រដូវធ្វើប្រហុក៖ តម្លៃត្រីប្រហុកធ្លាក់ចុះ ខណៈបរិមាណត្រីបឹងទន្លេសាបនៅតែបន្តធ្លាក់ចុះ

បុរសម្នាក់ប្រមូលទិញត្រីនៅតាមដងទន្លេសាប ក្នុងខេត្តកណ្ដាល ដើម្បីធ្វើជាប្រហុក កាលពីថ្ងៃទី១៤ ខែធ្នូ ឆ្នាំ២០២១។ ខេមបូចា/ ព្រីង សំរាំង

ប្រហុកជា​ប្រភេទ​អាហារ​ផ្អាប់​ដ៏​ពេញ​និយម​​ក្នុង​ការ​ទទួល​ទាន​សម្រាប់​ប្រ​ជា​ពល​រដ្ឋ​កម្ពុជា ហើយ​ប្រហុក​ក៏​ជា​គ្រឿង​ផ្សំ​មួយ​ក្នុង​អាហារ​ជាច្រើន​មុខ​ផ្សេង​ទៀត​របស់​ខ្មែរ​ផង​ដែរ​។ ប៉ុន្តែ​ឆ្នាំ​នេះ បរិមាណ​ត្រី​ដែល​ចាប់បាន​នៅ​តាម​ដង​ទន្លេ​សាបនៅ​តែបន្ត​ធ្លាក់​ចុះ ដែល​ការធ្លាក់​ចុះ​នេះ​ត្រូវ​គេ​លើក​ឡើង​ថា​មកពី​ការ​កសាង​ទំនប់​វារីអគ្គិសនី​ធំៗ​ជាច្រើន​នៅ​តាម​ដង​ទន្លេង​មេគង្គ ក៏​ដូច​ជា​បញ្ហា​បម្រែ​បម្រួល​អាកាស​ធាតុ​​ផង​ដែរ​។​