កម្មកររាយការណ៍ពីការបើកប្រាក់ឈ្នួលយឺត បន្ទាប់ពីអតីតនាយក Peninsula Bay រងទណ្ឌកម្ម
ក្រុងព្រះសីហនុ៖ អ្នកស្រី ចាន់ វរលក្ខណ៍ បានជូតទឹកភ្នែក ខណៈអង្គុយក្នុងបន្ទប់តូចរបស់អ្នកស្រី នៅក្នុងអន្តេវាសិកដ្ឋានសម្រាប់កម្មករស្នាក់នៅប្រចាំថ្ងៃក្នុងក្រុងព្រះសីហនុ។ ចាប់តាំងពីខែមេសាមក អ្នកស្រី បានជួយធ្វើពុម្ពសម្រាប់ចាក់បេតុងនៅគម្រោង Peninsula Bay ដែលជារមណីយដ្ឋាន ប្រណីត តម្លៃ ៥៧៤ លានដុល្លារ ស្ថិតនៅតំបន់មាត់សមុទ្រនៃក្រុងនេះ។ ប៉ុន្តែប្រាក់ឈ្នួលរបស់ អ្នកស្រីតែងតែត្រូវបានបើកយឺត។
