សិទ្ធិដីធ្លីរបស់ជនជាតិដើមភាគតិចគឺជាគន្លឹះនៃការអភិរក្សប្រកបដោយយុត្តិធម៌ សមធម៌ និងភាពធន់នៅក្នុងប្រទេសកម្ពុជា
ស្របពេលដែលជនជាតិដើមភាគតិចមានចំនួនប្រមាណ៦ភាគរយនៃចំនួនប្រជាជនសរុបក្នុងពិភពលោក ពួកគេក៏មានសិទ្ធិកាន់កាប់ដីធ្លី និងធ្វើការគ្រប់គ្រងដីធ្លីយ៉ាងតិច៣៨លានគីឡូម៉ែត្រការ៉េ នៅក្នុងប្រទេសចំនួន៨៧។ នៅកន្លែងជាច្រើន ក្រុមជនជាតិដើមភាគតិច គឺជាអ្នកថែរក្សាជីវៈចម្រុះ ដីធ្លី និងសមុទ្រប្រកបដោយប្រសិទ្ធភាព ព្រមទាំងរក្សាបាននូវតម្លៃវប្បធម៌ សង្គម និងសេដ្ឋកិច្ច ទៅតាមបរិបទផ្សេងៗគ្នានៃសហគមន៍របស់ពួកគេ។ ហេតុដូច្នេះ ការលើកកម្ពស់សិទ្ធិរបស់សហគមន៍ជនជាតិដើមភាគតិចបានក្លាយជាចំណុចស្នូលនៃការប្ដេជ្ញាចិត្ត និងកិច្ចព្រមព្រៀងអន្តរជាតិស្ដីពីអាកាសធាតុនិងជីវៈចម្រុះ។
