សមាគមសម្ព័ន្ធអ្នកសារព័ត៌មានកម្ពុជា

តុលាការកំពូលបើកសវនាការលើ​បណ្តឹង​សាទុក្ខរបស់លោក ថាច់ សេដ្ឋា ពាក់ព័ន្ធសំណុំរឿងចេញសែកគ្មានសាច់ប្រាក់

លោក ថាច់ សេដ្ឋា អនុប្រធានគណបក្សភ្លើងទៀនចូលរួមសវនាការនៅតុលាការកំពូល នៅរាជធានីភ្នំពេញ ថ្ងៃទី២០ ខែឧសភា ឆ្នាំ២០២៤។ (ខេមបូចា/ ព្រីង សំរាំង)
លោក ថាច់ សេដ្ឋា អនុប្រធានគណបក្សភ្លើងទៀនចូលរួមសវនាការនៅតុលាការកំពូល នៅរាជធានីភ្នំពេញ ថ្ងៃទី២០ ខែឧសភា ឆ្នាំ២០២៤។ (ខេមបូចា/ ព្រីង សំរាំង)

តុលាការកំពូល កាលពីថ្ងៃចន្ទ បានបើកសវនាការលើបណ្តឹងសាទុក្ខរបស់អតីត​អនុប្រធាន​គណបក្សភ្លើងទៀន លោក ថាច់ សេដ្ឋា​  ដែលត្រូវបានផ្តន្ទាទោស​កាល​​ពី​ខែកញ្ញា ឆ្នាំ២០២៣ ពីបទចេញសែកគ្មាន​សាច់​ប្រាក់​កាល​ពី​ឆ្នាំ២០១៩។​​ ​តុ​​លាការ​​​នឹ​ង​ប្រ​​​​​កា​​ស​សា​​ល​​ដី​កា​​​​​​​​​​​​​​នៅ​ថ្ងៃ​​​ទី​​​​​៣១​​​ ខែ​​​​​ឧ​​ស​​ភា​​។​​  

កាលពី​ខែ​ក​ញ្ញា​ឆ្នាំ​មុ​ន​ លោក​ ​សេ​ដ្ឋា​ បានប​ដិ​​​​សេ​​ធ​កា​រ​ចោ​ទ​ប្រ​កា​ន់​របស់​​​​​តុលា​កា​រ​​ជាន់​ទា​ប​ ដោយ​បាន​បញ្ជាក់​ថា ​លោ​ក​មិន​ដែ​ល​បាន​ចេ​ញសែក​ទាំង​នោះ​ទេ​ ហើយ​​បា​ន​ប្តឹ​ង​ឧ​ទ្ធ​រ​ណ៍​​​ប្រឆាំង​នឹ​ង​សេចក្តី​​ស​ម្រេ​ច​នេះ​​ ​ប៉ុ​ន្តែ​សាលា​​ឧ​ទ្ធ​រ​ណ៍​បាន​តម្ក​​ល់​សា​​ល​​​ក្រ​​​​​​​ម​​កាល​​ពី​​​ខែ​​​​ម​ក​រា ​ឆ្នាំ​នេះ​។​  

សាលាដំបូងរាជ​ធានីភ្នំពេញ​បាន​ផ្តន្ទា​ទោស​លោក សេដ្ឋា ​ឱ្យ​ជាប់​​ពន្ធនាគារ​រយៈ​ពេល​១៨​ខែ និង​ពិន័យ​ជា​ប្រាក់​៣​លាន​រៀល ពាក់ព័ន្ធនឹងបទ​ចោទ​​​ចេញ​សែក​គ្មាន​សាច់​ប្រាក់​​ចំនួន​៥​សន្លឹក។ លើស​ពី​នេះ​ទៀត លោក​​ត្រូវ​បាន​តុលាការ​បង្គាប់​ឱ្យ​សង​បំណុលមិន​ទាន់​សង​ចំនួន ៣ ៣៤០០ដុល្លារ​ទៅឲ្យ​​ដើម​បណ្តឹង និង​សំ​ណង​​ជំងឺចិត្ត​ចំនួន៥លាន​រៀល​បន្ថែម​ទៀត។  

ដោយឡែក​​សវនាការលើបណ្តឹងសាទុក្ខកាលពីថ្ងៃចន្ទ លោក​​ និល ណុន ប្រធាន​ក្រុម​​ប្រឹ​ក្សា​​ជំនុំ​ជម្រះ​បានកាត់​សំដី​របស់លោក សឺន ជុំជួន មេធាវីការពារក្តីរបស់​លោក ថាច់ សេដ្ឋា នៅ​ពេល​លោក​ព្យាយាម​ទាញហេតុ​ផល​ជំទាស់​នឹង​សាលក្រម​​​​របស់សាលាដំបូង​រាជធានីភ្នំពេញ​ ដែលខកខានមិនបានពិចារណាសិទ្ធិទទួល​​បានការជំនុំជម្រះដោយយុត្តិធម៌ស្របតាម​ច្បាប់​អន្តរជាតិ។ លោកមាន​ប្រសាសន៍​​​ថា​ លោក សេ​​​ដ្ឋា​​ ​គួរ​តែត្រូវ​​​​បា​​​ន​​​ប​ង្ហាញ​ភ​ស្តុ​តា​ង​ ដែល​ប្រើ​ប្រាស់​​ដើម្បី​​យក​មក​​ផ្ដន្ទាទោស​លោក ប៉ុន្តែ​តុលាការ​មិន​បាន​ធ្វើ​ដូច្នេះ​ទេ។  

លោក និល ណុន បានមានប្រសាសន៍ថា៖ «កុំមក [ទីនេះ] បង្រៀនខ្ញុំ។ តុលាការនេះ​ [អនុវត្តតាម​] ច្បាប់ជាតិ [មិនមែន] ច្បាប់អន្តរជាតិទេ​។ ខ្ញុំ​​ទុក​ពេល​ឲ្យ​លោក​ពីរ​​នាទី ​ដើម្បី​និយាយ​ សូម​លើក​ឡើង​តែ​កំហុស​នៃ​សាលក្រម​របស់ [​តុលាការ​ជាន់​ទាប​​] វា​ខុសនៅ​កន្លែង​ណា​»  

លោក សឺន ជុំជួន បាន​ឆ្លើយតប​ថា សេចក្តីសម្រេចរបស់​សាលាដំបូង​រាជធានី​ភ្នំ​ពេញ​មិនអាច​ទទួលយកបានទេ។ លោកបានមានប្រសាសន៍ថា៖ «[សាលក្រម] ទាំង​មូលមិនបាន​ពិចារណា​​លើច្បាប់អន្តរជាតិដែលចែងថា កូនក្តីរបស់ខ្ញុំមានសិទ្ធិទទួលបានការកាត់ក្តី​ដោយ​យុត្តិធម៌ ដែល​គាត់មិនបានទទួល»  

លោកបានគូស​បញ្ជាក់​ថា កម្ពុជាជាសមាជិកនៃអង្គការសហប្រជាជាតិ ហើយបាន​ផ្តល់​សច្ចាប័ន​លើកតិកាសញ្ញាអន្តរជាតិស្តីពីសិទ្ធិ​ស្មើ​ភាពគ្នា​ចំពោះមុខតុលា​ការ និងសាលាក្តី​​ និង​សិទ្ធិទទួលបានការកាត់ក្តីដោយយុត្តិធម៌។ ទោះ​ជា​​យ៉ាង​​ណា ពេល​កូន​ក្តី​របស់​លោក​ទាមទារ​ពិនិត្យ​មើល​មូលប្បទានបត្រ​ច្បាប់ដើម ដែលគេចោទប្រកាន់នោះ តុលាការ​មិន​ដែល​បាន​បង្ហាញ​​ភស្តុតាង​នោះ​ទេ។  

នៅ​ក្នុង​​តុលាការ លោក ថាច់ សេដ្ឋា ដែល​ស្លៀកពាក់ឯកសណ្ឋានអ្នកទោសពណ៌ទឹក​ក្រូច ត្រូវបានគេឃើញឈរម្នាក់ឯង។ លោក​បាន​​ស្នើ​សុំ​ក្រុម​​ប្រឹក្សា​ជំនុំជម្រះ​​តុលា​ការ​កំពូល​សម្រេច​​ឲ្យ​លោក​រួច​​ពី​បទ​ចោទ​ទាំង​អស់ ព្រោះ​លោក «មិន​ដែល​បាន​ចេញ​​មូលប្បទានប័ត្រ​ទាំងនោះ»ទេ​ក្នុង​ឆ្នាំ២០១៩នោះ​។  

លោកមានប្រសាសន៍ថា៖ «សូមបង្ហាញសែក​ពិត​ប្រាកដ​មក​ ប្រសិនបើវាជា​សែក​ពិតប្រាកដ​។ ខ្ញុំ [មិន​ជំទាស់​] ការ​ដែល​ត្រូវ​បាន​កាត់​ទោសនោះ​ទេ»  

លោក ជូ​ង ជូងី មេធាវី​ការ​ពារ​ម្នាក់​ទៀត​របស់​លោក ថាច់ សេដ្ឋា ​បាន​ស្នើ​សុំ​​ឲ្យ​​ចៅក្រម​ទម្លាក់​ចោលបទចោទ​ប្រឆាំង​​នឹង​​កូន​ក្តី​របស់​លោក ដោយ​សារ​មូលប្ប​ទាន​បត្រ​ ​«កូពី​»​ «មិន​អាច​យក​មក​ធ្វើ​ជា​ភស្តុតាង​បានទេ​»។ លោក​បាន​​មាន​ប្រសាសន៍​​ថា៖​ «វា​ជា​កំហុស​​ ការយក​​សែក​កូពី​​ធ្វើ​ជា​ភ័ស្តុតាង​ ព្រោះ​វា​ងាយ​ស្រួល​ក្នុង​ការ​ក្លែង​បន្លំ»  

សូមរំឮកថា លោក ថាច់ សេដ្ឋា ត្រូវបានចាប់ខ្លួនកាលពីខែមករាឆ្នាំមុន ដែល​តាម​​ចោទ​ពីបទ​ចេញ​សែកគ្មាន​សាច់ប្រាក់​នៅឆ្នាំ២០១៩។ លោកខកខាន​មិនបាន​បង្ហាញខ្លួន​នៅ​ចំពោះមុខ​ចៅក្រមស៊ើបសួរនៅឆ្នាំ២០២១ បន្ទាប់ពីដើមបណ្តឹង​ឈ្មោះ ហាយ​ វណ្ណរិន ដែល​ជា​ម្ចាស់ហាង​បញ្ចាំ រិន ឆាយ បានដាក់ពាក្យ​បណ្តឹង​​។ តាម​ចោទថា លោក វណ្ណរិន ​មាន​ទំនាក់ទំនង​ជំនួញ​ជាមួយ​គណបក្ស​ប្រ​ជា​ជន​កម្ពុជា​ដែល​ជាគណបក្ស​​កាន់​អំណាច។  

ទាំង​លោក ហាយ​ វណ្ណ​រិន និង​មេធាវី​របស់​លោក​មិន​មាន​វត្តមាន​ក្នុង​សវនាការ​ទេ​។ លោក វណ្ណរិន មិនអាចទាក់ទងសុំការអត្ថាធិប្បាយបានទេ ខណៈកញ្ញាមេធាវី ធី​ម​ សុភាព បដិសេធមិនធ្វើអត្ថាធិប្បាយជុំវិញ​មូលប្បទានបត្រច្បាប់ដើម ដោយបញ្ជាក់​សារជាថ្មីថា លិខិតរបស់ធនាគារពាណិជ្ជក្រៅប្រទេស​​«បានបញ្ជាក់យ៉ាងច្បាស់ថា លោក សេដ្ឋា មិនមានប្រាក់នៅក្នុងគណនីរបស់គាត់ទេ»  

លោក​ស្រី​ប្រាប់ ខេមបូចា ថា៖ «វាជានីតិវិធីរបស់តុលាការ ដូច្នេះខ្ញុំមិនអាចអត្ថាធិប្បា​​យ​លើ [មូលប្បទានប័ត្រដើ​ម​​] បា​​​​​​ន​ទេ​។​ ​វា​​​ជា​​​​ឆ​ន្ទា​នុ​សិ​ទ្ធិ​​​រ​ប​ស់​​​​តុ​លា​កា​រ​​»៕​

ប្រែសម្រួលពីអត្ថបទភាសាអង់គ្លេស៖ Supreme Court Hears Thach Setha’s Appeal Against Fake Checks, Verdict on May 31

1,963 views

ព័ត៌មានទាក់ទង

ព័ត៌មានថ្មីៗ

អត្ថបទពេញនិយម