
សហជីពគាំទ្ររដ្ឋាភិបាលចោទអង្គការការពារសិទ្ធិកម្មករពីបទញុះញង់សមាជិកខ្លួនឱ្យបង្កើតសហជីពថ្មី
តំណាងសហភាពសហជីព និងសហព័ន្ធសហជីពប្រមាណ២០០ បានចោទប្រកាន់អង្គការការពារសិទ្ធិកម្មករឯករាជ្យដ៏លេចធ្លោចំនួនពីរ ថាបានញុះញង់សមាជិករបស់ខ្លួនឱ្យចាកចេញ និងបង្កើតសហជីពថ្មី។ ការអះអាងនេះត្រូវបានបដិសេធ ដោយអង្គការមួយក្នុងចំណោមពីរដោយបានលើកឡើងថាខ្លួនមិនដែលបានបណ្តុះបណ្តាលសមាជិកនៃសហជីពហត្ថលេខីណាមួយក្នុងញត្តិនោះទេ ដែលភាគច្រើនជាសហជីពមានទំនាក់ទំនងជាមួយរដ្ឋាភិបាល ឬគណបក្សកាន់អំណាច។