ពលរដ្ឋប្រាំភូមិនៅតំបន់អង្គរទន្ទឹងរង់ចាំផ្លូវចាក់បេតុងជាង៣០ឆ្នាំមកហើយ
ផ្លូវមួយខ្សែចាប់ពីផ្លូវវង់ធំទី២ក្បែរប្រាសាទនាគព័ន្ធដែលកាត់ចំកណ្តាលឃុំលាងដៃនៃស្រុកអង្គរធំ នៅពេលមានរថយន្តបើកឆ្លងកាត់ម្តងៗបណ្តាលឱ្យដីហុយប៉ះពាល់ដល់ការរស់នៅរបស់ពលរដ្ឋក្នុងតំបន់នោះ និងខែភ្លៀងបែកភក់ពិបាកធ្វើដំណើរនៅផ្នែកខ្លះនៃផ្លូវ។ ប្រជាសហគមន៍អះអាងថា បញ្ហានេះក៏ធ្វើឱ្យបាត់បង់សម្រស់ភូមិបុរាណក្នុងតំបន់អង្គរ និងប៉ះពាល់ដល់អារម្មណ៍ភ្ញៀវទេសចរផងដែរ។
