មនុស្សចាស់មួយចំនួនត្រូវរស់នៅក្នុងស្ថានភាពដ៏គួរឱ្យសង្វេគ ខណៈរដ្ឋាភិបាលមិនទាន់បង្កើតមណ្ឌលថែទាំមនុស្សចាស់
លោកយាយ ឡុង សម្បូរ អាយុ៨៧ឆ្នាំដែលមានជំងឺឈឺចង្កេះងើបមិនរួចត្រូវបានគេយកទៅដាក់ចោលនៅក្នុងវត្តមួយនៅខេត្តត្បូងឃ្មុំ ខណៈលោកតា អ៊ុង នាង អាយុ៧០ឆ្នាំកំពុងរស់នៅតែលតោលគ្មានទីពឹង គ្មានទីស្នាក់អាស្រ័យពិតប្រាកដ ចាប់តាំងពីភរិយារបស់គាត់គឺលោកយាយ ឌុក សាខន អាយុ៧៣ឆ្នាំបានស្លាប់កាលពីជិត២ឆ្នាំមុនបន្ទាប់ពីរស់នៅក្នុងជីវភាពក្រតោកយ៉ាកដ៏គួរឱ្យសង្វេគហូបព្រឹកខ្វះល្ងាច។
