អគ្គលេខាធិការអង្គការសហប្រជាជាតិអំពាវនាវឱ្យកម្ពុជាបើកលំហសេរីភាពច្រើនជាងមុន
អគ្គលេខាធិការអង្គការសហប្រជាជាតិលោក អង់តូនីញ៉ូ ហ្គោទែរ៉េស (Antonio Guterres) មានប្រសាសន៍នៅក្នុងទីក្រុងភ្នំពេញនៅថ្ងៃសៅរ៍ថា លំហសេរីភាពពលរដ្ឋគួរត្រូវបានពង្រីកបន្ថែមទៀត ហើយអ្នកការពារសិទ្ធិមនុស្សគួរត្រូវបានការពារ ដោយលោកបានបន្ថែមថា «គ្រប់គ្នាបរាជ័យ» ក្នុងការដោះស្រាយជម្លោះនៅក្នុងប្រទេសមីយ៉ាន់ម៉ា ប៉ុន្តែលោកមានជំនឿថា ប្រទេសឥណ្ឌូណេស៊ីនឹងធ្វើឱ្យស្ថានភាពប្រសើរឡើងនៅឆ្នាំក្រោយក្នុងឋានៈជាប្រធានអាស៊ាន។
