គ្មានបក្សប្រឆាំងដែលគួរឲ្យជឿទុកចិត្ត គណបក្សតូចៗត្រៀមខ្លួន សម្រាប់ការបោះឆ្នោតដែលគ្មានលក្ខណៈប្រកួតប្រជែង

អ្នកដំណើរបើកាត់ខាងមុខទីស្នាក់ការរបស់គណបក្សឆន្ទៈខ្មែរ នៅរាជធានីភ្នំពេញ កាលពីថ្ងៃទី១២ ខែកក្កដាឆ្នាំ២០២១។ ខេមបូចា/ ព្រីង សំរាំង

លោក អ៊ូ ច័ន្ទរ័ត្ន ជាស្ថាបនិកគណបក្សកំណែទម្រង់កម្ពុជា (CRP) ដែលទើបបង្កើតថ្មី និងជាអតីតតំណាងរាស្រ្តគណបក្សសង្រ្គោះជាតិ (CNRP) បានថ្លែងថា អាជ្ញាធរបាន សួរនាំមន្ត្រីគណបក្សរបស់លោកម្តងហើយម្តងទៀត ខណៈពេលពួក គាត់ប្រមូលស្នាមមេដៃ ដើម្បីដាក់ជូនក្រសួងមហាផ្ទៃ ដើម្បី​ឲ្យ​គណបក្សនេះអាចចូលរួមប្រកួតប្រជែងការបោះឆ្នោតឃុំ​សង្កាត់នាពេលខាងមុខបាន។