Tag: តំណាងពលរដ្ឋ

សាលាដំបូងខេត្ដសៀមរាបសម្រេចឃុំខ្លួនពលរដ្ឋម្នាក់បណ្ដោះអាសន្ននៅថ្ងៃទី៦ ខែកក្កដា ក្រោយពីក្រុមទាហានភាគភូមិ៤ និងមន្ត្រីបរិស្ថានបានចាប់ខ្លួនកាលពីថ្ងៃទី៥ ខែកក្កដា ឆ្នាំ២០២៤ ដោយចោទប្រកាន់ថា រុករាន កាប់ឆ្ការ ឈូសឆាយដីព្រៃដើម្បីយកដីធ្វើជាកម្មសិទ្ធិស្ថិតនៅភូមិឃុំកន្ទួត ស្រុកស្វាយលើ ខណៈសង្គមស៊ីវិល និងក្រុមគ្រួសារថា​ ការប្រើប្រព័ន្ធតុលាការមិនអាចដោះស្រាយវិវាទដីធ្លីបាននោះទេ។

ពលរដ្ឋ៤៨នាក់តំណាងឱ្យពលរដ្ឋ ១ ៣១៨គ្រួសារនាំគ្នាដាក់ញត្ដិស្នើឱ្យស្ថាប័នថ្នាក់ជាតិមួយចំនួននៅថ្ងៃទី១៩ ខែមិថុនា ឱ្យអន្ដរាគមន៍កាត់ឆ្វៀលដីចំនួន​៥០០ហិកតាមកវិញ ព្រោះពួកគេបានអាស្រ័យផលតាំងពីឆ្នាំ២០០៨ ដោយពួកគេអះអាងថា ក្រុមហ៊ុនពីរបានហ៊ុំព័ទ្ធ​យក ខណៈអ្នកឃ្លាំមើលបញ្ហានេះយល់ថា រដ្ឋាភិបាលត្រូវពិនិត្យ ឱ្យបានច្បាស់លាស់មុននឹងផ្ដល់ឱ្យក្រុមហ៊ុនឯកជន​វិនិយោគ​។

ពលរដ្ឋ១០នាក់ជាតំណាងពលរដ្ឋ៧១១គ្រួសារមកពីខេត្ដឧត្ដរមានជ័យបាននាំគ្នាឡើងមក​ដាក់ញត្ដិនៅក្រសួងរៀបចំដែនដី នគរូបនីយកម្ម និងសំណង់ ដើម្បីឱ្យក្រសួង​ជួយអន្ដរាគមន៍​លើ​បញ្ហាដីធ្លីរបស់ពួកគេ ខណៈពួកគេថា កំពុងធ្លាក់ខ្លួនក្នុងវិបត្ដិបំណុលដែលប៉ះពាល់ដល់​ជីវភាព និង​ប្រឈម​បញ្ហាផ្សេងៗ កាលពីថ្ងៃទី២០ ខែមីនា ឆ្នាំ២០២៤។