
ជាងដេគ័របួននាក់ត្រូវបានចាប់ខ្លួនសង្ស័យធ្វេសប្រហែសបណ្តាលឱ្យឆេះខារ៉ាអូខេ និងសណ្ឋាគារ មួយកន្លែងក្នុងក្រុងភ្នំពេញ
ជាងដេគ័រ៤នាក់ត្រូវបានកម្លាំងនគរបាលខណ្ឌទួលគោកឃាត់ខ្លួននៅថ្ងៃទី២ ខែកក្កដា ដោយសង្ស័យបានធ្វេសប្រហែសបង្កឱ្យមានភ្លើងឆេះខារ៉ាអូខេ និងសណ្ឋាគារ ៦៩៦៩ ឃីស អ៊ីនធើធេនមេន ស្ថិតនៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ ដែលបណ្តាលឱ្យមនុស្សចំនួន៨បានស្លាប់កាលថ្ងៃទី១ ខែកក្កដា ឆ្នាំ២០២៣ យោងតាមសមត្ថកិច្ចប៉ូលិស។