឋបាល​រោងចក្រកាត់ដេរ​ Y&W បាន​​ឲ្យ​ដឹង​ថា​អគារ​រោងចក្រ​មួយ​ត្រូវ​បានបិទ និង​កម្មករ​៥០០​នាក់​ត្រូវអនុញ្ញាត​ឲ្យ​នៅ​ផ្ទះ ដោយ​ថា​បារម្ភ​ពី​ការ​ឆ្លង​រាល​ដាល​វីរុស​កូវីដ១៩​ ប៉ុន្តែ​ថា​កម្មករ​ប្រមាណជា​៤ ០០០​នាក់​ផ្សេង​ទៀត​នឹង​នៅ​បន្ត​ធ្វើ​ការ​ដដែល។​

នាយ​ប៉ុស្តិ៍​រដ្ឋបាលសង្កាត់​ស្ពានថ្ម នៃខណ្ឌដង្កោ លោក ឈឹម រ៉ា ឲ្យ​ដឹងថា​ ស្រ្តី​វ័យ​៤៨​ឆ្នាំ​ម្នាក់​តេស្ត​វិជ្ជមាន​វីរុស​កូវីដ​១៩ រួម​ជាមួយ​នឹង​កូន​ប្រុស​របស់​គាត់ ដែល​ថា​កូន​ប្រុស​រូប​នេះ​ទំនង​ជា​មាន​ជាប់​ពាក់ព័ន្ធនឹងព្រឹត្តិការណ៍​២០កុម្ភៈ ដោយ​សារ​​​បុរសរូបនេះ ជា​អ្នក​បើក​រថយន្ត​ឲ្យ​ជនជាតិ​ចិន។​

លោក​បន្តថា៖ លោក​បន្តថា៖ «​អ្នក​ទាំងពីរ​ត្រូវ​បានបញ្ជូន​ទៅ​សម្រាកព្យាបាល​នៅ​​មណ្ឌលធ្វើចត្តាឡីស័ក​រាជធានីភ្នំពេញ»។ លោក​ថា អ្នក​ទាំង​ពីរ​ត្រូវ​ធ្វើ​តេស្ត​រកកូវីដ១៩ ក្រោយ​មាន​ចេញ​រោគ​សញ្ញា​មួយ​ចំនួន​។

រដ្ឋបាល​រោងចក្រកាត់ដេរ​ Y&W បាន​​ឲ្យ​ដឹង​ថា​អាគារ​រោងចក្រ​មួយ​ត្រូវ​បានបិទ និង​កម្មករ​៥០០​នាក់​ត្រូវអនុញ្ញាត​ឲ្យ​នៅ​ផ្ទះ ដោយ​សារការ​បារម្ភ​ពី​ការ​ឆ្លង​រាល​ដាល​វីរុស​កូវីដ១៩​ ប៉ុន្តែ​ថា​កម្មករ​ប្រមាណជាង​៤ ០០០​នាក់​ផ្សេង​ទៀត​នឹង​នៅ​បន្ត​ធ្វើ​ការ​ដដែល។​

​លោក ប៉ូ ទិត្យ បុគ្គលិក​ផ្នែកអ៊ុត ម្នាក់​លើក​ឡើង​ថា ​ទោះបីជា​ស្ត្រី​តេស្តវិជ្ជមាន​កូវីដ១៩ ធ្វើ​ការ​នៅ​អគារ​ផ្សេង​គ្នា​មែន តែថា​ដំណឹង​នេះ​បានធ្វើ​ឲ្យ​កម្មករ​ផ្សេង​ទៀត​មិន​ស្រួល​ចិត្ត។

លោក​ បន្ថែមថា៖ «​ខ្ញុំ​បារម្ភ​យ៉ាងខ្លាំង ព្រោះ​យើង​ធ្វើ​ការ​នៅ​រោងចក្រ​ជាមួយ​គ្នា វា​អាច​នឹង​ងាយ​ឆ្លង​ទៅ​កម្មករ​ផ្សេង​ទៀត ព្រោះ​យើង​មាន​គ្នា​ច្រើន»។

លោក ប៉ាវ ស៊ីណា ប្រធានសហភាពចលនាកម្មករកម្ពុជា បាន​អំពាវ​នាវ​ឲ្យ​ខាង​រោងចក្រ​ផ្អាក​ប្រតិបត្តិការ​បណ្ដោះអាសន្ន​ និង​ធ្វើ​ការ​សម្លាប់មេរោគ ដើម្បី​សុវត្ថិភាព​កម្មករ ក្រុម​គ្រួសារ​កម្មករ និង​ប្រជា​ពល​រដ្ឋ​នៅ​ជុំ​វិញ​នោះ។​

លោក​បន្តថា៖ «កម្មករ​ទាំង​អស់​ចេញ​ចូល​តាម​ច្រក​ទ្វារ​តែ​មួយ ហើយ​យើង​មិន​ដឹង​ថា​គាត់​បាន​ទៅ​កន្លែង​ណា​ខ្លះ»។ លោក​បាន​សម្ដៅ​ដល់​ស្រ្តី​ តេស្ត​វិជ្ជមាន​វីរុស​កូវីដ១៩​។

មេសហជីព​រូប​នេះ បាន​អំពាវ​នាវ​ឲ្យ​ក្រ​សួង​សុខា​ភិបាល​ត្រួតពិនិត្យឲ្យបានម៉ត់ចត់លើ​រោងចក្រ និង​តំបន់​ជុំវិញ​នោះ ហើយប្រសិនបើមិនមាន​ការ​យក​ចិត្ត​ទុក​ដាក់​ខ្ពស់​លើ​ស្ថាន​ភាព​នេះ អាច​នឹងមាន​ផល​​ប៉ះពាល់​លើ​វិស័យ​កាត់​ដេរ​មួយ​នេះ ដែល​រដ្ឋាភិបាល​តែង​តែយកចិត្ត​ទុក​ដាក់​កន្លង​មក​។​​

លោក​បន្ថែមថា៖ «​យើង​មានការព្រួយបារម្ភ​អំពីអារម្មណ៍​និង​ស្មារតីរបស់​កម្មករ​នៅ​ក្នុង​រោងចក្រនេះ និង​រោងចក្រ​ផ្សេង​ទៀត នៅពេល​បាន​ដឹង​ព័ត៌មាន​នេះ»។

ក​ម្មករកាត់ដេរ​​រាប់​ពាន់​នាក់​បាន​បាត់​បង់ការងារ​​ក្នុង​វិស័យ​នេះ​ដោយ​សារ​វិបត្តិកូវីដ​១៩ ខណៈកម្មករជា​ច្រើន​ទៀត រួម​ទាំង​កម្មករ​នៅ​រោង​ចក្រ Y&W ផងកាលពី​ខែ​កញ្ញា កន្លង​ទៅ​បាន​​ធ្វើ​បាតុកម្មតវ៉ា ទាមទារ​សិទ្ធិ ប្រាក់ឈ្នួល និង​អត្ថប្រយោជន៍​ផ្សេងៗ​ផង។

កម្មករ​រោងចក្រ​កាល​ពី​ឆ្នាំ​២០២០​ កន្លង​ទៅ​ ត្រូវ​រដ្ឋាភិបាល​ណែនាំ​ឲ្យ​បន្ត​ធ្វើ​ការ​ជា​ធម្មតា​នៅ​ថ្ងៃ​បុណ្យ​ចូល​ឆ្នាំ​ខ្មែរ ដើម្បី​ចូលរួម​ទប់​ស្កាត់​ការ​រាលដាល​វីរុស​កូវីដ​១៩​។

លោក ខេន លូ អគ្គលេខាធិការសមាគម​រោងចក្រ​កាត់ដេរនៅ​កម្ពុជា បានបន្ត​អំពាវ​នាវ​ឲ្យ​សមាជិករោងចក្រទាំងអស់មាន​ការ​ប្រុង​ប្រយ័ត្ននិង​ត្រូវអនុវត្ត​តាម​វិធានការណ៍​​សុវត្ថិភាព​​ទាក់ទង​នឹង​កូវីដ១៩ របស់​ក្រ​សួង​សុខាភិបាល​។

អ្នកនាំពាក្យក្រ​សួង​សុខាភិបាល លោកស្រី ឱ វណ្ណឌីន និង​អ្នក​នាំពាក្យ​ក្រ​សួង​ការងារ លោក ហេង សួរ មិ​ន​អាច​ទាក់ទង​សុំការអត្ថាធិប្បាយ​បានទេ​អំពីបញ្ហានេះ។

វ៉ាក់សាំងAstraZeneca ដំណាក់កាលដំបូង ដែលផ្ដល់ដោយមជ្ឍមណ្ឌលខូវ៉ាក់បានមកដល់អាកាសយានដ្ឋានអន្តរជាតិភ្នំពេញកាលពីល្ងាចថ្ងៃអង្គារ។ ខេមបូចា/ព្រីង សំរាំង
វ៉ាក់សាំងAstraZeneca ដំណាក់កាលដំបូង ដែលផ្ដល់ដោយមជ្ឍមណ្ឌលខូវ៉ាក់បានមកដល់អាកាសយានដ្ឋានអន្តរជាតិភ្នំពេញកាលពីល្ងាចថ្ងៃអង្គារ។ ខេមបូចា/ព្រីង សំរាំង

ក្រ​សួង​សុខាភិបាល​ កាលពី​ថ្ងៃអង្គារ បាន​ប្រកាស​ករណី​ថ្មី​កូវីដ១៩ ចំនួន​២៤​ករណីទាក់ទង​នឹង​ព្រឹត្តិការណ៍​២០ កុម្ភៈ ដែល​មានជាប់​ពាក់ព័ន្ធ​នឹង​ស្រ្តីជនជាតិចិន​ចាកចេញពីមណ្ឌលធ្វើចត្តាឡីស័ក និង​មាន ១៧ករណី​ថ្មី​នៅ​ខេត្ត​ព្រះ​សីហនុ នាំឲ្យ​ការឆ្លង​ក្នុង​ព្រឹត្តការណ៍​២០​ កុម្ភៈ​ក្នុងខេត្ត​នេះ​ឡើង​ដល់​៤៧​ករណី។

នៅល្ងាច​ថ្ងៃអង្គារ វ៉ាក់សាំង​ AstraZeneca ដែលផលិតនៅប្រទេសឥណ្ឌា ចំនួន​៣២៤ ០០០​ដូស ដំបូង​បាន​មក​ដល់អាកាសយានដ្ឋាន​អន្តរជាតិ​ភ្នំពេញ ក្រោមជំនួយ​របស់​មជ្ឈមណ្ឌល​ខូវ៉ាក់(Covax Facility) ដែល​ចំនួន​ត្រូវ​បញ្ជូន​មក​កម្ពុជា​មាន​ជិត​១,៣​លាន​ដូស​។

​ថ្លែង​ក្នុង​សន្និសីទ​សារព័ត៌មាន​កាលពី​ល្ងាចថ្ងៃអង្គារ អ្នកនាំពាក្យ​ក្រសួងសុខាភិបាល លោកស្រី ឱ វណ្ណឌីន បញ្ជាក់ថា ការ​បើក​ឲ្យ​ដំណើរ​ការ​ចាក់វ៉ាក់សាំង​នេះ​នឹង​ធ្វើ​ឡើង​ក្រោម​វត្តមាន​លោក​នាយក​រដ្ឋមន្ត្រី​ ហ៊ុន សែន ពេល​លោក​ទៅទទួល​វ៉ាក់សាំង​នេះ​នៅ​មន្ទីរ​ពេទ្យ​កាលម៉ែត​នៅ​ថ្ងៃព្រហស្បតិ៍។

លោកស្រី​បន្ថែមថា៖ «​យើង​នឹង​រង់ចាំ​អនុសាសន៍ណែនាំ​ពី​សម្តេច ហ៊ុន សែន ពេល​លោក​ទទួល​វ៉ាក់សាំង»។

លោកស្រីវេជ្ជបណ្ឌិត Li Ailan ប្រធាន​អង្គការសុខភាព​ពិភព​លោក​ប្រចាំ​កម្ពុជា បាន​​អំពាវ​នាវ​ឲ្យ​សារធារណជន​បន្ត​រក្សា​ការ​ប្រុង​ប្រយ័ត្ន​ខ្ពស់ និង​អនុវត្ត​តាម​វិធានការ​សុខាភិបាល​នៅ​ទូទាំង​ប្រទេស ដើម្បី​ទប់​ស្ដាក់​ការ​រាល​ដាល​វិរុស​កូវីដ​១៩ ដែលកំពុងរាលដាល​ខ្លាំង គិត​តាំង​ពីមាន​ការ​ផ្ទុះ​ឡើង​មក​​​។

លោកស្រី​បន្ថែមថា៖ «វីរុសរាលដាល​លឿន​ណាស់ យើង​ត្រូវ​តែមាន​វិធានការទប់​ស្កាត់​ឲ្យ​បាន​មុន»។

ប្រែសម្រួលពីអត្ថបទភាសាអង់គ្លេស៖ Garment worker tests positive for Covid-19, prompting calls to shut factory

62 views
Share on facebook
Share on twitter
Share on linkedin
Share on telegram
Share on whatsapp
ព័ត៌មានទាក់ទង
ព័ត៌មានថ្មីៗ »
អត្ថបទពេញនិយម »