សង្គមស៊ីវិល និងយុវជននៅតែចាំវីរភាពរបស់លោក កែម ឡី ៨ឆ្នាំក្រោយនៃឃាតកម្មលើរូបលោក
នាឱកាសប្រារព្ធខួបលើកទី៨នៃឃាតកម្មលើរូបលោក កែម ឡី ក្រុមសង្គមស៊ីវិលនិងសកម្មជនយុវជន បានប្រមូលផ្ដុំគ្នានៅឯស្ថានីយប្រេងឥន្ធនៈ កាល់តិច ជិតស្តុបបូកគោ ជាទីកន្លែងដែលឃាតកបានបាញ់សម្លាប់លោក កាលពីឆ្នាំ២០១៦ ។ ពួកគេបានដាក់កម្រងផ្កា ថ្លែងសុន្ទរកថា និងបានចូលរួមក្នុងពិធីសូត្រមន្តតាមទំនៀមទម្លាប់ពុទ្ធសាសនាដើម្បីរំឭកដល់មរណភាព ព្រមទាំងបន្តទាមទាររកយុត្តិធម៌ជូនលោក ។
