តុលាការផ្តន្ទាទោសសកម្មជនយុវជននិងអតីតមន្ត្រីគណបក្សសង្គ្រោះជាតិសរុប១៤នាក់ពីបទញុះញង់

ឈឿន ដារ៉ាវី សកម្មជនក្រុមយុវជនខ្មែរថាវរៈនិងជនជាប់ចោទផ្សេងទៀតមកដល់សាលាដំបូងរាជធានីភ្នំពេញ ដើម្បីស្តាប់ការប្រកាសសាលក្រមនៅថ្ងៃទី២៦ ខែតុលា ឆ្នាំ២០២១។ ខេមបូចា/ ព្រីង សំរាំង

សកម្មជន​ចំនួន១៤​នាក់​ដែល​ត្រូវ​បាន​ចាប់​ខ្លួន និងរត់គេចខ្លួន​កាល​ពី​ឆ្នាំ​មុន​ពី​បទ​រៀបចំ​ការ​តវ៉ា​គាំទ្រ​លោក រ៉ុង ឈុន មេដឹកនាំសហជីពដែល​ជាប់​ពន្ធនាគារ​ត្រូវ​បាន​ផ្តន្ទាទោស​កាលពី​ថ្ងៃ​អង្គារ​ពី​បទ​ញុះញង់។

ក្រុមយុវជនបដិសេធការចោទប្រកាន់ពីបទញុះញង់ បន្ទាប់ពីតវ៉ាប្រឆាំងនឹងការចាប់ខ្លួនលោក រ៉ុង ឈុន

ឈឿន ដារ៉ាវី សកម្មជននៃក្រុមយុវជនខ្មែរថាវរៈមកដល់សាលា ដំបូងរាជធានីភ្នំពេញ ដើម្បីចូលរួមសវនាការនៅថ្ងៃទី២៧ ខែកក្កដា ឆ្នាំ២០២១។ ខេមបូចា/ ព្រីង សំរាំង

សកម្មជនយុវជនចំនួន៤នាក់ជាសមាជិកនៃក្រុមយុវជនខ្មែរថាវរៈនិងសមាគមសម្ព័ន្ធនិស្សិតបញ្ញវន្តខ្មែរ ដែលត្រូវបានចាប់ខ្លួនកាលពីឆ្នាំមុននិងត្រូវបានចោទប្រកាន់ពីបទញុះញង់ឲ្យមានការតវ៉ាប្រឆាំងនឹងការចាប់ខ្លួនមេដឹកនាំសហជីពបានអះអាងថា ខ្លួន គ្មានកំហុស អំឡុងសវនាការនៅសាលាដំបូងរាជធានីភ្នំពេញកាលពីថ្ងៃអង្គារ ជាផ្នែកមួយនៃសំណុំរឿងដែលធ្វើឲ្យសកម្មជនសិទ្ធិមនុស្សចាត់ទុកថា ជារឿងនយោបាយ។