
ក្រសួងការងារអន្តរាគមន៍បញ្ជូនពលការិនី២៦នាក់ត្រឡប់មកផ្ទះវិញ ក្រោយជាប់គាំងនៅអារ៉ាប៊ីសាអូឌីតជាច្រើនខែ
ពលការិនីចំណាកស្រុក ២៦នាក់ ដែលគេអះអាងថាបានធ្វើការងារច្រើនម៉ោងដោយពុំមានអាហារហូបគ្រប់គ្រាន់នោះ ឥឡូវ បានវិលត្រឡប់មកដល់មាតុប្រទេសវិញហើយ បន្ទាប់ពីជាប់គាំងរយៈពេល៤ខែនៅក្នុងប្រទេសអារ៉ាប៊ីសាអូឌីត ។ ចំណែកពលការិនី៤នាក់ផ្សេងទៀតកំពុងស្ថិតនៅទីនោះនៅឡើយ ប៉ុន្តែ នឹងត្រូវបញ្ជូនមកវិញក្នុងពេលឆាប់ៗ ។