ម្ភៃឆ្នាំកន្លងផុតទៅ អ្នកភូមិឡពាងនៅតែបន្តទាមទាររកដំណោះស្រាយលើជម្លោះដីធ្លី
កាលពីខែមុន អ្នកភូមិ២០នាក់ពីសហគមន៍ឡពាងបានធ្វើដំណើរពីស្រុកកំពង់ត្រឡាច ខេត្តកំពង់ឆ្នាំងមកក្រុងភ្នំពេញ ដើម្បីចូលរួមក្នុងសវនាការនៅសាលាឧទ្ធរណ៍ជុំវិញរឿងក្តីមួយដែលបានអូសបន្លាយពេលអស់២០កន្លងមកនេះ។ នៅពេលពួកគេមកដល់ ពួកគេបានទទួលដំណឹងថា សវនាការត្រូវបានលើកពេល ពីព្រោះចៅក្រមម្នាក់នៅក្នុងចំណោមចៅក្រមសរុបបីនាក់គឺជាប់សាច់ញ្ញាតិរបស់មេធាវីការពារក្តីឲ្យភាគីក្រុមហ៊ុន។
