
អតីតមេដឹកនាំសហជីព រឿន កូលាប បន្តទាមទាររកយុត្តិធម៌ ក្រោយបណ្តេញចេញពីការងារអស់រយៈពេលមួយឆ្នាំ
បន្ទាប់ពីជាប់ឆ្នោតជាប្រធានសហជីព អ្នកស្រី រឿន កូលាប ត្រូវបានរោងចក្របញ្ឈប់ពីការងារ កាលពីថ្ងៃទី៣០ ខែមិថុនា ឆ្នាំ២០២៣។ ដោយគិតមកទល់ពេលនេះ គឺមានរយៈពេលមួយឆ្នាំមកហើយ ចាប់តាំងពីអ្នកស្រី បានចាប់ផ្តើម និងបន្តស្វែងរកយុត្តិធម៌ និងទោះបីជាមានការអន្តរាគមន៍ពីក្រសួងការងារ និងបណ្តុះបណ្តាលវិជ្ជាជីវៈយ៉ាងណាក៏ដោយ ក៏ភាគីរោងចក្របានបដិសេធយកអ្នកស្រី ឱ្យចូលធ្វើការដូចដើមវិញដែរ។