បងស្រីរបស់សកម្មជនថៃដែលបាត់ខ្លួនបួងសួងឲ្យមាពន្លឺ អំពីការបាត់ខ្លួនប្អូនប្រុស

Sitanun Satsaksit ( ខាងឆ្វេង) បងស្រីរបស់សកម្មជនថៃឈ្មោះ Wanchalearm Satsaksit ទទួលបានការប្រោះព្រំពីព្រះសង្ឃកាលពីថ្ងៃសុក្រនៅខាងក្រៅខុនដូមួយកន្លែង ទីដែលប្អូនប្រុសរបស់គាត់ត្រូវបានចាប់ពង្រត់កាលពីខែមិថុនា។ បញ្ញា ឆព័ណ្ណ
Sitanun Satsaksit ( ខាងឆ្វេង) បងស្រីរបស់សកម្មជនថៃឈ្មោះ Wanchalearm Satsaksit ទទួលបានការប្រោះព្រំពីព្រះសង្ឃកាលពីថ្ងៃសុក្រនៅខាងក្រៅខុនដូមួយកន្លែង ទីដែលប្អូនប្រុសរបស់គាត់ត្រូវបានចាប់ពង្រត់កាលពីខែមិថុនា។ បញ្ញា ឆព័ណ្ណ

បងស្រីរបស់​សកម្មជន​គាំទ្រ​លទ្ធិប្រជាធិបតេយ្យ​ជនជាតិ​ថៃ ដែល​បាន​បាត់​ខ្លួន​បាន​រៀ​បចំពិធីសាសនា​តូច​មួយ​នៅ​ខាងក្រៅកន្លែង​ ដែល​សកម្មជន​រូប​នេះ​ធ្លាប់​ស្នាក់​នៅ​ក្នុងខណ្ឌជ្រោយ​ចង្វារ​ ដែល​មាន​រយៈ​ពេល​៦​ខែ​ហើយ​ចាប់តាំង​ពី​សកម្មជននិរទេសខ្លួន​រូបនេះ​បាន​បាត់​ខ្លួន​ ដែល​តាម​ចោទ​ថា ត្រូវ​បាន​គេ​ចាប់​ពង្រត់​។

អ្នក​ស្រី​ Sitanun Satsaksit ត្រូវ​ជា​បងស្រី​របស់​បុរសជនជាតិ​ថៃ​ឈ្មោះ Wanchalearm Satsaksit ដែល​បាន​រស់នៅ​ក្នុងរាជធានីភ្នំពេញ​និង​បាន​បាត់​ខ្លួន​កាល​ពី​ថ្ងៃទី ៤ ខែមិថុនា​។ ដោយ​ផ្នែក​លើ​រូបភាព​ទទួល​បាន​ពីកាម៉េរ៉ាសុវត្ថិភាព​និង​ព័ត៌មាន​ពីសាក្សី​ គ្រួសារ​របស់​លោក Wanchalearm អះអាងថា គាត់​ត្រូវ​បាន​​គេចាប់​ពង្រត់​នៅក្រៅ​កន្លែង​ស្នាក់​នៅ​របស់គាត់​ក្នុង​ក្រុងភ្នំពេញ​ ប៉ុន្តែ​មន្ត្រី​នគរ​បាលកម្ពុជា​អះអាងថា  ពួកគេ​គ្មាន​ព័ត៌មាន​អំពី​បុរសរូបនេះ​នៅក្នុង​ប្រទេស​កម្ពុជា​ក្រោយ​ឆ្នាំ​២០១៧​ ជា​ពេល​ដែលទិដ្ឋាការ​របស់​គាត់​ផុត​កំណត់​នោះ​ទេ។​

អ្នកស្រី Si​ta​nu​n Sa​t​s​a​k​s​i​t​ ​​​បាន​​​​​​​​​ធ្វើ​​​​​ពិ​​​ធី​​​​ព្រះ​​​​​ពុទ្ធ​​​​សា​​​​ស​​​​នា​​​​​តូច​​​​​មួយ​​​​​នៅ​ខាង​​​​​ក្រៅ​​​​​​​​ខុន​​​​ដូ​​​​​​​ឈ្មោះ Mekong Gardens ​​​​​​​​​ក្នុង​​​​​ខណ្ឌ​​​​​​​​​ជ្រោ​​​​យ​​​​​​​ចង្វារ​​​​​​​​​នៅ​​​​​​​​ព្រឹក​​​​​​​​​​​​​​​​​​ថ្ងៃ​​​​​​​​​​សុ​​​​ក្រ​​​​​​​​​​នេះ​​​​ ដោយនិ​​យា​​​​យ​​​​​​ថា​​​​​ អ្ន​ក​ស្រី​​​​​​​​​​​​ស​​​​ង្ឃឹ​​​ម​​​ថា​​ នឹង​​​​រកបាន​​​​​​ព័​​​​ត៌​​​​មាន​​​​បន្ថែម​​​​ទៀត​អំ​​​​​​​​​​ពី​​​​​ប្អូន​​​​​ប្រុស​​​​រប​​​ស់អ្នក​ស្រី​​​ ដែល​អ្នក​ស្រី​​អាច​​​​​​បង្ហាញ​​នៅ​​​​មុ​​​ខ​​​​សា​​​​​លា​​​​​ដំ​​​​បូង​​​​រាជ​​​​​​​​​​​​​​​​ធា​​​នី​​​​​​​ភ្នំ​​​ពេញ​​​​​​​នៅ​ថ្ងៃ​​​​ទី ៨ ខែធ្នូ​​​​​​​​​។​

អ្នក​ស្រី​បាន​ថ្លែង​តាម​រយៈ​អ្នក​បកប្រែ​ថា៖ «យើង​​​​​​​​​​មិន​​​​​​​​​​​​ស្គា​​​​​​​​​​​​​​​​​ល់​​​​​​​​​ជន​​​​​​​ដៃ​ដល់​​​​​​​​​​​​​​​​ទេ​​​​​​​​។ ទោះ​​​​​​​យ៉ា​​ង​​​​​​​ណា​​ នេះ​​​​​​​​​​​គឺ​​​​​​​​​ជា​​​​​​​​​​​កា​​​ត​​​​​​​​ព្វ​​​កិច្ច​​​​​​​​​​និ​​ង​​​ជា​ការ​​​​​​​ទទួល​​​​​ខុស​​​​​​​ត្រូវរ​​​​​​​បស់​​​​​​អា​​​​ជ្ញា​​​​ធរ​​​​ទាំង​​​​​នៅក្នុង​​​​​ប្រ​​​​​ទេ​​​​ស​​​​​កម្ពុ​​​​​ជា​​​​និ​​​ង​​​​ថៃ​​​​​​ក្នុង​​​​​​ការ​​​​​ស្វែង​​​​​​រក​​​​​ការ​​​​​​ពិត​​​​​​សម្រា​​​​ប់​​​​ពួក​​​​​យើង​​​​​ទាំង​​​អស់​​គ្នា​​​​​​​​​និង​​​​សម្រាប់​​ក្រុម​​​​​​​​​​គ្រួ​​​​​​​​សារ​​​​​​​​​​​រប​​​​ស់​​​​​​​​ខ្ញុំ​​​​​​»

អាជ្ញា​ធរកម្ពុជា​បាន​​ផ្តើម​ការ​ស៊ើ​ប​អង្កេត​​កាល​ពី​ខែ​មិថុនា​ បន្ទាប់​​ពី​ទទួល​បាន​ការ​ស្នើ​សុំ​ពី​​ប្រទេស​ថៃ​​ ប៉ុន្តែ​​បាន​អះអាង​តាំងពី​ពេល​នោះ​ថា ខ្លួន​គ្មាន​តម្រុយ​ជុំវិញ​ការ​បាត់​ខ្លួន​របស់​​សកម្ម​ជន​​រូប​នេះ​ទេ​។ អាជ្ញាធរកម្ពុជា​បាន​លើក​ឡើង​ថា រថយន្ត​ទំនើប​មួយ​គ្រឿង​ប្រភេទ SUV ដែល​គេ​ឃើញ​នៅក្នុង​​កាម៉េរ៉ា​សុវត្ថិភាព​នោះ​ដែល​តាម​ចោទ​ថា មាន​ជាប់​ពាក់ព័ន្ធ​នឹង​ការ​ចាប់​ពង្រត់​នេះ​ មាន​ស្លាក​លេខ​ក្លែង​ក្លាយ​ ហើយថា Wanchalearm​ មិន​រស់​នៅ​ក្នុង​ខុន​ដូ​នេះ នេះ​បើផ្អែក​តាម​ការ​ស៊ើប​អង្កេត​របស់​អាជ្ញា​ធរ​។

តុលាការ​ក្រុង​ភ្នំពេញ​បាន​ចាប់​​ផ្តើម​ការ​ស៊ើប​អង្កេត​​លើ​ករណី​នេះ​ ហើយ​​អ្នក​ស្រី Sitanun ​បាន​ធ្វើ​ដំណើរ​ពីប្រទេស​ថៃ​ ដើម្បី​ដាក់​ភស្តុ​តាង​គាំ​ទ្រ​ដល់​ការ​អះ​អាង​របស់​ខ្លួន​ថា Wanchalearm​ ពិតជា​ត្រូវ​បាន​គេ​ចាប់​ពង្រត់​នៅ​ក្នុង​ទីក្រុង​ភ្នំ​ពេញ​។

អ្នក​ស្រី Sitanun បាន​និយាយថា អ្នក​ស្រី​និង​ក្រុម​អ្នក​ច្បាប់​​បាន​ដាក់​សំណើ​ជួប​ជាមួយ​ក្រុម​មន្ត្រីនគរបាល​ជាន់​ខ្ពស់​កម្ពុជា​ ប៉ុន្តែ​មិន​ទាន់​ទទួល​បាន​ការ​ឆ្លើយ​តប​នៅឡើយ​ទេគិត​​មក​ដល់​ថ្ងៃ​សុក្រ​នេះ។

អ្នក​ស្រី Sitanun បាន​និយាយថា៖ «​យើង​មិនដឹង​ថា គាត់នៅ​ទីណា​ទេ។ នោះ​គឺជា​អ្វីដែល​យើង​កំពុង​ស្វែង​រក​ ហើយ​យើង​មិន​ដឹង​ថា មាន​រឿង​អ្វីកើត​ឡើង​ចំពោះ​គាត់​នោះទេ។ វាមិនគួរ​ឲ្យ​ជឿ​ទាល់តែ​សោះ​ចំពោះ​អ្វីដែល​កំពុង​កើត​ឡើង​នេះ​»

លោក សំ ចំរើន​ ជា​មេធាវីកម្ពុជា​របស់​អ្នក​ស្រី Sitanun បាន​មាន​ប្រសាសន៍ថា អ្នកស្រី នឹង​ចូល​រួម​សវនាការ​នៅ​ថ្ងៃទី​៨​ ខែធ្នូ​និង​ដាក់​ភស្តុតាង​ជូន​​ចៅក្រម​ស៊ើបសួរ​សាលាដំបូង​រាជធានីភ្នំពេញ​ ស៊ិន សុវណ្ណរ័ត្ន។​​

លោក​មាន​ប្រសាសន៍ថា៖ «យើង​នឹង​ផ្តល់​ភស្តុតាងបន្ថែម​ទៀត​ដល់​ចៅក្រម​ស៊ើប​សួរ​»។​

Sitanun Satsaksit ជាបងស្រីរបស់​ Wanchalearm Satsaksit បាន​និយាយទៅ​កាន់​ប្រព័ន្ធផ្សព្វផ្សាយ​កាល​ពីថ្ងៃ​សុក្រ​នៅក្នុង​ខណ្ឌ​ជ្រោយ​ចង្វារ​រាជធានីភ្នំពេញ​។បញ្ញា ឆព័ណ្ណ​
Sitanun Satsaksit ជាបងស្រីរបស់​ Wanchalearm Satsaksit បាន​និយាយទៅ​កាន់​ប្រព័ន្ធផ្សព្វផ្សាយ​កាល​ពីថ្ងៃ​សុក្រ​នៅក្នុង​ខណ្ឌ​ជ្រោយ​ចង្វារ​រាជធានីភ្នំពេញ​។បញ្ញា ឆព័ណ្ណ​

អ្នក​ស្រី​ Sitanun បាន​និយាយថា អ្នក​ស្រី​នឹង​ដាក់​ជូន​ភស្តុ​តាង​មួយចំនួន​ ដូច​ជា​រូប​ភាព​និង​វីដេអូឃ្លីប​ដែល​ថតបាន​នៅ​កន្លែង​កើត​ហេតុ​ ទីដែល​តាម​ចោទថា Wanchalearm​ ត្រូវ​បាន​គេចាប់ពង្រត់​នោះ​​ និង​ប្រមូល​ព័ត៌មាន​ផ្សេង​ទៀត​ពី​គណនី​ហ្វេស​ប៊ុក​។​

អ្នក​ស្រី​បាន​និយាយថា៖ «យើង​មាន​ភស្តុតាង​មួយ​ចំនួន​ ដើម្បី​បង្ហាញនិង​បញ្ជាក់​ថា Wanchalearm មាន​វត្តមាន​នៅទីនេះ​ ក្នុងទី​​ក្រុង​ភ្នំពេញ​​ ប្រទេសកម្ពុជា​»

អ្នកស្រីបន្ថែមថា៖ «ការចាប់ខ្លួន​កើត​ឡើង​នៅ​ទីនេះ ក្នុង​ទីក្រុង​ភ្នំពេញ​ ប៉ុន្តែ​យើង​គ្មាន​តម្រុយ​ណា​មួយ​អំពី​ទីកន្លែង​របស់​គាត់​ បន្ទាប់ពី​មាន​ឧប្បត្តិហេតុ​នេះ​»​។

ក្រុម​ការងារ​អង្គការសហប្រជាជាតិ​ដែល​ធ្វើ​ការ​លើការ​ការពារការបាត់​ខ្លួន​ដោយ​បង្ខំ​បាន​​យក​ចិត្ត​ទុក​ដាក់​នឹង​ករណី​នេះ និង​បាន​ស្នើ​ឲ្យ​រដ្ឋាភិបាល​កម្ពុជា​បន្ត​ផ្តល់​ព័ត៌មាន​អំពី​ការ​វិវឌ្ឍ​តាម​រយៈ​ការ​ស៊ើប​អង្កេត​របស់ខ្លួន​។​

លោក អ៊ី រិន ជា​អ្នក​នាំពាក្យ​សាលា​ដំបូង​រាជធានីភ្នំ​ពេញ​​គ្រាន់តែ​បញ្ជាក់​ថា សវនាការ​នឹង​ប្រព្រឹត្តទៅ​​ធម្មតា​នៅ​ថ្ងៃទី ៨ ខែ​ធ្នូ​។ សវនាការ​មួយចំនួន​ទាក់​ទិន​នឹង​​អ្នក​ជាប់​ក្នុង​ពន្ធនាគារ​ត្រូវ​បាន​ផ្អាក​ដោយ​សារតែ​មាន​ការ​ឆ្លង​វីរុសកូវីដ ១៩ ចូល​សហគមន៍។

លោក ឆាយ គឹមឃឿន ជា​អ្នក​នាំពាក្យ​ស្នង​ការ​នគរបាល​ជាតិ​បាន​បដិសេធ​មិន​ធ្វើ​អត្ថាធិប្បាយ​ ដោយ​សារ​លោក​ស្ថិតក្នុង​ការ​ធ្វើ​ចត្តាឡីស័ករយៈ​ពេល​១៤​ថ្ងៃ​ដោយសារការ​ផ្ទុះ​ឡើង​នៃការ​ឆ្លងវីរុស​កូវីដ​១៩​ដូចគ្នា​នេះ។ ចំណែក​លោក ខៀវ សុភ័ក្រ​ អ្នក​នាំពាក្យ​ក្រសួង​មហាផ្ទៃ​មិន​អាចទាក់ទងសុំការអត្ថាធិប្បាយ​បាន​ទេ។

លោក ជិន ម៉ាលីន អ្នកនាំពាក្យ​ក្រសួង​យុត្តិធម៌​បាន​បញ្ជាក់​ជាថ្មីពីជំហរ​កម្ពុជា​ថា លោក Wanchalearm មិន​មាន​វត្តមាន​នៅ​ក្នុង​ប្រទេសកម្ពុជា​​ អំឡុង​ពេល​ដែល​មាន​ការ​ចោទប្រកាន់អំពីការ​ចាប់ពង្រត់​នោះទេ។​

លោក​បាន​មាន​ប្រសាសន៍​ថា៖ «ដូច្នេះ ព័ត៌មាន​ដែល​ថា គាត់​បាត់ខ្លួន​នៅក្នុង​ប្រ​ទេសកម្ពុជា​ យើង​មិន​ដឹងថា វាពិត​ឬមិនពិតនោះទេ»។

Wanchalearm បាន​ភៀសខ្លួន​ចេញពី​ប្រទេសថៃ​ បន្ទាប់ពី​រដ្ឋប្រហារ​ឆ្នាំ​២០១៤ ហើយ​ត្រូវ​បាន​ចោទប្រកាន់​ពីបទល្មើស​ប្រើប្រាស់កុំព្យូទ័រ​ទាក់ទិន​នឹង​ទំព័រ​ហ្វេស​ប៊ុក​​ ដែល​លោកបាន​បង្ហោះ​ការអត្ថាធិប្បាយ​បែប​រិះគន់​ចំពោះ​រដ្ឋាភិបាល​ថៃ​។ លោក​ត្រូវ​បាន​គេតាមរក​​ចាប់ខ្លួន​ពីបទល្មើស​ច្បាប់​ស្តីពីការ​ប្រមាថព្រះមហាក្សត្រធ្ងន់ធ្ងរ៕

ប្រែសម្រួលពីអត្ថបទភាសាអង់គ្លេស៖ CamboJA News

143 views
ព័ត៌មានទាក់ទង
ព័ត៌មានថ្មីៗ »
អត្ថបទពេញនិយម »