សាររបស់លោក កឹម សុខា បង្ហាញថាសម្ព័ន្ធភាព រង្ស៊ី-សុខា បានបែកបាក់ ក្រោយសមាជបក្សភ្លើងទៀន

អតីតប្រធានគណបក្សសង្រ្គោះជាតិលោក សម រង្ស៊ី(រូបកណ្តាល) និងអនុប្រធាន លោក កឹម សុខា ស្វាគមន៍អ្នកគាំទ្រក្នុងអំឡុងពេលដំណើរវិលចូលមាតុភូមិវិញរបស់លោក សម រង្ស៊ីកាលពីឆ្នាំ២០១៣។ ខេមបូចា/ ព្រីង សំរាំង

អតីតប្រធានគណបក្សសង្រ្គោះជាតិដែលត្រូវបានរំលាយ លោក កឹម សុខា បានដាក់ខ្លួននៅឆ្ងាយពីអ្នកនយោបាយដែលកំពុងនិរទេសខ្លួន លោក សម រង្ស៊ី ដោយថា កឹម សុខា-សម រង្ស៊ី មិនមែនជាមនុស្សតែមួយនោះទេ។ លោក កឹម សុខា បានលើកឡើងថាការវិលត្រលប់មកវិញនៃគណបក្សភ្លើងទៀនរបស់លោក សម រង្ស៊ី ជាសញ្ញានៃការបែកបាក់មួយរវាងមេដឹកនាំបក្សប្រឆាំងទាំងពីររូបនេះ។