គ្រឹះស្ថានហិរញ្ញវត្ថុដាក់ចេញវិធានការបន្ថែម ដើម្បីសម្រាលបន្ទុកហិរញ្ញវត្ថុ បន្ទាប់ពីមានការអំពាវនាវពីសង្គមស៊ីវិល

អ្នកធ្វើដំណើរបើកបរកាត់មុខទីស្នាក់ការកណ្តាលធនាគារអេស៊ីលីដានៅរាជធានីភ្នំពេញ ថ្ងៃទី១ ខែមេសា ឆ្នាំ២០២១ ។ ខេមបូចា / បញ្ញា ឆព័ណ្ណ

គ្រឹះស្ថានហិរញ្ញវត្ថុនៅ​កម្ពុជាបានប្រកាសកាលពី​ថ្ងៃពុធនូវវិធានការបន្ថែម ដើម្បីសម្រាល​បន្ទុកហិរញ្ញវត្ថុចំពោះអតិថិជនរបស់ខ្លួន ដែលរងផលប៉ះពាល់ដោយសារជំងឺកូវីដ-១៩ ដែល​ការ​ដាក់​ចេញ​វិធានការនេះ​ធ្វើ​ឡើង​មួយថ្ងៃ បន្ទាប់ពីអង្គការសង្គមស៊ីវិលជាង១០០ បានអំពាវនាវឱ្យមាន​ការ​ពន្យាពេលសងត្រឡប់​៣ខែដល់អ្នកខ្ចីប្រាក់​។