លោក ហ៊ុន សែន ថាលោក ហ៊ុន ម៉ាណែត អាចក្លាយជានាយករដ្ឋមន្រ្តីនៅអាណត្តិក្រោយ

លោក ហ៊ុន ម៉ាណែត ត្រូវបានគណៈកម្មាធិការកណ្តាលគណបក្សប្រជាជនកម្ពុជា ជ្រើសតាំងផ្លូវការកាលពីសប្តាហ៍មុន ជាបេក្ខភាពនាយករដ្ឋមន្ត្រីបន្ទាប់ពីឪពុករបស់លោក។ ខេមបូចា/ បញ្ញា ឆព័ណ្ណ

លោកនាយករដ្ឋមន្រ្តី ហ៊ុន សែន បានថ្លែងកាលពីថ្ងៃពុធថាកូនប្រុសច្បងរបស់លោក គឺ លោក ហ៊ុន ម៉ាណែត អាចកាន់តំណែងខ្ពស់បំផុតក្នុងជួររដ្ឋាភិបាលនៅឆ្នាំ២០២៣ឆាប់ៗខាងមុខនេះ។

លោក ហ៊ុន សែន គាំទ្រកូនប្រុសច្បងឲ្យធ្វើជាមេដឹកនាំបន្ទាប់របស់ប្រទេសកម្ពុជា

លោក ហ៊ុន ម៉ាណែត កូនប្រុសលោកនាយករដ្ឋមន្ត្រី ហ៊ុន សែន (កណ្ដាល) ចូលរួមទិវាបុណ្យឯករាជ្យជាតិនៅទីក្រុងភ្នំពេញ។ រូបភាពថតកាលពីថ្ងៃទី ៩ ខែវិច្ឆិកា ឆ្នាំ២០១៩។ ខេមបូចា/ ព្រីង សំរាំង

លោកនាយករដ្ឋមន្ត្រី ហ៊ុន សែន បានប្រកាសជាសាធារណៈគាំទ្រកូនប្រុសច្បងរបស់លោក គឺលោក ហ៊ុន ម៉ាណែត ជាអនាគតបេក្ខភាពស្នងតំណែងបន្តពីលោកជានាយករដ្ឋមន្ត្រី។ លោកបានអះអាងថា ការប្រកាសនេះធ្វើឡើង ដើម្បីឆ្លើយតបទៅនឹងអ្នករិះ គន់ដែលបានចោទប្រកាន់លោកជាយូរមកហើយថា បានត្រួសត្រាយផ្លូវឲ្យកូនប្រុសរបស់លោកឡើងកាន់តំណែងជាមេដឹកនាំបន្ទាប់របស់កម្ពុជា។