Tag: លោក​ ហ៊ុន សែន

ខួបលើកទី៤៦នៃថ្ងៃ «៧ មករា» ឬ «ទិវាជ័យជម្នះ» ដើម្បីរំលឹកដល់ការបញ្ចប់របបប្រល័យពូជសាសន៍ខ្មែរក្រហម។ លោក ហ៊ុន សែន ប្រធាន​គណបក្ស​ប្រជាជន​កម្ពុជា មាន​មោទនភាព​ចំពោះ​រដ្ឋាភិបាល​ថ្មី​ដែល​ដឹកនាំ​ដោយ​កូនប្រុស​ច្បង​របស់​លោក គឺលោក ហ៊ុន ម៉ាណែត បង្ហាញ​ស្នាដៃ​ដ៏​អស្ចារ្យ​ជាមួយ​នឹង​ការ​អភិវឌ្ឍ ជាពិសេស​ទាក់ទង​នឹង​កំណើន​សេដ្ឋកិច្ច និង​ស្ថិរភាព​នយោបាយ។ លោកថ្លែង​ថា ដំបូង​ឡើយ លោក​យល់​ចិត្ត​សាធារណជន​ជុំវិញ​ការ​ព្រួយ​បារម្ភ​អំពី​ការ​ផ្ទេរ​អំណាច។

លោក ហ៊ុន សែន ប្រធានព្រឹទ្ធសភា បានយល់ព្រមដក​​ពាក្យ​បណ្តឹងប្រ​ឆាំងលោក ជា ប៉ូច មេដឹកនាំជាន់ខ្ពស់​គណបក្សភ្លើងទៀន បន្ទាប់ពីលោកបានប្រ​កាសផ្តាច់ខ្លួនពីលោក សម រង្ស៊ី អតីតមេដឹកនាំគណបក្សប្រឆាំង ដែលគាំទ្រលទ្ធិប្រ​ជាធិបតេយ្យ។

រដ្ឋសភានឹងបោះឆ្នោតផ្តល់សេចក្តីទុកចិត្តលើការតែងតាំងរដ្ឋមន្ត្រីក្រសួងមុខងារ​សាធារណៈ លោក ហ៊ុន ម៉ានី ដែលជាកូនប្រុសពៅ​អតីតនាយករដ្ឋមន្ត្រី ឱ្យក្លាយជាឧបនាយករដ្ឋមន្ត្រី នៅថ្ងៃ​ទី២១ ខែកុម្ភៈ ឆ្នាំ២០២៤​​ យោងតាមសេចក្តីប្រកាសព័ត៌មានរបស់រដ្ឋសភា។

អតីតលោកនាយករដ្ឋមន្ត្រី ហ៊ុន សែន ថ្លែងក្នុងសន្និសីទសារព័ត៌មានថា ប៉ុន្មានថ្ងៃមុនមានអ្នកប្រមាថ និង​ប៉ុនប៉ងសម្លាប់រូបលោក និងកូនរបស់លោក ហើយលោកទាមទារឱ្យមានការដោះស្រាយពី​ក្រុមហ៊ុន​ហ្វេសប៊ុក ខណៈអ្នកវិភាគ​មិន​អាច​សន្និដ្ឋានថារឿងរ៉ាវនេះជាការពិត ឬយ៉ាងណាទេ។