សកម្មជនបីរូបនៅខេត្តកំពង់ឆ្នាំងត្រូវបានតុលាការកោះហៅមកសាកសួរពីបទប៉ុនប៉ងឃាតកម្ម

អ្នកភូមិឡពាងទប់ទំនប់ដែលជាផ្នែកមួយនៃបឹងពោធិ៍ដើម្បីរក្សាទុកទឹក កាលពីឆ្នាំ២០២០។រូបភាពផ្តល់ឲ្យ

តុលាការ​ខេត្ត​កំពង់ឆ្នាំង​បាន​កោះហៅ​សកម្មជន​ដីធ្លី​បី​នាក់​ដើម្បី​មក​សាកសួរ​ជុំវិញ​ការ​ចោទប្រកាន់​ពី​បទ​ប៉ុនប៉ង​​ឃាតកម្ម និង​បទ​បំផ្លិចបំផ្លាញ​ដោយ​ចេតនា​ បន្ទាប់​ពី​ក្រុម​សកម្មជន​​នេះ​ត្រូវ​​បានចោទប្រកាន់​​ថា បាន​ប្រើប្រាស់​កាំបិត ​ដើម្បី​បំផ្លាញ​សំណាញ់​ ក្នុង​ឃុំ​តាជេស​ ស្រុក​កំពង់ត្រឡាច។ ក្រុម​សកម្មជន​នេះ​​បាន​លើកឡើង​ថា បឹង​ពោធិ៍​ជា​ផ្នែក​មួយ​នៃ​បឹង​អភិរក្ស បើ​ទោះ​បីជា​អាជ្ញាធរ​មូលដ្ឋាន​មិន​យល់ស្រប​ក៏​ដោយ។