សៀវភៅដែលដាក់ឱ្យអានដោយមិនគិតថ្លៃនៅសួនមុខវត្តបទុមមានការចាប់អារម្មណ៍ច្រើន ខណៈពេលខ្លះក៏ត្រូវសន្តិសុខសួនដេញ
នាពេលរសៀលថ្ងៃជ្រេរាងត្រជាក់បន្តិចមានមនុស្សម្នាកំពុងតែអង្គុយអានសៀវភៅដែលដាក់នៅសួនវត្តបទុមវតីដោយមានសៀវភៅតំរៀបជាជួរមានរបៀបរៀបរយ យុវតីម្នាក់មានសក់ខ្មៅទឹករលក និងបង់កក្រមា ដោយទឹកមុខញញឹមញញែម គឺកញ្ញា ឆែម ស្រីគា អាយុ២០ឆ្នាំ បានរៀបរាប់ប្រាប់ថា ពេលទំនេរពីការសិក្សា និងធ្វើការ គាត់បានឆ្លៀតពេលរៀងរាល់ចុងសប្តាហ៍ដាក់តាំងសៀវភៅ ប៉ុន្តែក៏មានការដេញមិនឱ្យដាក់ពីសន្តិសុខសួនពីរបីដងផងដែរ។
