អាណាព្យាបាលសិស្សនៃវិទ្យាល័យ ជា ស៊ីម ព្រែកអញ្ចាញ តវ៉ាឱ្យបញ្ចុះការបង់ថ្លៃសិក្សានៃសាលាជំនាន់ថ្មី

លោក អ៊ូ ប៊ុណ្ណារិទ្ធ តំណាងអាណាព្យាបាលសិស្សនៃវិទ្យាល័យ ព្រែកអញ្ចាញ កាន់ក្រដាសពាក្យស្នើអនុគ្រោះនៃសាលាជំនាន់ថ្មី ពន្យល់ប្រាប់ប្រជាពលរដ្ឋនៅមុខអគាររដ្ឋបាលសាលាស្រុកមុខកំពូល ខេត្តកណ្តាល បន្ទាប់ចេញពីប្រជុំជាមួយអភិបាលស្រុក។ រូបថតថ្ងៃទី២៧ ខែធ្នូ ឆ្នាំ២០២១។ ខេមបូចា/ វ៉ា សុភានុត

ឪពុកម្ដាយ និងអាណាព្យាបាលរបស់សិស្សានុសិស្សនៃវិទ្យាល័យ ជា ស៊ីម ព្រែកអញ្ចាញ  ខេត្តកណ្ដាល ប្រមាណជាងពីររយនាក់​បាន​ប្រមូល​ផ្ដុំគ្នា​ធ្វើ​ការ​តវ៉ា នៅមុខសាលាស្រុក នាដើមសប្តាហ៍នេះ ដោយស្នើឱ្យបញ្ចុះការបង់ថ្លៃសិក្សាត្រឹម​មួយរយដុល្លារ​ក្នុង​មួយឆ្នាំ សម្រាប់ការរៀននៅសាលាជំនាន់ថ្មី និងបើកសាលារៀនរដ្ឋធម្មតាវិញ។