ពលរដ្ឋស្រុកបន្ទាយស្រីបដិសេធមិនទទួលសំណងដែលផ្តល់ដោយអាជ្ញាធរអប្សរាចំពោះវិវាទដីធ្លី

ពលរដ្ឋស្រុកបន្ទាយស្រីធ្វើការតវ៉ានៅខាងក្រៅសាលាខេត្តសៀមរាបកាលពីថ្ងៃចន្ទ ដោយស្នើឲ្យមានដំណោះស្រាយសមស្របចំពោះវិវាទដីធ្លី ដែលមានតាំងពីឆ្នាំ ២០០៥មក ជាមួយនឹងអាជ្ញាធរជាតិអប្សរា។ ខេមបូចា/ បញ្ញា ឆព័ណ្ណ

អ្នក​ភូមិ​ប្រមាណ ៤០​នាក់ មក​ពី២១​គ្រួសារ​បាន​ធ្វើការ​តវ៉ា​នៅ​ខាង​ក្រៅ​រដ្ឋបាល​ខេត្ត​សៀមរាប ដោយ​បដិសេធ​មិន​ទទួល​សំណង​របស់​​អាជ្ញាធរ​អប្សរា​នូវ​ដី​ទំហំ​២០​x៣០​ម៉ែត្រ​ នៅ​ក្នុង​ឃុំ​តែ​មួយ​ ដែល​ពួកគេ​កំពុង​ស្នាក់​នៅ។ អ្នក​ភូមិ​និយាយ​ថា ពួកគេ​កំពុង​រស់​នៅ​លើ​ដី​ធំ​ជាង​នេះ និងមាន​ដីស្រែ​របស់​ខ្លួន។