សមាគមសម្ព័ន្ធអ្នកសារព័ត៌មានកម្ពុជា
KH | EN

ព័ត៌មានជាតិ

សហជីពប្រហែល៧០នាក់បានតវ៉ានៅមុខការិយាល័យមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថាសង់ត្រាល់នៅទីក្រុងភ្នំពេញកាលពីថ្ងៃទី១៤ ខែមិថុនា ឆ្នាំ២០២៤។(ខេមបូចា/សុវណ្ណ ស្រីពេជ្រ)

អាជ្ញាធរសវនកម្មជាតិ នឹងធ្វើសវនកម្មលើអង្គការសង់ត្រាល់តាមសំណើក្រសួងមហាផ្ទៃ

អាជ្ញាធរសវនកម្មជាតិ (NAA) នឹងធ្វើសវនកម្ម លើអង្គការមជ្ឈមណ្ឌលសម្ព័ន្ធភាព​ការងារ​និងសិទ្ធិមនុស្ស ហៅកាត់ សង់ត្រាល់ (CENTRAL) នៅថ្ងៃទី ១៥ ខែកក្កដាខាងមុខនេះ បន្ទាប់ពីមានការស្នើសុំរបស់ក្រសួងមហាផ្ទៃនៅថ្ងៃទី២៨ ខែមិថុនា កន្លងទៅ។

ពេលវេលា​កាន់​តែ​កៀក​សម្រាប់​ការ​ដាក់​បន្ទុក​ពន្ធ ខណៈ​សហភាព​អឺរ៉ុប​ប្រកាស​ដក​ផ្នែក​ខ្លះ​ប្រព័ន្ធ​អនុគ្រោះ​ពន្ធ​ EBA

ក្រុមហ៊ុន​នាំចេញ​ពី​កម្ពុជា​ប្រឈម​មុខ​នឹង​ការ​ដំឡើង​ពន្ធ​នៅ​ខែ​សីហា បន្ទាប់​ពី​សហភាព​អឺរ៉ុប​បាន​ប្រកាស​នូវ​សេចក្តី​សម្រេច​ក្នុង​ការ​ដក​ផ្នែក​ខ្លះ​នៃ​ប្រព័ន្ធ​អនុគ្រោះ​ពន្ធ​​មក​លើ​កម្ពុជា​កាល​ពី​ថ្ងៃ​ពុធ ដោយសារ​បញ្ហា​រំលោភ​សិទ្ធិ​មនុស្ស​ «ធ្ងន់ធ្ងរ​និង​ជា​ប្រព័ន្ធ»។

​កម្មករ​ព្រួយបារម្ភ​ពី​ផល​ប៉ះពាល់​ ​ខណៈ​សេចក្តី​សម្រេច​លើ​ ​EBA​ ​ជិត​មក​ដល់​៖​ ​«​ពួក​យើង​នឹង​មិន​នៅ​ស្ងៀម​នោះ​ទេ​»​

​កម្មករ​រោងចក្រ​កំពុងតែ​ទន្ទឹង​រង់ចាំ​ដោយ​ក្តី​ព្រួយបារម្ភ​នូវ​សេចក្តី​សម្រេច​របស់​សហភាព​អឺរ៉ុប​ជុំវិញ​ការ​ដាក់ទណ្ឌកម្ម​ផ្នែក​ពាណិជ្ជកម្ម​មក​លើ​កម្ពុជា​។​ ​ស្រប​ពេល​ដូចគ្នា​នេះ​ ​កម្មករ​ភាគច្រើន​កំពុង​ជាប់​បំណុល​ ​កម្មករ​មួយ​ចំនួន​ត្រូវ​រង​សម្ពាធ​ដោយ​គោល​នយោបាយ​ថ្មី​របស់​រដ្ឋាភិបាល​កម្ពុជា​ដើម្បី​ជួយ​កាត់បន្ថយ​ចំណាយ​សម្រាប់​ម្ចាស់​រោងចក្រ​ ​និង​ដំណើរការ​អាជីវកម្ម​ហាក់ដូចជា​ថមថយ​នៅ​តាម​រោងចក្រ​នានា​។

សហជីព​រិះគន់​ការ​ជាប់​គាំង​ក្នុង​ការ​ស៊ើបអង្កេត​ករណី​ឃាតកម្ម​លើ​អតីត​មេ​ដឹក​នាំ​សហជីព​លោក​ ​ជា​ ​វិជ្ជា​ ​អំឡុង​ពេល​ប្រារព្ធ​ខួប​​ ១៦​ឆ្នាំ​

កាលពី​ថ្ងៃពុធ​ ​ក្រុម​សហជីព​បាន​រិះគន់​ភាព​អសកម្ម​របស់​គណៈកម្មការ​មួយ​ ​ដែល​រដ្ឋាភិបាល​បាន​បង្កើត​ឡើង​កាលពី​ឆ្នាំ​២​០​១​៧​ ​ជា​ផ្នែក​មួយ​ដើម្បី​ស៊ើប​អង្កេត​ករណី​ឃាតកម្ម​លើ​មេដឹកនាំ​សហជីព​ការងារ​លោក​ ​ជា​ ​វិជ្ជា​ ​ខណៈ​ពេល​ពួកគេ​ប្រមូលផ្តុំ​សមាជិក​សហជីព​និង​បុគ្គលិក​សិទ្ធិមនុស្ស​ ​ប្រារព្ធ​ខួប​១​៦​ឆ្នាំ​នៃ​ការ​ស្លាប់​របស់​លោក​។​

​ក្រុមហ៊ុន​ណាហ្គាវើលដ៍​យល់ព្រម​ទទួល​យក​តំណាង​សហជីព​ចូល​ធ្វើការ​វិញ​និង​តំឡើង​ប្រាក់ឈ្នួល​ដល់​បុគ្គលិក​

កាលពី​រសៀល​ថ្ងៃសុក្រ​ ​ក្រុមហ៊ុន​ណា​ហ្គាវើ​ល​ដ៍ ​បាន​យល់ព្រម​ទទួលយក​តំណាង​សហជីព​ ​កញ្ញា​ ​ឈឹម​ ​ស៊ី​ថ​រ​ ​ចូល​ធ្វើការ​វិញ​ ​និង​តំ​ឡើង​ប្រាក់ឈ្នួល​ចន្លោះ​ពី​ ១​៨​ ​ទៅ​ ៣​០​ភាគរយ​ដល់​បុគ្គលិក​ទាំងអស់​ ​បន្ទាប់ពី​ពួកគេ​ធ្វើ​កូដកម្ម​អស់​រយៈពេល​ពីរ​ថ្ងៃ​។​

សហជីព​ទទូច​ឲ្យ​មាន​ការ​ពង្រឹង​បទដ្ឋាន​សាងសង់​តឹងរ៉ឹង​ជាង​មុន​ ​បន្ទាប់​ពី​មាន​មនុស្ស​ ​៣៦​នាក់​ទៀត​ស្លាប់​ដោយ​សារ​ការ​បាក់​រលំ​អគារ​

​កាលពី​ថ្ងៃពុធ​ ​ក្រុម​សហជីព​ការងារ​បាន​អំពាវនាវ​ទៅ​រដ្ឋាភិបាល​ឲ្យ​ពង្រឹង​បទដ្ឋាន​សាងសង់​ឲ្យបាន​តឹងរ៉ឹង​ជាង​នេះ​ ​ដើម្បី​ទប់​ស្កាត់​សោកនាដកម្ម​នា​ពេល​អនាគត​ ​ដូចជា​ករណី​បាក់​រលំ​អគារ​នៅ​ខេត្ត​កែប​ដែល​បណ្តាលឲ្យ​មនុស្ស​ ៣​៦​នាក់​ស្លាប់​កន្លងមក​នេះ​។​

​កិច្ច​ប្រឹងប្រែង​​ជួយ​សង្គ្រោះ​​បាន​បញ្ចប់​​ខណៈ​មនុស្ស​ ​៣​៦​នាក់​​ស្លាប់​​រួម​ទាំង​​កុមារ​​ ៦​​នាក់​​បន្ទាប់​​ពី​ការ​បាក់​​រំលំ​ អគារ​​នៅ​ខេត្ត​កែប​

កិច្ចប្រឹងប្រែង​ជួយសង្គ្រោះ​ត្រូវ​បាន​បញ្ចប់​នៅមុន​ថ្ងៃត្រង់​កាលពី​ថ្ងៃអាទិត្យ​ដោយក្រុម​ជួយសង្គ្រោះ​បាន​រក​ឃើញ​សាកសព​៣​៦​នាក់​ពី​គំនរ​បាក់បែក​នៃ​អគារ​ដែល​ដួល​រ​លំនៅ​ក្រុង​កែប​ ​ខណៈ​អ្នកនៅរស់​រាន​មានជីវិត​២​៣​នាក់​ត្រូវ​បាន​បញ្ចូន​ទៅ​សម្រាក​នៅ​មន្ទីរពេទ្យ​។​

​​ក្រុម​ជួយ​សង្គ្រោះ​យក​សាកសព​ចេញ​ពី​គំនរ​បាក់បែក​ ​ខណៈ​ម្ចាស់​អគារ​ត្រូវ​បាន​ចាប់​ខ្លួន​

​មនុស្ស​ប្រាំពីរ​នាក់​បាន​ស្លាប់​និង​១៨​នាក់​ផ្សេងទៀត​រង​របួស​ ​បន្ទាប់ពី​អគារ​កំពុង​ដំណើរការ​សាងសង់​មួយ​កន្លែងនៅ​ទីក្រុង​កែប​បាន​បាក់​រលំ​ ​កាលពី​ថ្ងៃសុក្រ​ ​ខណៈ​ម្ចាស់​អគារ​ត្រូវ​បាន​ឃាត់ខ្លួន​និង​កំពុង​សាកសួរ​នៅ​ស្នងការ​នរ​គ​បាល​ខេត្ត​កាលពី​ថ្ងៃសៅរ៍​។​

ជប៉ុន​ទទួល​ស្គាល់ការ​រួមចំណែក​របស់​​បញ្ញវន្ត និង​មន្រ្តី​កម្ពុជា​​លើ​ទំនាក់ទំនង​កម្ពុជា​និង​ជប៉ុន​​

ស្ថានទូត​ជប៉ុន​ប្រចាំ​កម្ពុជា​បាន​ទទួល​ស្គាល់​បុគ្គល​បី​រូប​ជា «បុគ្គល​ឆ្នើម» នៅ​ក្នុង​ការ​លើកកម្ពស់​​ទំនាក់ទំនង​យោគយល់​គ្នា​តាមរយៈ​កម្មវិធី​ផ្លាស់ប្តូរ​កម្មសិក្សា​​តាម​សាកលវិទ្យាល័យ​រវាង​កម្ពុជា និង​ជប៉ុន។

ព័ត៌មានថ្មី

អត្ថបទពេញនិយម