សមាគមសម្ព័ន្ធអ្នកសារព័ត៌មានកម្ពុជា
KH | EN

Tag: ជម្លោះដីធ្លី

លោក កើត សារ៉ាយ ប្រធានសមាគមសម្ព័ន្ធនិស្សិតបញ្ញវន្តខ្មែរ បានដាក់ញត្តិនៅព្រះបរមរាជវាំង កាលពីថ្ងៃទី២៩ ខែមីនា ឆ្នាំ២០២៣។ (ខេមបូចា/ ព្រីង សំរាំង)

សាលាដំបូងរាជធានីភ្នំពេញ បានផ្តន្ទាទោសលោក កើត សារ៉ាយ ចំនួន៤ឆ្នាំក្នុងពន្ធនាគារ

សាលាដំបូងរាជធានីភ្នំពេញ នៅព្រឹកថ្ងៃទី៦ ខែវិច្ឆិកា បានផ្តន្ទាទោសលោក កើត សារ៉ាយ ប្រធានសមាគមសម្ព័ន្ធនិស្សិតបញ្ញវន្តខ្មែរ (KSILA) ឱ្យជាប់ពន្ធធនាគារ៤ឆ្នាំ និងពិន័យជាប្រាក់ចំនួន២លានរៀល ពីបទញុះញង់ និងបទមិនរាងចាលក្នុងបទល្មើសមជ្ឈឹម។
ពលរដ្ឋទាំង៤នាក់ ពេលមកតុលាការកំពូល កាលពីថ្ងៃទី៧ ខែតុលា ឆ្នាំ២០២៤។(រូបគេផ្តល់ឱ្យ)

តុលាការកំពូលសម្រេចទម្លាក់បទចោទលើពលរដ្ឋស្រុកតំបែរ៤នាក់ ពាក់ព័ន្ធ​ករណីវិវាទដីធ្លីជាមួយក្រុមហ៊ុនចិន

តុលាការកំពូលនៅថ្ងៃទី​១៤ ​ខែ​តុលា ​ឆ្នាំ២០២៤នេះ បាន​សម្រេចទម្លាក់បទចោទលើពលរដ្ឋស្រុកតំបែរ៤នាក់​ពាក់​ព័ន្ធ​នឹង​ករណី​វិវាទ​ដីធ្លី​ជាមួយក្រុមហ៊ុន​ចិន តាមបណ្ដឹងសារទុក្ខរបស់ពួកគេ ដែល​សំណុំរឿងនេះ​ត្រូវ​បាន​សាលាឧទ្ធរណ៍ខេត្ដត្បូងឃ្មុំ​សម្រេច​តម្កល់សាល​ក្រម​សាលា​ដំបូង ។
លោក វិទិត ម៉ុនតាបន អ្នក​រាយការណ៍ពិសេសអង្គការសហប្រ​ជា​ជាតិ ថ្លែងទៅកាន់អ្នកសារព័ត៌មាន បន្ទាប់ពីប្រមូលព័ត៌មានអំពីស្ថានភាពសិទ្ធិមនុស្សនៅកម្ពុជា ថ្ងៃទី២៦ ខែកក្កដា ឆ្នាំ២០២៤។ (ខេមបូចា)

លំហ​​ពលរដ្ឋ​ សិទ្ធិមនុស្ស និងដំណើរការបោះឆ្នោតស្ថិត​ក្នុងចំណោម​កង្វល់សំខាន់ៗចំនួនប្រាំបួនរបស់អ្នករាយការណ៍ពិសេសអង្គការ​សហប្រជាជាតិ

លោក វិទិត ម៉ុនតាបន (Vitit Muntarbhorn) អ្នករាយការណ៍ពិសេសរបស់អង្គការសហប្រជាជាតិទទួល​បន្ទុកស្ថានភាព​សិទ្ធិមនុស្សនៅកម្ពុជា មានប្រសាសន៍ថា លំហនយោ​បា​យ និងពលរដ្ឋ និងសិទ្ធិជនជាតិដើមភាគតិចនៅតែត្រូវបាន​រឹតត្បិត​នៅឡើយ បើទោះជារដ្ឋាភិបាលថ្មី នៅពេលនេះ ត្រូវបានដឹកនាំដោយមនុស្សជំនាន់ថ្មីក៏ដោយ។ លោក​ក៏​បាន​មាន​ប្រសាសន៍​ផង​ដែរ​ថា ការបោះឆ្នោត​កន្លងមក​ស្ថិតនៅ​«ឆ្ងាយ​ពី​ភាព​សេរី និង​យុត្តិធម៌»។  
ពលរដ្ឋព្យាយាមឃាត់អាជ្ញាធរខណ្ឌព្រែកព្នៅមិនឱ្យសង់ប្រឡាយរំដោះទឹកជំនន់ ដែលនឹងប៉ះពាល់ដល់ផ្ទះ តូបលក់ដូរ និងតំបន់នេសាទត្រីរបស់ពួកគេ កាលពីថ្ងៃទី២៧ ខែកុម្ភៈ ឆ្នាំ២០២៤ ។ (ខេមបូចា/ផុន សុទ្ធីរ័ត្ន)

តុលាការចេញដីកា​មួយទៀត​បង្គាប់​​​ឱ្យ​ពលរដ្ឋ​បឹងតាមោក​ចូលខ្លួន​បំភ្លឺ​ជុំវិញ​ឧបទ្ទវហេតុ​ជីកប្រឡាយ

ពលរដ្ឋរស់នៅតំបន់​បឹងតាមោក ៩នាក់ បានទទួល​ដីកា​បង្គាប់​ឱ្យចូលខ្លួន​មួយទៀត កាលពីថ្ងៃអង្គារ ពី​សាលាដំបូងរាជធានីភ្នំពេញ ជុំវិញ​ដំណើររឿង​ហិង្សា​ដោយ​ចេតនា​និង​«បទប្រឆាំងនឹង​អ្នករាជការសាធារណៈ» ទាក់ទងនឹង​ហេតុការណ៍មួយ​ពាក់ព័ន្ធនឹង​ការជីក​ប្រឡាយ ដែលបាន​កើតឡើង​កាលពីខែកុម្ភៈ ។ ក្នុងចំណោមពលរដ្ឋទាំងនេះ មានអ្នកខ្លះ​បានទទួល​ដីកា​បង្គាប់​ឱ្យចូលខ្លួន​​ជាច្រើនលើក​​ពាក់ព័ន្ធនឹងបញ្ហាខុសៗគ្នា ។
សហគមន៍ជនជាតិដើមភាគតិចកួយធ្វើពិធីបួងសួងសុំសេចក្តីសុខនិងដំណោះស្រាយដោយសន្តិវិធីចំពោះវិវាទដីធ្លី ថ្ងៃទី០១ ខែកុម្ភៈ ឆ្នាំ២០២៤។ (រូបភាពហ្វេសប៊ុករបស់លោក ពាន សុផាត)

សហគមន៍ជនជាតិដើមភាគតិចកួយដែលរងការវាយដំជុំវិញវិវាទដីធ្លី សុំឲ្យអាជ្ញាធរផ្តល់យុត្តិធម៌

សហគមន៍ជនជាតិដើមភាគតិចកួ​យនៅភូមិបុស្ស និងភូមិប្រើស​ក្អក​ ឃុំម្លូព្រៃ២ ស្រុកឆែប ខេត្តព្រះវិហារទទូច​ឱ្យអាជ្ញាធរជួយរកយុត្តិធ៌មជូន​ពួកគាត់​ បន្ទាប់ពីត្រូវ​បានបុរសមួយក្រុមវាយធ្វើបាប។ អ្នក​ភូមិ​សង្ស័យ​ថា ​ពួកគេ​គឺ​ជា​កម្មករ​ចម្ការ​អំពៅ​ដែល​បាន​បំផ្លាញ​ដីស្រែ​ចម្ការរបស់​ពួកគាត់​។ 
ប្រជាពលរដ្ឋនៅក្បែរព្រលានយន្តហោះភ្នំពេញថ្មី ប្រមូលផ្តុំគ្នាឲ្យពន្លឿនការដោះស្រាយសំណងដីធ្លី កាលពីថ្ងៃទី២៩ ខែសីហា ឆ្នាំ២០២៣។ (រូបភាពផ្តល់ឲ្យ)

ប្រជាពលរដ្ឋនៅក្បែរ​ព្រលានយន្តហោះភ្នំពេញថ្មី ស្នើឲ្យអាជ្ញាធរ​ពន្លឿនការ​​ដោះស្រាយ​សំណង​សម្រាប់ដីរបស់ពួកគាត់

ប្រជាពលរដ្ឋប្រមាណ៨០នាក់ បានប្រមូលផ្តុំគ្នាកាលពីថ្ងៃអាទិត្យ នៅក្បែរ​ទីតាំង​ដី ដែលត្រូវបានរៀប​ចំ​ទុក​សម្រាប់គម្រោង​សាងសង់​អាកាសយានដ្ឋានអន្តរជាតិតេជោតាខ្មៅថ្មី ដែលបច្ចុប្បន្នកំពុងដំណើរ​ការ​សាងសង់ ដោយពួកគាត់​​អំពាវនាវឱ្យអាជ្ញាធរពន្លឿនដំណើរការដោះស្រាយ នេះបើយោងតាមការ​លើក​ឡើង​របស់​តំណាងសហគមន៍។
ទិដ្ឋភាពពីលើអាកាសនៃភ្នំរ៉ាដាង បន្ទាប់ពីអ្នកទិញធ្វើការឈូសឆាយនៅឆ្នាំ២០២០។ រូបភាពផ្តល់ឲ្យ

«ប្រគល់​ភ្នំជំនឿរបស់យើងមក​វិញ»៖ ​​ជនជាតិដើម​ភាគតិចនៅមណ្ឌលគិរីបន្តការតស៊ូរយៈពេលបួនឆ្នាំ ដើម្បីទាមទារដីដែល​គេ​លក់​ដោយ​ខុសច្បាប់មកវិញ

រ៉ាដាង​គឺ​ជា​ភ្នំជំនឿ​មួយ ​ដែល​​ស្ថិតនៅ​​ក្នុង​​ដី​សហគមន៍​ជនជាតិ​ដើម​ភាគតិច​ពូនង ក្នុង​ភូមិ​ពូ​លូង សង្កាត់រម​នា​ ក្រុង​​សែនមនោរម្យ ខេត្ត​មណ្ឌលគិរី។ អ្នក​ភូមិ​តែង​តែ​ប្រា​រព្ធ​ពិធី​នៅលើ​​ភ្នំនេះ ​ដោយ​រៀប​តង្វាយ​សែនព្រេន​អ្នក​តា​ ​ជា​សកម្មភាព​ដែល​មាន​ជា​យូរ​មក​ហើយ។
ប្រឡាយទឹកទទឹង២ម៉ែត្រដែលជីកដោយក្រុមហ៊ុនអភិវឌ្ឍន៍ព្រលានយន្តហោះថ្មីកាលពីឆ្នាំ២០២១ ដែលកាត់ផ្ដាច់ផ្លូវចេញចូលរបស់កសិករទៅក្នុងដីស្រែចម្ការរបស់ពួកគេ ។ រូបថតនៅថ្ងៃទី៦ ខែធ្នូ ឆ្នាំ២០២៣ (ខេមបូចា / ផុន សុទ្ធីរ័ត្ន)

កសិករ​ខេត្តតាកែវ​អាក់អន់ចិត្ត​នឹង​សំណងថ្លៃដី១ដុល្លារក្នុង១ម៉ែត្រការ៉េ​ពី​ក្រុមហ៊ុន​អភិវឌ្ឍន៍ព្រលានយន្តហោះថ្មី

កសិករជិត ១០០នាក់​នៅក្នុងស្រុក​បាទី ដែលដីរបស់ពួកគាត់​ត្រូវបាន​យកទុកសម្រាប់ការអភិវឌ្ឍ​គម្រោង​ព្រលាន​យន្តហោះ​អន្តរជាតិ​តេជោ តាខ្មៅ ដែលមានតម្លៃ​ ១,៥ពាន់លានដុល្លារ កំពុងនាំគ្នា​អំពាវនាវ​ដល់​រដ្ឋាភិបាលថ្មី​ដើម្បីរក​ដំណោះស្រាយ​ចំពោះការបាត់បង់មុខរបរ​ចិញ្ចឹមជីវិត ​បន្ទាប់ពី​ក្រុមហ៊ុន​វិនិយោគទុន​អាណិកជន​កម្ពុជា (OCIC) របស់​មហាសេដ្ឋី​ ពុង ឃាវសែ បានជីកប្រឡាយធ្វើព្រំដី ។ ពួកគេ​អះអាងថា ការស្វែងរក​ដំណោះស្រាយ​ពី​អាជ្ញាធរ​មូលដ្ឋាន​ចំពោះបញ្ហា​នេះដែល​បានអូសបន្លាយពេល​អស់​ពីរឆ្នាំ គឺពុំមានប្រសិទ្ធភាពឡើយ ។ ​

ព័ត៌មានថ្មី

អត្ថបទពេញនិយម