អ្នកនេសាទសមុទ្រតំបន់ក្តាតត្អូញត្អែរពីផលនេសាទថយចុះដោយសារមានទូកនេសាទជនជាតិវៀតណាមប្រើឧបករណ៍ខុសច្បាប់ច្រើន
ក្តាតគឺជាកន្លែងប្រមូលផ្តុំទូកនេសាទធំមួយ ដែលប្រជាជនតំបន់នេះមានមុខរបរនេសាទសមុទ្រដើម្បីចិញ្ចឹមជីវិតយ៉ាងសម្បូរសប្បាយតាំងពីយូរមកហើយ ប៉ុន្តែពីរឆ្នាំចុងក្រោយនេះ ផលនេសាទសមុទ្របានធ្លាក់ចុះធ្វើឱ្យប៉ះពាល់ជីវភាពពួកគាត់យ៉ាងខ្លាំង។ ប្រជានេសាទលើកឡើងថា ផលនេសាទធ្លាក់ចុះនេះដោយសារតែ មានទូកនេសាទខុសច្បាប់ជនជាតិវៀតណាម ជាច្រើនបានចូលមកនេសាទក្នុងដែនសមុទ្រខ្មែរដោយគ្មានខ្លាចញញើត។
