រដ្ឋមន្ត្រីការបរទេសចិនប្រគល់ពហុកីឡាដ្ឋានតម្លៃ១៥០លានដុល្លារដល់កម្ពុជា ហើយសន្យាផ្ដល់ជំនួយបន្ថែម២៧០លានដុល្លារ

លោកនាកយករដ្ឋមន្ត្រីហ៊ុន សែន ដើរក្បែរលោក វ៉ាង យី រដ្ឋមន្ត្រីការបរទេសចិន ពេលចូលរួមកម្មវិធីប្រគល់-ទទួលពហុកីឡាដ្ឋានជាតិមរតកតេជោ នៅភ្នំពេញ ថ្ងៃទី១២ ខែកញ្ញា ឆ្នាំ២០២១។ Tang Chhin Sothy/Pool

រដ្ឋមន្ត្រីការបរទេស​ចិន លោក វ៉ាង យី កាល​ពី​ថ្ងៃអាទិត្យ បាន​សន្យា​​ផ្ដល់​ជំនួយ​២៧០​លាន​ដុល្លារ និង​វ៉ាក់សាំង​បង្ការ​កូវីដ-១៩ ចំនួន​បី​លាន​ដូស​ បន្ថែម​ទៀត​ដល់​កម្ពុជា​។ លោក ក៏បាន​ចូលរួម​ប្រគល់​ពហុកីឡាដ្ឋាន​ជាតិ​មរតកតេជោ ទើប​សាង​សង់​រួច មាន​តម្លៃ​ប្រមាណ​១៥០​លាន​ដុល្លារ ដែល​នេះ​ជា​ជំនួយ​ផ្នែក​ហេដ្ឋារចនា​សម្ព័ន្ធ​ធំបំផុត​របស់​ចិន​សម្រាប់​កម្ពុជា​។​