រដ្ឋាភិបាលចាប់ផ្ដើមចាក់វ៉ាក់សាំងបង្ការកូវីដ១៩ដល់កុមារអាយុ១២ឆ្នាំឡើង ព្រមទាំងប្រកាសចាក់ដូសទី៣ដល់ពលរដ្ឋ

កុមារអាយុចន្លោះពី១២ទៅ១៧ឆ្នាំ ទទួលវ៉ាកសាំងបង្ការកូវីដ១៩ ដូសទី១ ប្រភេទស៊ីណូវ៉ាក់ នៅភ្នំពេញថ្ងៃទី១ ខែសីហា ឆ្នាំ២០២១។ ខេមបូចា/ ព្រីង សំរាំង

រាជរដ្ឋាភិបាលកម្ពុជា​កាលពី​ថ្ងៃអាទិត្យ​បាន​ចាប់​ផ្ដើម​យុទ្ធ​នាការ​ចាក់វ៉ាក់សាំង​បង្ការកូវីដ១៩ ដល់​កុមារ​មានអាយុ​ចន្លោះពី​១២ ទៅ​១៧​ឆ្នាំ ដោយ​ផ្ដើម​ពីទីក្រុង​ភ្នំពេញ ព្រម​ជាមួយ​គ្នា​នោះដែរ លោក​នាយក​រដ្ឋ​មន្ត្រី ហ៊ុន សែន បាន​ប្រកាស​ថា​នៅ​ពេល​ឆាប់ៗ​ខាង​មុខ​នេះ​នឹង​អាច​ចាប់​ផ្ដើម​យុទ្ធនាការ​ចាក់​វ៉ាក់សាំង​ដូស​ទី​​៣ ដែល​ជាដូសជំរុញពង្រឹងប្រព័ន្ធភាពស៊ាំ ប្រភេទ​ AstraZeneca ដល់​អ្នក​ដែល​បាន​ចាក់វ៉ាក់សាំង Sinopharm ឬ Sinovac រួច​ហើយ​ ។

ភាពយឺតយ៉ាវក្នុងការចាក់វ៉ាក់សាំង អំឡុងពេលបិទខ្ទប់អាចធ្វើឱ្យរាំងស្ទះដល់ភាពជោគជ័យនៃកម្មវិធីផ្តល់វ៉ាក់សាំងរបស់កម្ពុជា

ស្ត្រីម្នាក់ចាក់វ៉ាក់សាំងការពារជំងឺកូវីដ-១៩នៅភ្នំពេញកាលពីថ្ងៃទី១ ខែមេសាឆ្នាំ ២០២១។ ខេមបូចា/ ព្រីង សំរាំង

ទោះបីជាប្រទេសកម្ពុជាកំពុងព្យាយាមទប់ស្កាត់ការរីករាលដាលដ៏អាក្រក់នៃជំងឺកូវីដ -១៩ក៏ដោយ ក៏ប្រទេសនេះបានដំណើរការចាក់វ៉ាក់សាំងបានច្រើនជាងប្រទេសជិត ខាងរបស់ខ្លួន ដោយមានប្រជាពលរដ្ឋជិត១,៣លាននាក់បានទទួលយ៉ាងហោច ណាស់ដូសទី១ នេះបើតាមតួលេខដែលចេញផ្សាយកាលពីថ្ងៃពុធដោយក្រសួងសុខា ភិបាលនិងក្រសួងការពារជាតិ។

ជនជាតិចិនប្រមាណ១ម៉ឺននាក់ រស់នៅប្រទេសកម្ពុជាបានទទួលដូសដំបូងនៃវ៉ាក់សាំងស៊ីណូហ្វាម

ជនជាតិចិនតម្រង់ជួរ ដើម្បីចាក់វ៉ាក់សាំងដូសដំបូងនៅមន្ទីរពេទ្យព្រះកេតុមាលាក្នុងរាជធានីភ្នំពេញកាលពីថ្ងៃទី១០ ខែមេសាឆ្នាំ២០២១។ ខេមបូចា/ ព្រីង សំរាំង

ស្ថានទូតចិនបានប្រកាសនៅថ្ងៃពុធឲ្យដឹងថា ជនជាតិចិនប្រមាណ១ម៉ឺននាក់បានទទួលដូសដំបូងនៃវ៉ាក់សាំងស៊ីណូហ្វាមនៅកម្ពុជា ហើយទិន្នន័យរដ្ឋាភិបាលបានបង្ហាញថា ប្រជាជនកម្ពុជាជិត១,៣លាននាក់បានទទួលវ៉ាក់សាំងការពារជំងឺកូវីដ-១៩ ។ នៅថ្ងៃត្រង់ថ្ងៃពុធ ជនជាតិចិនចុងក្រោយបានចាក់វ៉ាក់សាំង ដែលជាផ្នែកមួយនៃកម្ម វិធី «ចាក់វ៉ាក់សាំងនិទាឃរដូវ» របស់ចិនក្នុងដំណាក់កាលទី១ ដែលសំដៅចាក់ជូនប្រ  ជាជនចិនក្រៅប្រទេស ក៏ដូចជាអ្នកមកពីតៃវ៉ាន់ ហុងកុង និង ម៉ាកាវ ផងដែរ នេះបើយោងតាមសេចក្តីប្រកាសរបស់ស្ថានទូត ។ លោក លី សុវណ្ណ ប្រធានមន្ទីរពេទ្យបានបញ្ជាក់ថា ការចាក់វ៉ាក់សាំងនេះធ្វើឡើងនៅមន្ទីរពេទ្យព្រះកេតុមាលា ដែលគេស្គាល់ថា ជាមន្ទីរពេទ្យយោធានៅប្រទេសកម្ពុជា។ ទោះបីជាប្រព័ន្ធផ្សព្វផ្សាយព័ត៌មានរដ្ឋាភិបាលចិនបានឲ្យដឹងថា វ៉ាក់សាំងនេះ អាចផ្តល់ជូនចំពោះជនជាតិចិនគ្រប់រូបក៏ដោយ ក៏លោក សុវណ្ណ មានប្រសាសន៍ថា វ៉ាក់សាំងនេះ ផ្តល់ឱ្យតែវិនិយោគិននិងបុគ្គលិកជំនាញប៉ុណ្ណោះ។ លោកមានប្រសាសន៍ថា៖ «ពួកគាត់មិនមែនជាជនជាតិចិនធម្មតា ដែលលក់គុយទាវនិងកាហ្វេទេ»។ លោកបានបន្ថែមថា ពួកគាត់មកវិនិយោគលើគម្រោងជាច្រើនដូចជា«ផ្លូវល្បឿនលឿន អាកាសយានដ្ឋានសៀមរាប និង ដារ៉ា សាគរ ជាដើម»។ លោក សុវណ្ណ បានថ្លែងសំដៅដល់គម្រោងអភិវឌ្ឍន៍នៅខេត្តកោះកុងដ៏ចម្រូងចម្រាសមួយ ដែលបានទទួលទណ្ឌកម្មសេដ្ឋកិច្ចពីក្រសួងរតនាគារសហរដ្ឋអាមេរិកដោយផ្អែក លើការចោទប្រកាន់ពីការបណ្តេញចេញពីដីធ្លីនិងអំពើពុករលួយ ប៉ុន្តែក៏ទាក់ទិននឹងរម ណីយដ្ឋានដែលមានលទ្ធភាពអាចប្រើជាមូលដ្ឋានយោធាចិន ជាការអះអាងដែលរដ្ឋា ភិបាលកម្ពុជាបានបដិសេធ។ លោក […]

វ៉ាក់សាំងថ្មីមកដល់កម្ពុជា ខណៈករណីឆ្លងជំងឺកូវីដ១៩ បន្តកើនឡើង

វ៉ាក់សាំង CoronaVac ចំនួន ១,៥លានដូសបានមកដល់ក្រុងភ្នំពេញ កាលពីថ្ងៃសុក្រ ទី២៦ ខែមីនា ឆ្នាំ២០២០។ ខេមបូចា/ព្រីង សំរាំង

កម្ពុជា​ទទួល​បាន​វ៉ាក់សាំង​ ១,៥​លាន​ដូស​ពី​ក្រុមហ៊ុន Sinovac របស់​ចិន ខណៈ​ករណី​ឆ្លង​ជំងឺ​កូវីដ១៩ ​បន្ត​កើន​ឡើង​ ជាមួយ​នឹង​ករណី​​ឆ្លង​ថ្មី​ចំនួន ៩៦​ករណី​នៅរសៀលថ្ងៃសុក្រ។

រដ្ឋាភិបាលថាក្រុមមនុស្សផ្សេងបន្ថែមទៀតនឹងទទួលបានវ៉ាក់សាំងAstraZeneca

បុរសខ្មែរម្នាក់បានទទួលវ៉ាក់សាំង AstraZeneca នៅមន្ទីរពេទ្យកុមារជាតិក្នុងទីក្រុងភ្នំពេញកាលពីថ្ងៃទី១០ ខែមីនា។ខេមបូចា/បញ្ញា ឆព័ណ្ណ

ក្រសួង​សុខា​ភិបាល​កំពុងពិចារណា​ពង្រីក​វិសាលភាព​លើ​​ក្រុម​អាទិភាព​ត្រូវ​ទទួល​បាន​ការ​ចាក់វ៉ាក់សាំង​បង្ការ​កូវីដ​១៩ AstraZeneca បន្ទាប់​​ពី​មាន​ការ​​កើនឡើង​នៃការ​ចាក់​កាលពី​សប្ដាហ៍​មុន ខ​ណៈវ៉ាក់សាំង​​ផលិត​ក្នុង​ប្រទេស​ឥណ្ឌា​មួយ​នេះ​ក៏​ត្រូវ​រាយការណ៍​ថា​ចាក់​ឲ្យ​អ្នក​ដែល​មាន​អាយុក្រោម​៦០​ឆ្នាំផង​ដែរ​។