
កីឡាការិនីហែលទឹកវ័យជំទង់ម្នាក់ដណ្តើមបានមេដាយមាសបីគ្រឿង មុនព្រឹត្តិការណ៍ស៊ីហ្គេមនៅកម្ពុជា
យុវតី កាំង មុយនីន អាយុ១៦ឆ្នាំ បានចាប់ផ្តើមហាត់ហែលទឹកយ៉ាងខ្លាំងក្លាតាំងពីនាងនៅអាយុ១០ឆ្នាំ។ កាលពីដើមខែនេះ សិស្សថ្នាក់ទី១០រូបនេះទទួលបានមេដាយមាសចំនួនបីសម្រាប់ប្រទេសកម្ពុជានៅក្នុងការប្រកួតកម្រិតតំបន់ដោយវ៉ាដាច់កីឡាការិនីនៅក្នុងក្រុមអាយុដូចគ្នាមកពី១៥ប្រទេសផ្សេងទៀត។