អ្នកសារព័ត៌មានកម្ពុជារិះគន់ការយាយីរបស់រដ្ឋាភិបាល អំឡុងទិវាសេរីភាពសារព័ត៌មានពិភពលោក
ក្រុមសង្គមស៊ីវិលនិងសមាគមសារព័ត៌មានមួយចំនួនបានអះអាងនៅថ្ងៃទិវាសេរីភាពសារព័ត៌មានពិភពលោកថា សេរីភាពសារព័ត៌មាននៅកម្ពុជានៅតែអាក្រក់ ដោយសារការបន្តបង្រ្កាបរបស់រដ្ឋាភិបាលលើប្រព័ន្ធផ្សព្វផ្សាយឯករាជ្យ ដែលរួមមានការគំរាមកំហែង អំពើហិង្សានិងការចាប់អ្នកសារព័ត៌មានដាក់ពន្ធនាគារ។ ប៉ុន្តែអ្នកនាំពាក្យក្រសួងព័ត៌មានបានច្រានចោលការចោទប្រកាន់នេះ ដោយអះអាងថាសារព័ត៌មាននៅកម្ពុជាបន្តប្រតិបត្តិការដោយសេរីនិងរលូន។
